Matesu 11:7 - O Mikanda Ikola

⁷ O maxibulu ma Nzuá kia zubha ku muangana, Jezú u kuata mu kuambela kifuẋi mukonda dia Nzuá, uixi: Ku ditutu muele kulonda-ku ihi? Dithethele di diieba ni kitembu?

Matesu 11:7 ပူးပေါင်းရင်းမြစ်များ

Dimatekenu 49:4

Mu ku di takujula-phe kala menha, ukota ua u lémbua; mukonda ua bande bhu hama ia tatʼenu; ua i te lufuku, muanza uami ua u zange.

Matesu 11:8

Ihi-phe i muele kulonda? Diiala dia zuata izuatu ia matunda? Talesa, a zuata izuatu ia matunda a kala mu jimbanza ja jisobha.

Matesu 12:20

Dithethele dióxine muène ka di tolola, muanga u xongota kà u jima, katé kià tubhula kufundisa kua kidi, nʼa lende kíkoue.

Matesu 21:25

O kubatizala kua Nzuá ungana uê ua tundile kuebhi? Ku diulu kua Nzambi, inga ku athu? Ngi vutuidienu! Ene a xinganeka moxi diâ, exi: O ki tuila, tuexi: Ku diulu, kua Nzambi, muène uanda kuila: Enu-phe Nzuá mua kambelahi ku mu xikana?

Matesu 3:5

Bhenhobho akua Jeluzaleme, ni akua Judeia ioso, ni ku másambua moso ma Njolodá, a mu kana mu ditutu.

Luka 8:18

Kala kiki, tumenu-phe ku kʼijiia kioso ki muívua! Mukonda uoso uala, muène a mu bhana; uoso ua kambe, a mu tambula katé ni kiki kia di fika o kukuata.

Nzuá 1:38

Jezú anga u sakuka, u mona ala ku mu kaiela, anga ua ambela, uixi: Ihi i mua-lu sota? Ene a mu kumbulula, exi: Labi, (Mesene), eie ua tungu kuebhi?

Nzuá 5:35

Nzuá ua kexile mukuâ ni kandeia ka uama, ka muika; enu-phe kia mi uabhelele kusanguluka kathangana mu mukengeji uê.

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

Tiiaku 1:6

Maji a bhinge-phe ni kuxikana, ka te-bhu phata. Kuma o muthu u kuata phata, u sokela ni dibhuku ku musanza, dia-iu kaia-kaia kuala o kitembu ni ku di zabujula ku mbandu joso.