Matesu 10:42 - O Mikanda Ikola

⁴² Uoso ue u bhana-ku muthu ku jindengʼ iji, kopho ngó ia menha ma talala ma kunua, mukonda dia kukala xibulu iami, ngi mi tangela kidi, o kisakidilu kiê ki kià kamba.

Matesu 10:42 ပူးပေါင်းရင်းမြစ်များ

I Jisobha 17:11

O kia sota kuia ku a takana, muene u mu ixana anga u mu ambela dingi, uixi: Kindala ngi bhekele-ku ue kamutetu ka mbolo bhu lukuaku lué.

II Jisobha 4:10

Tu mu tungile-phe kanzu kòfele ku thandu dia lumbu, o mueneʼomo tu mu tele-mu hama imoxi, ni meza, ni kialu, ni kandeia; ni tuʼie ni kuila: O kioso muene kieza kokuetu, uié mueneʼomo.

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Jisabhu 24:14

Kienephe ki touala ue o unjimu mu muenhu ué, se ua di longa-u; se ua u kuata, ua-nda ku ku xila kuzediua, o bhuoso bhu ua jika muẋima ka ku kakula-bhu.

Ndongixi 11:1

Takuila o kúdia kué ku menha, kuma hádia ki bhita o izuua u ku bongʼê dingi.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Matesu 18:10

Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Matesu 18:14

Kiene kimoxi, ki kiala mu vondadi ia Tatʼenu uene mu diulu; kʼ andala kuila ku tuana tutu bhu texika kamoxi.

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Luka 17:2

Ki fuama o ku mu nhenga kiditadi kia ku huhila mu xingu, ni ku mu takula mu ʼalunga; kuma ki ki fuama kuila ku tuana tutu u bhangesa-ku kamoxi ngó ku di bhukana, anga u ta kituxi.

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

II Kolindo 8:12

Kuma se sai muthu uandala kubhana, Nzambi u xikina o ujitu, kala muthu kioso ki ala na-kiu.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.