Matesu 11:20 - O Mikanda Ikola

²⁰ Jezú muene anga u kuata kulongolola jimbonge mua bhangele o ikalakalu iê iavulu ia nguzu, mukonda dia ene kufula kudiela, uixi:

Matesu 11:20 ပူးပေါင်းရင်းမြစ်များ

Jelemiia 8:6

Eme ngʼevidila, eme ngevu: Kala kuzuela kia iuka; ki bhuala muthu u diela ku usuéia uê, uixi: Nga bhangʼehi? Kala muthu ni muthu u bhambuka mu njila iê, mukua ni kabalu ka di takula ni nguzu ku ita.

Matesu 12:41

Mu kizuua kia kufundisa, akua Ninive a kà funda ni muiji uenhú, nʼa u belesa; mbata kiene kievile ngó o maka ma Jona, ituxi iâ a i diela. Bhenhabha-phe sai-bhu ni Iú ua tundu Jona!

Marku 16:14

Jezú anga u tukulukila kiua ene oso, o kuinhi ni umoxi, kia xikama mu kudia, he u a bazela mukonda dia kuxibhaka ni kukola o muẋima, mukonda nguauâ kuxikana kia zuela io oso a mu mono ua fukunuka.

Marku 9:19

Muene u a kumbulula, uixi: Enu tata! Muiji ua kambe o kuxikana, tu kalaʼdi kate bhebhi? Kate bhebhi, ki ngi mi lendukila? Ngi bhekele-nê kunu.

Jipoxolo 17:20

Kuma ima iamukuâ i ua bheka, ia kudisanuka ku matui metu, etu tu andala u tu lomboluela imʼ iii.

II Kolindo 12:21

Ngala dingi ni hele, sumba ki bhita, kuila hinu ki ngiia kuenioko, Nzambi iami u ngi tununa bhu pholo ienu. Hé ngi kala mù dila mukonda dia enʼió avulu, oso a diangele kuta ituxi, maji nguâ kudiela o undumbu uâ ni ufusa, ni uhabhu uoso ua bhange.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.

Dijingunuinu 16:11

Hé a ẋonguena Nzambi ia diulu, mukonda dia kuxixima kua misusu ni jifidila jâ. Maji o imbamba iâ-phe ia jinjila jâ jaiibha, nguá-uâ ku i diela.

Dijingunuinu 16:9

Athu anga auka mu kutema kuê kuavulu. Ene anga a ẋonguena o dijina dia Nzambi uala ni kutena kua kubheka mabhebhu kala iá! Maji o athu nguá-uâ-phe kudiela o ituxi iâ, ni kuximana o unéne ua Nzambi.

Dijingunuinu 2:21

Nga mu bhana o kithangana kia kudiela o ituxi iê, muène-phe nguê kudiela o undumbu uê.