Matesu 11:21 - O Mikanda Ikola

²¹ Eie Kolazine, lamba dié! Eie Betesaida, lamba dié! Mukonda o isuma ia di bhange momué, se a i bhangele mu Tilu ni mu Sidónia, hinu a dielediâ ukulu, anga eha o ituxi iâ. O mu ku londekeza kuila a diela, eji kuzuata jisaku ni ku di kuua uthôkua mu mítue!

Matesu 11:21 ပူးပေါင်းရင်းမြစ်များ

Jobe 42:6

Kienʼiki kia ngi bhekesa ku di kuma eme-muène; nga diela muene, nga dimbuluka mu fufuta ni uthôkua.

Jelemiia 13:27

Isunji ié nga i mono, ni jiphanda jé, ni kuzuluma kué kala kabalu, ni undumbu ué ua vulu kinéne u ua bhangela ku milundu mu mukáu; Jeluzaleme, lamba dié! Abha ngué ku di zelesa? Ukala kienhokio ʼté bhebhi, tata?

Jouele 3:4

Enu ue mua kuataʼhi nʼeme, enu Tilu ni Sidone, ni enu mu jimbambe joso ja ixi ia Fidíxia? Mbebhu enu muandala ku ngi tata phonzo? Kuabhu-phe, hé kiene ki mu ngi futʼokio, eme ue muʼanzanzaʼumu ngi lenguluka mu ku sonuena futu ienu bhu thala dia mítue ienu.

Amoji 1:9

Jihova uambe kiki: Tilu kia tondala lutatu ni luuana, kibetu kiê ki nga mu xindi ki ngi ki katula; mukonda o nzungule ia jihutile joso a ji bhakula kua Idomo, o kikutu kia jiphange jâ ka ki xinganeka dingi.

Matesu 11:22

Ngi mi ambela-phe kuma, inda Tilu ni Sidónia, Nzambi ua kà a lendukila mu kizuua kia kufundisa, enu kana!

Matesu 15:21

Jezú anga u tunda kuenhoko, uia mu jixi ja Tilu ni Sidónia.

Matesu 18:7

Lamba dia mundu mukonda dia ifudisu i bhekela athu ku ngi xisa Eme! Ima iíi kia bhingi i bhita muene, maji uoso-phe u i bheka, lamba diê!

Matesu 26:24

Monʼa Muthu iú uia mu kúfua, kala kia mu soneka mu Mikanda Ikôla. Muthu ió-phe kokolo diê, ua-nda kuthelekala Monʼa Muthu! Kimuua, muenhó se ka mu vualele!

Marku 3:8

ni ku Jeluzaleme, ni ku Idumeia, ni ku sambua dia Njoloda, ni ku akua Tilu ni Sidonia. Kifuẋi kia dikota, ki evu imbamba iala kubhanga Jezú, eza he a mu sanga.

Marku 6:45

Kithanganʼokio Jezú u tuma jixibulu je ku di lônga mu bote, ni ku mu tuamenena ku sambua ku Betesáida, kioso kia xala muene ni kumuanganesa o kifuẋi.

Marku 7:24

Jezú anga u balumuka, uia ku jimbandu ja Tilu ni Sidonia. Kuenhoko hé u bokona mʼonzo, mukonda ka mesenene kuila athu a kʼijiia kuma Muene iu bhobho. Maji o kusuama-phe ki kua xikina.

Marku 7:31

Kutunda dingi mu jimbandu ja Tilu, Jezú u bhita mu Sidonha, he uiza ku kizanga kia Ngalileia, bhu jimbandu ja Dekapolo.

Marku 8:22

Muene anga u bhixila ku Betesáida. Anga a mu bhekela kifuôfo, he a mu dionda ku mu kuata.

Luka 4:26

Maji kana-bhu-phe muthu mu atudiʼa Izalaiele a mu bhele Elija ku mu langeka, ki kale a mu tuma ku muhatu ua mutudi ku Seleta, mʼoxi ia Sidonha.

Luka 6:17

Jezú anga u tuluka ku mulundu ni ene, hé uimana bhu kididi kia sokelela, bhua mu bhongolokela o kifuẋi kia dikota kia jixibulu jê, ni athu avulu a tundu ku Judeia ioso, ni ku Jeluzaleme, ni ku ndúndu ia kalunga ku jisanzala ja Tilu ni Sidonha.

Luka 9:10

Kia vutuka o Jipoxolo, a mu tangela ima ioso ia bhange. Muène anga u a katula, uia-nâ kididi kia ubheka, bhua zukama ni bhu mbanza a ixana Betesáida

Nzuá 1:44

Felipe muene mukua Betesáida, ku bhata dia Mandele ni Phetele.

Nzuá 12:21

Ene anga eza kua Felipe, mukua Betesáida mu Ngalileia, a mu bhinga, exi: Ngana, etu tuandala kumona Jezú.

Jipoxolo 12:20

Helode muene-phe ua luualela kiavulu akua Tilu ni Sidonha. Ene anga a di kasa, eza kumoxi kibuka kia muvimba phala ku mu hindula. A dianga-phe ku kuata ukamba ni Balaxtu dikota dia mukalakadi ua sobha, ua tambula konda ia hâma iê. Anga aia kiua katé kua soba Helode, hé a mu dionda kuditambulula-nâ ku paze, mukonda o ku makudia, oxi iâ ia bhindumukina ku oxi ia sobha.

Jipoxolo 27:3

Mu kizuua kia kaiadi anga tu kuaka bhu tabhu dia Sidonia, Julio anga u bhanga Phaulu kiambote, u mu ehela kuia mu ku di mona ni makamba mê, nʼ a kale ku usonhi, mbé a tambule ioso ia bhindamena.

Juda 1:11

Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.

Dijingunuinu 6:12

Kienhókio nga mono dingi Kambudi kia jikula o kidimbu kia kasamanu. Kua bhiti kinuminu kia dikota kia mavu ni kutunguta kua ʼxi. O dikumbi anga di kituluka muene buí, mukuâ ni thanga ia ndômbe, o mbeji ioso ia kusuluka mukuâ ni manhinga.