Matesu 11:22 - O Mikanda Ikola

²² Ngi mi ambela-phe kuma, inda Tilu ni Sidónia, Nzambi ua kà a lendukila mu kizuua kia kufundisa, enu kana!

Matesu 11:22 ပူးပေါင်းရင်းမြစ်များ

Jelemiia 25:22

ni ku jisobha joso ja Tilu, ni ku jisobha joso ja Sidone ni ku jisobha ja ikolo ku sámbua dia musanza ua kalunga;

Jelemiia 27:3

U ji tumikise kua sobha ia Idomo, ni kua sobha ia Mouabhe, ni kua sobha ia anʼa Amone, ni kua sobha ia Tilu, ni kua sobha ia Sidone, i ila bhu lukuaku lua jiphunga jala mu kuiza mu Jeluzaleme kua Zedekiia, sobha ia Juda.

Izekiiele 29:18

Eie monʼa diiala, o Nabukodonozolo, sobha ia Babilonha, ua bhangesa kuila o kifuẋi kiê kia bhange kikalakalu kia dikota mu kuzoka ni Tilu; o mítue ioso ia kituka mabhaia, o isuxi ioso ia bhomoka; o kia mu futu Tilu ki kia moneka, mba ngó o kifuẋi kiê, ku kikalakalu kia bhange mu kuzoka-nê.

Jouele 3:4

Enu ue mua kuataʼhi nʼeme, enu Tilu ni Sidone, ni enu mu jimbambe joso ja ixi ia Fidíxia? Mbebhu enu muandala ku ngi tata phonzo? Kuabhu-phe, hé kiene ki mu ngi futʼokio, eme ue muʼanzanzaʼumu ngi lenguluka mu ku sonuena futu ienu bhu thala dia mítue ienu.

Matesu 10:15

Kidi kiene ngi mi ambela, inda oxi ia Sodoma ni ia Ngomola a kà i lendukila mu kizuua kia kufundisa, mbongeʼ oio, kana!

Matesu 11:21

Eie Kolazine, lamba dié! Eie Betesaida, lamba dié! Mukonda o isuma ia di bhange momué, se a i bhangele mu Tilu ni mu Sidónia, hinu a dielediâ ukulu, anga eha o ituxi iâ. O mu ku londekeza kuila a diela, eji kuzuata jisaku ni ku di kuua uthôkua mu mítue!

Matesu 11:24

Ngi mi ambela-phe, inda o mbanza ia Sodoma, Nzambi ua kà beta ku i lendukila mu kizuua kia kufundisa, eie kana!

Matesu 12:36

Ngi mi ambela-phe kuma, maka moso ma ulalu ma tanga athu, a kà ma bhela konda mu kizuua kia kufundisa.

Luka 10:14

Mu kizuua kia kufundisa-phe, Tilu ni Sidonha a kà beta kumona ujitu kua Nzambi, enu kana.

Jihebeleu 2:3

Etu-phe tua kà lengela bhebhi, se o kubhuluka kuosʼ-uku kua tu kuata usudi? Ngana Jezú muène o kubhuluka kuku ua diànga kiá ku ku tanga, etu anga a tu kunda na-ku kuala ió a ku ivu, kuila kubhuluka kua kidi.

II Phetele 2:9

Kienhiki Nzambi uejiia kukudila akua uôma uê muʼ axaxi ka kudianguka, o akua ikuma u a bhaka katé bhu Kizuua kia Kufundisa, kuma a xikamena kaxtiku.

II Phetele 3:7

O maulu kiki ala-ku, ni oxi-phe, mu kizuelu kiene kimoxi kia Nzambi, ia xikamena tubhia. A i bhake katé bhu Kizuua kia Kufundisa, kia kubuikisa athu abhumu.

I Nzuá 4:17

O henda iatenena mo muetu se tuala naiu ia soko, i bhuisa uôma mu Kizuua kia kufundisa. Mukonda kioso ki ala muène Kristu, etu ue kiene ki tuala mu ngongʼumu.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.

Dijingunuinu 20:12

Anga ngi mona ue o madifundu, makota ni jindenge, emana bhu pholo ia kiandu. Anga a jikula madivulu, ni divulu dia mukuá a di jikula, diene o divulu dia muenhu. O madifundu anga a a fundisa o ima ioso iosonèke mu madivulu, hé a a bhana kioso kia tokala mu imbamba iâ ia bhanga jinga.