Matesu 12:25 - O Mikanda Ikola

²⁵ Jezú-phe kuma uejiia ioso iala kubanza, uixi: Kilômbo kioso kia sobha se kia di balukila ene mudiâ, kindala ki muangana; mba sanzala ioso, mba dibhata, se a di balukila ene mudiâ, dibhata diodio ki di tungu.

Matesu 12:25 ပူးပေါင်းရင်းမြစ်များ

I Jisobha 16:21

Bhenhobho akua Izalaiele a di uana mu ibuka iiadi: kaxaxi ka kaiela Tibini, monʼa Jinate, phala ku mu bhanga sobha; o kaxaxi ka mukuá a kaiela Omidi.

Jisálamu 139:2

Ua ngʼijila ni kuxikama kuami ni kubalumuka, o ilunji iami ni mu kanga muná ia ku jimbulukila kiá.

Izaía 9:21

Manasa ni Ifalaimi, Ifalaimi ni Manasa, kiiadi kiâ a balukila Juda; ku ima iosuʼiii-phe, njinda iê ki bhene bhu ia suku, maji hanji kia sunununa o lukuaku luê.

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Amoji 4:13

Kuma Muene, muene uombu o milundu iu ua iudika ue o kitémbue, u tanga ixinganeku ia muthu, kimene u ki bhilula usuku, mavu u a bhita bhu thalʼèlele; dijina diê Jihova, Nzambi ia Ilômbo Ieta.

Matesu 9:4

Jezú kuma uejiia mabanzelu mâ, uixi: Phala-hi muala mu xinganeka kiaiibha mu miẋima ienu?

Marku 2:8

Kithanganʼokio Jezú kuma uevu ku muẋima ué ioso iala mu banza ene, uixi: Enu mu xinganekena-hi kienhókio?

Nzuá 21:17

Anga u mu ambela lua katatu, uixi: Ximá, monʼ a Jona, eie ua ngi zola? Phetele anga u kenanana, mukonda tatu kiá ni ku mu ibhula: Eie ua ngi zola? Anga uitaia, uixi: Ngana, eie uejiia ima ioso, ua kʼijiia kuma eme nga ku zola! Kuala Jezú: Disa jimbudi jami.

I Kolindo 2:11

Kuma ku athu kana-ku uejiia ima ia muthu, kikale ngó o nzumbi ia muthu ia mu kala moxi diê. Kiene ue o ima ia Nzambi, ua ijiia muene ngó o Nzumbi ia Nzambi.

Ngalásia 5:15

Maji se mu kala uila mu iama, ni ku di ta mazu, ni ku di hamena mudienu, di langienu-phe, kuma muanda kudiua enu oso, hé mu jima o mbutu, se mu kamba kukuata kilunji.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

Dijingunuinu 16:19

O mbanza ia dikota anga i muangunuka mu mbandu jitatu, o jimbanza ja akua-jixi mu ngongo anga ji lundumuka hé ji senguluka jene joso muene. Nzambi anga u lembalala o Babilónia ia dikota, hé u i bhana kùnua o vinhu ia tundu mu kopho iê—o vinhu ia kutema kua njinda iê.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.