Matesu 12:34 - O Mikanda Ikola

³⁴ Enu mu muiji ua madiuta! Mu tena kiebhi, ki mua iibhʼiki, o kuzuela ima iambote? Mbata kioso kiezala mu muẋima, kiene ki zuela o dikanu.

Matesu 12:34 ပူးပေါင်းရင်းမြစ်များ

Jisálamu 53:1

O kiôua ua ki ambe ku muẋima uê, uixi: Kana-ku Nzambi! Athu ala muene ifusa, a bhanga isunji iaiibha; ki bhuala ngó u bhanga mbote.

Jisálamu 64:3

A bhingi dimi diâ a di zuika kala xibhata, a ku ona o milonga ialulu kala matoma.

Jisálamu 64:5

A di suinisa mudiâ, mu bhanga ndunge jaiibha; a ta maka ma kuta míkala mu fua akuá; a fika ki kuala muthu ua a mono, kuma ela muene, exi: Nanhi u tu mona?

Jisabhu 16:23

Muẋima ua muthu uadimuka, uene ulonga o dikanu diê, anga u mu bandekeza uhete ua kuzuela mu mizumbu iê.

Jisabhu 4:23

Ku ioso ia fuama ku langa, langa o muẋima ué, kuma mu muẋima muene muala o dimatekenu dia matundilu moso ma muenhu.

Izaía 32:6

Mbata o seletete uzuela useletete uoso, o muẋima ue u bhanga ima ia kubhuma, ndunge iê o kubhanga mangonha, katé ni Jihova u mu tanga ibhengèle, ukakula mukua-nzala, o mukua-dinhota u mu kambesa o menha.

Izaía 59:14

Kienhiki o ufundisilu ua kidi ua vutuka kuema, o kuiuka kua di takula dikanga, mukonda o kidi mu nzunga kia muia ni ku-dibhukana, o ku sokelela ki ku xikina ku bokona.

Izaía 59:4

Ki bhuala muthu u dikola mu ku sota kulûnga, kana-bhu ue muthu u tukuluka mu kufunda phala kusota o kidi, a di-fiiala kingoho, o kuzuela kuâ o makutu; emita milonga, avuala ikuma.

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Matesu 12:35

Muthu uambote, ku dilundilu diê diambote, u tubhula ima iambote. Muthu uaiibha, ku dilundilu diê diaiibha, u tubhula ima iaiibha.

Matesu 15:18

Ima-phe i tunda mu kanu, ia tundu ku muẋima, iene i xidisa muthu.

Matesu 23:33

Mu jinhoka, mu anʼa madiuta! Mua-nda kulenga kiebhi o kaxtiku ka ifernu?

Matesu 3:7

Nzuá muène-phe kia mono ku jifalizeu ni ku jisaduseu kueza athu ku batizu iê, uixi: Enu mu ana a madiuta, nanhi ua mi dimuna kulenga o njinda ia-nda kuiza-ku, itunda kua Nzambi?

Luka 3:7

Nzuá anga uambela kifuẋi kieza kua muène mu ku a batizala, uixi: Muiji ua nhoka ja ísueia! Nanhi ua mi tendelela kulenga o njinda ia Nzambi ia-ndu kuiza-ku?

Luka 6:45

Muthu uambote, ku mbote ia mu vudila mu muẋima, u tubhula ima iambote; o kifusa, ku ufusa ua mu vudila mu muẋima, u tubhula ima iaiibha. Mukonda kioso kia vudila ku muẋima, kiene ki tanga o dikanu.

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

Efezo 4:29

Ki mu tunde ndaka iabolo mu kanu dienu. Maji o kuzuela kuenu ku kale kua kukuatekesa akuenu kukula mu kuxikana ni a mone kioso kia bhindamena, phala kuzuela kuenu ku bhange mbote kua oso evua.

Efezo 5:4

Né jindaka, né kuzuela kua uoua, mba kasekelu, iene ioso íii ki i mi fuama. Inda kota o kukala mù sakidila jinga Nzambi.

Tiiaku 3:2

Kuma etu-ene oso, tuene mu tondajala mu ima iavulu. Uoso u kamba kudibhukana mu kuzuela, ió muene muthu uatenena, ua soko-bho o kukuika mukutu uê uoso.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.

I Samuuele 24:13

Kala kiambe o Sabhu ia makulu, exi: Mukua phulu, a mu ijidila mu kubhanga o phulu iene; eme-phe lukuaku luami ki lu ku tula.