Matesu 12:10 - O Mikanda Ikola

¹⁰ Anga a mu ibhula, exi: O kusaka muthu mu kizuua kia sábhalu ki kôla mu Kitumu kietu, inga kana? Ienhiʼ ii ndunge iâ ia ku mu tatela.

Matesu 12:10 ပူးပေါင်းရင်းမြစ်များ

Izaía 32:6

Mbata o seletete uzuela useletete uoso, o muẋima ue u bhanga ima ia kubhuma, ndunge iê o kubhanga mangonha, katé ni Jihova u mu tanga ibhengèle, ukakula mukua-nzala, o mukua-dinhota u mu kambesa o menha.

Izaía 59:13

Tuedi ni kulueza, ni ku ta makutu mu ku bilukila Jihova, ni ku ta dikunda kua Nzambi ietu, tuexi ni kuzuela kua ungumba ni kubhukumuka, ni kuimita ni kulusa maka ma mangonha ku muẋima.

Izaía 59:4

Ki bhuala muthu u dikola mu ku sota kulûnga, kana-bhu ue muthu u tukuluka mu kufunda phala kusota o kidi, a di-fiiala kingoho, o kuzuela kuâ o makutu; emita milonga, avuala ikuma.

Zakadiia 11:17

Lamba dié! mubidi ua kilalu, ua bhingi jimbudi u ji ehelela! xibhata ia kà ku tula ku lukuaku ni ku diesu dié dia kadilu! Lukuaku lué lua kadilu lua kà kukuta muene luene luoso, o diesu diê dia kèla muene babadi!

Matesu 12:2

Jifalizeu-phe kia ki mono, a mu ambela, exi: Talesa, jixibulu jé jí bhanga kimbamba kikôla mu Kitumu ku ki bhanga kia sábhalu!

Matesu 19:3

Jifalizeu anga jiza kua muène, phala ku mu londa, exi: Manhi mu Kitumu kietu ki kôla diiala kusenga muhatuʼê mukonda dia kikuma kiosokioso?

Marku 3:2

Ene anga a kala ku mu tonginina mba u mu saka kia sabhalu, phala a mu tatele.

Luka 11:54

Kuma a mu batamena phala ku mu kuata mu kima kioso-kioso ki tunda mu dikanu diê.

Luka 13:14

Dikota dia dilombe-phe, u futuluka, mukonda Jezú ua sake kia Sábhalu. Anga uambela o kifuẋi, uixi: Sai izuua isamanu ia tokala o kukalakala. Iene izuua i muiza jinga, nʼa mi sake. Mu kizuua kia Sábhalu, kana.

Luka 20:22

O kiki, tu tangele: Kala ki ala mu Kitumu kietu, tua tokala tu bhana o lubhaku kua Sézalu dia mukua Loma, inga Kana?

Luka 23:14

Enu mua ngi bhekela diiala didi, muexi mukua kufunhisa o mundu. Eme-phe nga mu tokuesa bhu pholo ienu, maji ki ngi mu mono ni kikuma mu ima ioso i mua mu tatela.

Luka 23:2

O kuenhoko anga a kuata ku mu tatela, exi: Muthu iú tua mu kuata ni kufunhisa o kifuẋi kia mundu uetu. Uala ku fudisa athu kubhana lubhaku lua Sézalu, uixi: Eme-muène ngi Kristu, ngi muenexi.

Nzuá 5:10

Jijudé anga jʼambela iú ueluka, exi: Lelu kia Sábhalu. Mu Kitumu kietu, lelu ki kôla kuambata o hama ié.

Nzuá 5:3

Mu itelembeʼ umu, u sanga bhoxi bhua zeka jihaxi javulu: Ni ifôfo, ni inema, ni jihaxi jamukuá, [ala mù kinga o menha ku di vunza.

Nzuá 7:23

Se muthu u tambula o kusaia mu kizuua kia Sábhalu, mukonda dia uôma ua kutondala o Kitumu kia Mozé, phala-hi mua ngi kuatela njinda, mukonda Eme nga bhana muthu ku di sanza mu kizuua kia Sábhalu?

Nzuá 8:6

Ene a zuela kiki mu ku mu londa, phala a mone kia ku mu ta mulonga. Jezú-phe u ngongama bhoxi, hé u kuata kusoneka ni mulembu mu mavu.

Nzuá 9:16

Jifalizeu jamukuá, jexi: Muthu ió ua bhange kiki, ka tundu kua Nzambi, mukonda o Sábhalu ka i aiuka. Amukuá, exi: Mukua-ituxi utena kiebhi, kubhanga madiuanu kala iá? Anga a di uanuna mudiâ.