Matesu 11:29 - O Mikanda Ikola

²⁹ Di tuikienu jungu iami, mu di longe ko kuami; mbata eme nga belesela, nga batama muẋima, nda mu mone kutululuka kua jinzumbi jenu.

Matesu 11:29 ပူးပေါင်းရင်းမြစ်များ

II Malunda 10:11

Kienʼiki se tatʼetu ua miʼambatesa jungu ia neme, eme-phe ku jungu ienu nga-nda ku ta-ku dingi; o ki kala tatʼetu ua mi beta ni jixikote, eme-phe kiá nga-ndu mi beta ni jimbalanganza.

Jisálamu 116:7

Tunda-ku, muẋima uami, uize u nhohe bhabha; kuma jimbote ja ku bhanga Jihova ja nzungule.

Jisálamu 131:1

U Jihova, muẋima uami ki uala ni izala, kana; ki ngala mu xikulula mesu ni katunda koso! Ki ngi di metena imbamba ia ngi tundu, mba ngi sota imbamba ia makota ki i ngi tokala!

Jisabhu 3:17

Jihoka jê jihoka ja malau, o jinjila jê joso jinjila ja kutululuka.

Izaía 28:12

Athu enhá ua ambela: Didi diene o dinhohenu, bhanenu-diu uoso ua bhuila; o kuku kuene o kutululuka; ene-phe nguâ kuívua.

Izaía 29:19

Oso a belesela a kà kala ni ngalasa, kutunda ngalasa, kuiza ngalasa, o ngalasa mua Jihova; jiphulungu ku mundu, a kà tanena kua Dilemba dia Izalaiele.

Jelemiia 6:16

Jihova uambe kiki: Kutukenu mu jinjila, mu tale nda mu ibhule ikoka ia xahulu, ioso o njila iauabha, muʼendele muenhomo; nda mu sange o dinhohenu dia jinzumbi jenu: Maji ene-phe exi: Nguetu kuenda.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Dialuilu 12:3

Mozé-phe ua kexi muthu ua xididika, athu oso mu ngongo ndenge.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Matesu 21:5

Monʼa Ziione, mu tangele, Sobha ié iu uiza, kindala u ku sanga; Ua belesela, uendela ku búlu, Monde iê seseme ia bûlu.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Matesu 7:24

Uoso-phe uívua o maka mamiʼ ama, anga u ma bhanga, muène u difangana ni njimu ia tungile o inzu iê bhu ndànji.

Luka 8:35

Athu avulu anga a tunda mù tala kioso kia bhiti. Eza kua Jezú, anga a sanga o diiala, madimonho ma mu tundu kiá moxi diê, ua xikama bhu inama ia Jezú, ua zuata, ua tambula kilunji. Anga a kala ni uôma.

Nzuá 13:15

Kuma eme nga mi bhana phangu, enu ni mu bhange kioso ki nga bhange eme.

Nzuá 13:17

Kindala ima iíi se mua ijiia, mu zediua se iene i mu bhanga.

Jipoxolo 7:37

Muene Mozé umoxiʼú u tangela anʼ a Izalaiele, uixi: Ngana hadia ua kà mi zangelekela mu ʼaxaxe ka jiphange jenu enu-enu, polofeta mukuâ ni eme.

I Kolindo 9:21

Kiene kimoxi ue kioso ki ngi kala mu ʼaxaxe ka ió ki Jijudé, a kambe o Kitumu kia Mozé, eme uami ngi kala ku kanga dia Kitumu, phala ngi tene kunganhala ió ki Jijudé. O kiki, ki mukonda eme nga fulu kutumaka o Kitumu kia Nzambi, mukonda ni kidi kiene eme ngala bhoxi dia Kitumu kia Kristu.

II Kolindo 10:1

Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

II Kolindo 10:5

ni ima ioso ia ukumbu ua xitu ki i ehela athu kuʼijiia Nzambi. Tu tolola ixinganeku ioso ia athu phala nʼa tumaka Kristu.

Filipe 2:5

Mu kaxi kenu, kuatenu muẋima iú kala ua kexile na-u Kristu Jezú;

I Tesalonika 4:2

Mukonda enu muejiia o mutendelelu u tua mi xila mua Ngana Jezú.

II Tesalonika 1:8

Muène uà kèjiia mu tubhia tu bhana milengu, mu ku a bhesa kaxtiku, oso kejiia Nzambi, ni ió nguauâ kutumaka o Njimbu Iambote ia Ngana ietu Jezú Kristu.

Jihebeleu 5:9

O kia zubha ku di longʼ iki, ua di bhange Kibhamuenhu u tena o kubhulula oso a mu tumaka, katé kia zubha.

I Nzuá 2:6

Uoso-phe u amba uixi: Ngala mu kisangela kumoxi ni Nzambi, u fuama kuenda ma tu sukula o ituxi ioso.