Matesu 11:14 - O Mikanda Ikola

¹⁴ Se mu ki xikana, Nzuá muene Elija a mu kingile kuiza.

Matesu 11:14 ပူးပေါင်းရင်းမြစ်များ

Izekiiele 2:5

O ene-phe, kixi evua mba a kamba kuívua, (mbata ene ala dibhata dia ẋinuka) a-nda kuijiia-phe kuila mu kaxi kâ muejile musesedi.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Malakiia 4:5

Talesenu, kuma eme ngi mi tumikisa polofeta Elija, kiosuʼiki kiluua kiza kizuua kiókio kia Dikota, kia Ngana, kizuua ki bheka uôma.

Matesu 11:13

Mbata o jipolofeta joso ni Kitumu kia Mozé a longele Utuminu ua Nzambi katé bhua Nzuá.

Luka 1:17

Muène u kala mukunji ua Nzambi, ua kà soka ni polofeta Elija mu nguzu ni kutena, nʼa kà bhangesa kuila o ana ni jitata a dʼivua, o ió abhukumuka a kà vutukila mu njila ia kuiuka, nʼa tena kubhangesa kuila o kifuẋi kia diembu dia Izalaiele ki di iudika mu kuxikamena o kuiza kua Ngana.

Nzuá 16:12

Ngala hanji ni ima iavulu ia ku mi ambela, maji enu-phe ki mu tena luua ku ívua.

I Kolindo 3:2

Nga mi disa lete, kana kudia kua nguzu, kuma ki mu ku tenene luua. Katé ni kiki ki mu ku tena, kuma hanji muala mú laia ku mundu iú kala mu akua xitu.

Dijingunuinu 20:4

Kia zubha kubhita kiki, nga mono iandu ni iá a xikama-ku. Enhá anga a a bhana o kutena kua kufundisa. Anga ngi mona ue o nzumbi ja ió oso a a batuile mítue mukonda dia kutanga ku mundu o umbangi ua kidi kiejile mú tukulula Jezú, ni mukonda dia maka ma Nzambi, ió oso a kambele kubheza o kiama ni kitèka kiê, a kambele kutambula o kidimbu kiê bhu dibhomo mba ku lúkuaku. Enhá anga eza dingi ni muenhu, hé a unda ku ungana ni Kristu, ungana u bhanga midi ia mivu.