Matesu 10:6 - O Mikanda Ikola

⁶ Kikale-phe muia ku jimbudi ja jimbidila ja dibhata dia Izalaiele.

Matesu 10:6 ပူးပေါင်းရင်းမြစ်များ

Jisálamu 119:176

Ku nga tundu nga jimbila kala mbudi; selevende ié Ngana, mu sote; kuma o itumu ié ki nga i jimbi kana.

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Jelemiia 50:17

Izalaiele ua soko ni mbudi ia jimbila; a mu kaiesa kuala jihoji; sobha ia Asídia muene ua dianga ku mu dia; o kua suku kunu, Nabukodonozolo, sobha ia Babilonha, muene ua mu bukula o ifuba.

Jelemiia 50:6

Kifuẋi kiami kia di bhangele kala mbudi ja jimbidila, tubhila tuâ ene muene a ji tondalesa, a jiʼehelela kutexika mu milundu; a tunda mulundu eza mulundu ni kuenda, a jimbi kididi kiâ kia kunhohena.

Izekiiele 34:16

Ioso ia jimbila ngi i kenga, o ia di texi ngiza na-iu dingi, o ia bukula kinama ngi i tá mu kitanda, o ia kate ngi i tumba; maji o ia nete, ni iii ia vulu o nguzu ngi i jimisa o mbutu; kuma nga-nda ku jʼinga ni kilunji.

Izekiiele 34:4

Ia buila ki mu i suinisa, o ia kate ki mu i tumbu, ia bukuka mua lémbua ku i ta mu kitanda, o ia bhambuka mu akuá ki mu tona ku i bheka mu kilunga, o ia jimbila né ngó ku i sota; maji mu jiza mu ku ji tumina ni kutema ni nguzu.

Izekiiele 34:6

O mbudi jami jì ja mu bunganena ngó mu milundu ioso, ni mu tuthuthulundu tuoso tua di leka; xi, kiene muene! O mbudi jami joso ja muanganena ngoho mu tumbu ni ngongo, ki ji moneka uoso u ji sota, mba uoso u ji takana (ku ja di texiʼoko).

Izekiiele 34:8

Jihova Nzambi uixi: Eme ngi laia! Ki kiedi kuma o jimbudi jami a ji bhakula ku uiii, o jimbudi jami jì ja di-bhange kúdia kua iama ioso ia mukáu, mukonda dia kukamba o kabhila, o tubhila tuami nguâ-uâ kusota o jimbudi jami, mbata a mu dʼingâ kiâ ngó ene-muène, iá a tokoka o kuinga o jimbudi jami;

Matesu 18:10

Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Matesu 18:11

Kuma Monʼ a Muthu ueza mu sota uoso ua jimbidila.]

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Jipoxolo 13:46

Phaulu ni Barnabé-phe anga mu kuzuela a beta dingi kubhua uôma, exi: Kia bhingile a mi dianga enu mu Jijudé ku mi tangela o maka ma Nzambi. Kuma-phe enu mua mu tènde, ki mu di mono kufamena o muenhu ki uabhua, etu tu lungulukʼ Ó, tu zuela kiá ni akua ʼxi jengi.

Jipoxolo 18:6

Ene-phe a lungulukila Phaulu, hé a ẋinuka ni ku mu xinga. Muène anga ua a kukumuina izuatu iê, uixi: Enu se mu texika, o manhinga menu ma kala ku thandu dienu! Eme nga zele, tunde kiki ngi di lunga kiá ni akua matumbu.

Jipoxolo 26:20

Nga diangela kubhana jingolokela ku akua Damasku, ngedi ni ku Jeluzaleme, ni mʼ oxi ioso ia Judeia, katé ni ku matumbu. Nga a jimbuila jinga kuma a tokala a diela ni kueha o ituxi iâ, nʼ a biluke kua Nzambi, ni kubhanga o imbamba ia fuamena o kudiela kua kidi.

Jipoxolo 3:26

Kienʼiki, Nzambi ua solo Mubhikʼê Jezú, iu ua tuama ku mu tumikisa kokuenu, mbé o ku mi zediuisa, phala o muthu ni muthu mudienu, muène a mu ehese o muenhu ua ku ta ituxi.

I Phetele 2:25

Kuma enu mua jimbidile kala mu jimbudi ja jimbila o njila. Maji kiki-phe a mi vutula dingi mu bhongolokela kukaiela o Mubidi, Muingi ua mienhu ienu.