Matesu 11:18 - O Mikanda Ikola

¹⁸ Kuma Nzuá uejile sé kúdia ni kúnua, athu anga amba, exi: Uala ni dimonho.

Matesu 11:18 ပူးပေါင်းရင်းမြစ်များ

II Jisobha 9:11

O Jehu kioso kia tundu ku kanga kuala o jiselevende ja ngana iê, a mu kumbulula, exi: Kiebhi? Ioso ialʼé muene kiambote? O dilaji didi uejile kokué, ihi kia mu bheka? Muene ua a vutuila, uixi: O muthu iú enu mua muʼijila kiambote ni uzuelelu uê.

Jelemiia 15:17

Ki ngene ku xikama bhu nangu dia jisemenhi, né ngó kuila ngi tana-nâ; mukonda dia lukuaku lué, ngene ku di xikamena ubheka uami, kuma eie ua ngiʼzalesa ni njinda.

Jelemiia 29:26

Jihova ua ku lumbu unganga bhu kididi kia nganga Joiada, phala ni u kale u katúmua ka inzu ia Jihova ku muthu uoso u sota ku ki tundisa, ni ku di bhanga polofeta, eie u mu te muʼaleia ni bhu ditaka.

Hozeia 9:7

Kuma izuua ia ku a zungila ia bhiẋila, izuua ia kuvutula phonzo ieza-bhu; o Izalaiele ua-nda ku di muena-kiu hé u kʼijiia, kuila o polofeta iê ua di bhange kiôua, o mukua kuzambula u xingila makutu; mukonda ua di vudisila o ikuma iê, kiene uê kia kà mu vudixila o luma.

Matesu 10:25

Kienhiki, o xibulu kabasa i sokela ni mesene iê, o mubhika kabasa u sokela ni ngana iê. Kia lembela muène mukua dibhata diê, a mu ixana, exi: Belezebubu, akua mbèle iê, a kà exana kiebhi?

Matesu 11:17

Tua mi xikila mimbu ia ubhanga, enu nguenu kukina! Tua mʼ imbila mimbu ia thambi, nguenu ku dila!

Matesu 3:4

Nzuá muenhú u kala mu zuata thanga ia ndemba ja kamelu, u di kuta phonda ia kibha mu mbunda; o kúdia kuê mahoho, ni uiki ua ditutu.

Matesu 9:34

Maji o jifalizeu-phe, exi: Madimonho uala ku ma kaia, mukonda o kutena a mu bhana-ku kuala kota dia madimonho.

Marku 3:22

O jimesene ja kulonga Kitumuphe, a tundu mu Jeluzaleme, exi: Uala ni Belezebubu, kota dia madimonho. O kota dia madimonho muéne ua mu bhana nguzu ia mu lendesa kutundisa o madimonho.

Luka 1:15

Mukonda muène u kala kota dia muthu bhu pholo ia Ngana, ka kà nua vinhu, mba kúnua kuoso-kuoso ku kodiuisa; hé uizala-phe ni Nzumbi Ikôla, tunde kiá mu divumu dia mamʼá.

Nzuá 10:20

Amukuá, exi: Muène uala ni dimonho! Ua saluka! Phala-hi muala ku mu ívua ioso ia mu zuela.

Nzuá 7:20

Kuala o kifuẋi, exi: Eie uala ni dimonho! Nanhi muène ua-lu sota ku ku jibha?

Nzuá 8:48

Jijudé anga ji mu kumbulula, exi: Manhi ki tu ambe kidi kietu kuma eie u mukua-Samádia, uala ni dimonho?

Nzuá 8:52

Jijudé ji mu ambela, exi: Kiki tuejiia kiá kuma eie uala muene ni dimonho! Mbalahamu ua-fua, jipolofeta ja-fua, eie-phe uixi: Muthu uoso uaiuka o maka mami, kà monʼ ê kalunga!

Jipoxolo 26:24

Kia kala muène mu kufunda kiki, Festu u di kola, uixi: Eie Phaulu, ua saluka! O kuijiia kuavulu, kua ku bhekela kusaluka!

I Kolindo 9:27

O mukutu uami-phe ngi u bhana jihuxi katé ki ngi u tolola, hé uenda ni kubelesela, mbé kuiengesa kuila, ku thandu dia kulonga athu o maka ma Njimbu Iambote, eme-muene hinu ngi dianguka.