Matesu 11:5 - O Mikanda Ikola

⁵ O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Matesu 11:5 ပူးပေါင်းရင်းမြစ်များ

II Jisobha 5:14

O ki evu kiki, u tuluka mu dikalu u boba lusambuadi mu Njolodá kala kia tange o kizuelu kia muthu ua Nzambi, o xitu iê anga i vutuluka, ila kala xitu ia kamona ka ndenge, hé u di sanza.

II Jisobha 5:7

Hé ki bhita-phe kuila, o sobha ia Izalaiele kioso kia tange o mukanda, ua tandula o izuatu iê, uixi: Eme kífua ngala ngi Nzambi, ni ngi tene kufuisa mba kubhana muenhu, kí kia bhekesa iú ku tumikisa muthu kokuami, phala eme ngi mu sake ku dibhute diê? Talenu-kiu muene kiambote, nga mi diondo, mu ki mone, kuma muene ua-lu sota ndunge ia ku bhanga jimvunda nʼeme.

Jisálamu 146:8

Jihova u jikula o mesu a ifofo; Jihova u bhetula ió a zeka bhoxi; Jihova u zola ió aiuka.

Jisálamu 22:26

Akua ujitu a kà dia muene ku fesa, anga ekuta; oso ene kusota Jihova, a mu ximane; tanenu-ku, o miẋima ienu i di sanze katé ku hadia!

Makatukilu 4:11

Jihova anga u mu ambela, uixi: Nanhi muene ua bhanga o dikanu dia muthu? U bhangesa kuila iú dibubu, iú muxilu, o iú u mona, iú kifofo? Manhi ki eme muene ngi Jihova?

Izaía 29:18

Mu kizuua kiná-phe o mixilu ia kʼèvua maka mu divulu, o ifofo ia kà ma muena mua vundu ni mu kitombe.

Izaía 29:19

Oso a belesela a kà kala ni ngalasa, kutunda ngalasa, kuiza ngalasa, o ngalasa mua Jihova; jiphulungu ku mundu, a kà tanena kua Dilemba dia Izalaiele.

Izaía 43:8

Ngi bhekedienu o mundu ua ifofo, maji ala ni mesu; ngi bhekedienu o mixilu, maji ala ni mátui.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Zakadiia 11:7

Eme-phe kiá anga ngi langa o jimbudi ja muia ni ku jibha, o tumbudi tua kilunga, akuetu! Anga ngi katula mbangala jiiadi phala eme: Imoxi nga i luku “Kiadi” o ia mukuá ngixi, “Kuongama”, anga ngi langa na-ju o tumbudi.

Matesu 10:8

Sakenu jihaxi, fukununenu madifundu, disanzesienu akua dibhute, kaienu madimonho. Mua tambula ngoho, bhanenu ngoho.

Matesu 11:4

Jezú anga u a vutuila, uixi: Ndenu mua kà tangele Nzuá o ima i muívua, i mu mona:

Matesu 12:13

Anga u ambela o diiala, uixi: Sunununa o lúkuaku lué. Muène anga u lu sunununa, hé lu di sanza kala o lúkuaku luê luamukuâ.

Matesu 21:14

O ifuôfo ni inema anga i mu sanga mu Tembulu, muène anga ua a saka.

Matesu 5:3

A zediua jingadiama ja muẋima, mukonda o Utuminu ua Diulu uâ ene.

Matesu 9:30

O mesu mâ anga ma jikuka. Jezú anga u a tendelela, uixi: Alukenu, ki mu kʼijidise muthu.

Marku 7:37

Anga a diuana dingi kiavulu, exi: Muene o ima ioso u i bhanga kiambote! U bhangesa kuila o mixilu evua, o mabubu a zuela!

Marku 9:25

Jezú kia mono bhuala ku di bhongolola mundu, u kidika o nzumbi iabolo, uixi: Eie u nzumbi ia dibubu, ni uxilu, nga ku tumu: Tunda mu mukutu ua mona iu, nuka dingi u mu bokona!

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Nzuá 10:25

Kuala Jezú: Eme nga mi tangela kiá, enu-phe ki mu xikana. O ikalakalu i ngene kubhanga mu dijina dia Tata, iene jimbangi jami.

Nzuá 10:38

Maji se iene muene i ngene kubhanga, né kiá ki mu ngi xikana eme, xikanenu kiá ngoho o ikalakalu i ngene mù bhanga, phala mu kʼijiie tunde lelu té ku hádia kuma Tata uene mo-muami, eme ngene mua Tata.

Nzuá 2:23

Kienhókio Jezú kioso kia kala mu Jeluzaleme, mu fesa ia Phasu, athu avulu a xikana dijina diê, mu kumona o mediuanu-mê mala kubhanga.

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Nzuá 5:36

Maji eme sai hanji umbangi u ngala na-u, ua tundu o umbangi ua ngi bhela Nzuá—o ikalakalu i ngi bhanga. Mbata o ikalakalu ia ngi bhana Tata kubhanga, iene ia beta ku ngi bhela umbangi, mukonda iene ia mu lombolola kuila o Tata muene ua ngi tumikisa.

Nzuá 9:7

Anga u mu ambela, uixi: Ndé, ka di sukule mu dizanga dia Silôua. (Dijinʼ idi, mu ku di jimbulula diedi: A mu tumu). Muène anga uia-bhu, hé u di sukula. O mu kuiza, ua-lu mona kiá kiambote.

Jipoxolo 2:22

Phetele uixi, dingi: Enu akua Izalaiele, tata, ivenu o makʼ ama: Jezú dia Nazalé muthu a mu jingisa mudienu kuala Nzambi ni ima ia kusuina, ni iphata, ni isumua, ia mu kalakesa Nzambi mu ʼaxaxe kenu, enʼuenu mua ʼijiienunu;

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.