Matesu 11:11 - O Mikanda Ikola

¹¹ Ngi mi ambela kidi, kuma mu athu oso a a vuala ku ahatu, kiluua ku zangalala muthu ua tundu Nzuá dia Batizu. Uoso-phe uala-mu ndenge mu Utuminu ua Diulu, muenhó uala kota diê.

Matesu 11:11 ပူးပေါင်းရင်းမြစ်များ

Jobe 14:1

O muthu, a mu vuala ku monʼa muhatu, u bhanga ngó tu izuua, kene kunanga ku muenhu iú ua vula malamba.

Jobe 14:4

Nanhi u katula kima kia zele, mu dixidilu? Ki bhuala muthu!

Jobe 15:14

Muthu kima kiahi, phala a kale ni kuzela? Ió a mu vuala ku muhatu u kala kiebhi mukua kidi?

Jobe 25:4

Muthu-phe u kala kiebhi ni kuiuka bhu pholo ia Nzambi? Ió a mu vuala ku (monʼa) muhatu, u kala kiebhi ni kuzela?

Jisálamu 51:5

Tala-ze, eme a ngi vualela mu lusebu; mu ituxi kiá mua ngʼimitina mamʼetu.

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Zakadiia 12:8

Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

Matesu 11:10

Muenhú a mu soneka, exi: Talesa, ngi tuma mukunji uami ku pholo ié, u ku tuamenena mu ku kuiudikila o njila.

Matesu 11:12

Tunde mu izuua ia Nzuá dia Batizu, o Utuminu ua Diulu a u balukila, akua nguzu a u bokona ni kusuina.

Matesu 3:1

Mu izuuʼ omo Nzuá dia Batizu uiza mu ditutu dia Judeia ni kukolela mundu, uixi:

Matesu 3:11

Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.

Matesu 5:19

Kienhiki, uoso ku Kitumu u tondala-ku kijila kimoxi kia ndenge, anga u longa athu ku ki tondala, muène a mu ixana ndenge mu Utuminu ua Diulu. Uoso-phe u tumaka o Kitumu ni ku ki bhanga, hé u longa ue akuá o ku ki bhanga, muène a mu ixana dikota mu Utuminu ua Diulu.

Luka 1:15

Mukonda muène u kala kota dia muthu bhu pholo ia Ngana, ka kà nua vinhu, mba kúnua kuoso-kuoso ku kodiuisa; hé uizala-phe ni Nzumbi Ikôla, tunde kiá mu divumu dia mamʼá.

Luka 7:28

Eme ngi mi ambela kuma: Mu ʼaxaxi ka athu a a vuala ku ahatu, ki mu moneka muthu ua tundu Nzuá. Hanji-phe, uoso ua tolo mu Utuminu ua Nzambi, uala kota, o Nzuá ndenge.

Luka 9:48

Anga ua ambela ene, uixi: Uoso u tambulula kamonʼaka mu dijina diami, eme-muène a ngi tambulula. Uoso ue u ngi tambulula eme, ua tambulula uoso ua ngi tumu. Mukonda uoso mudienu ua beta o kutola, muenhó muène o dikota.

Nzuá 1:15

Nzuá u mu kalela mbangi, u di kola, uixi: Ió mùene nga mu tange, ngixi: Muthu iú uiza ku dima diami, maji muène ua ngi tundu, kuma muène ua ngi diangela, mbata ua diangele kiá kukala-ku, kuila eme kiluua a ngi vuala.

Nzuá 1:27

Muène uala mù kuiza ku dima diami, maji eme ki nga fuama ku mu jituina ngó o lungoji lua haii iê.

Nzuá 10:41

Athu avulu anga a mu sanga koko, hé a kala mu kuila, exi Nzuá ka bhangele kidiuanu, maji ioso-phe ia tangele kua Jezú, ia kidi.

Nzuá 3:30

Kua bhingi muène aie ni kukula, eme ngiie ni kutola.

Nzuá 5:35

Nzuá ua kexile mukuâ ni kandeia ka uama, ka muika; enu-phe kia mi uabhelele kusanguluka kathangana mu mukengeji uê.

Nzuá 7:39

Mu kuzuela kiki, Jezú ua kexi mú tanga o Nzumbi, a-ndu mu tambula kuala oso a mu xikana. Mbata ene o Nzumbi ka mu tambuile luua, mukonda Jezú kiluua a tambula o ungana.

I Kolindo 15:9

Kuma ku Jipoxolo joso eme ngala-ku ngi ndenge, ki ngi fuama ku ngʼ ixana ngi Poxolo, mukonda eme nga zukutisile o Ngeleja ia Nzambi.

I Kolindo 6:4

Se muambe-phe kufundisa ima ia muenhu iú, kana ku ta athu ku kibhuna, oso ka sedivila mu Ngeleja, phala kufundisa o milonga ienu.

Efezo 2:3

Ni kidi-phe, etu ene oso muene mu tua nhunganena jinga mu jihanji ja xitu, ni kubhanga o jivondadi ja xitu ni ja muẋima. Mu kieniiki o kikexilu kietu ki kala kia anʼ a njinda, mu kutambula o kaxtiku ka Nzambi, mukuâ ni athu ene oso.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

II Timote 1:10

Maji o kiki, o kiadi kia moneka mu kindala, mu kuiza kua Mubhuludiʼetu Kristu Jezú. Muène iú ua bhuisa-ku o nguzu ia kalunga, ua bheka ku mesu o muenhu ni kudisanza kuakambe kubola, mu Njimbu iê Iambote.

Jihebeleu 11:40

kuma Nzambi sai kima kia iudika, kia beta ujitu, kia tu bhakela etu. O ki andalele Nzambi—o kuila ni ene, ni etu kumoxi, ki kale tu zubha kutenena.

I Phetele 1:10

O kubhuluka kuenhuku, o jipolofeta ja sotele jinga ku juijiia, ja tunguile jinga ni kutokuesa ni muanu kioso kia kexile mù zambula o kubhuluka ku muandù tambulʼ enu kua Nzambi.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.