Matesu 10:30 - O Mikanda Ikola

³⁰ Kuambe dingi enu-phe katé ni jindemba ku mítue ienu a jiʼ aleka.

Matesu 10:30 ပူးပေါင်းရင်းမြစ်များ

II Samuuele 14:11

Muhatu ua te-ku dingi; uixi: Kùku, nga ku diondo, xinganeka Jihova Nzambi ié, phala muzôkedi-a-manhinga ka buidise dingi mienhu iamukuá, sumba a buidisa ni monʼami. Muenexi uixi: Nga loka muene kala Jihova ki ala ku muenhu, kuila monʼé ni lundemba luê ngó lumoxi ki lu láuka bhoxi.

I Jisobha 1:52

Solomá-phe, uixi: Se uidikiza uthu, né lundemba luê ki lu láuka bhoxi; se a mu mona-phe ni úsueia, hinu úfua.

Luka 12:7

Enu-phe, katé ni jindemba jenu mu mítue, a ji kuata konda! Ki mu kale ni uôma; mukonda jimbódio né ji kala javulu, enu kota!

Luka 21:18

Kana lundemba-phe ngó ku mútue uenu lu texika.

Jipoxolo 27:34

Ndokuenu-phe, nga mi diondo, dienu kama koso-koso, mu kale ni nguzu, mu tene kulaia. Kuma enu oso, kana muthu kuandu mu sonoka ngó lundemba lumoxi ku mutue.

I Samuuele 14:45

Mundu anga ambela Saúlo, exi: Kifua Jonata ufua, muthu ua kalakala lelu o kikoue kiosoʼiki mu Izalaiele? Lu ku suke, Saúlo! Mundu anga a loka ue, exi: Kale-ku Jihova ku muenhu, ni lundemba luê ngó lumoxi ku mútue ki lu sonoka bhoxi; kuma muene ua kalakala ni Nzambi kizuua kia lelu. Kienhiki mundu a tambula Jonata bhu maku a Saúlo, a fudisa phala ka fue.