Matesu 10:28 - O Mikanda Ikola

²⁸ Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Matesu 10:28 ပူးပေါင်းရင်းမြစ်များ

II Jisobha 17:39

Maji Jihova, Nzambi ienu, muene ngó mu mu kuatela uoma, nda Muene u mi bhulula bhu maku ma jinguma jenu joso.

Jobe 37:24

Kiene athu kiene ku mu kuatela uoma; mukonda muene kene mu ku tala kua ió a di fika kuijiia mu miẋima iâ.

Jisálamu 119:120

Xitu ja ngi teketa mukonda dia uoma ué, kuma o kufundisa kué, Ngana, ku kôla.

Ndongixi 5:7

Mukonda, mukuâ ni mu nzungule ia jinzoji ki muala ngó kingoho, kiene ue mu ndumba dia kuzuela-zuela ngoho, muala uôua; kala kiki, eie enda ni kuxila Nzambi.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Izaía 51:7

Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.

Matesu 10:26

Uila kiki, athu ki mu a kuatele-phe uôma. Mbata kana-ku kima kiófute hinu ki kamba kutukuluka, kana-ku kiósueke hinu ki kamba ku kijiia.

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Nzuá 5:29

Oso a bhange kiambote, a kà fukunuka mu kutambula o muenhu ki uàbhua. Maji oso a bhange kiaiibha, a kà fukunuka phala ku a êlesa.

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.

Jihebeleu 10:31

Kima ki kuata uôma, o kubuila bhu maku ma Nzambi ua kola o muenhu!

Jihebeleu 11:35

O mu kuxikana, ahatu a tambula dingi o madifundu mâ mu ku a fukununa mu afi. Amukuâ a a jibha ni kibetu, maji a ditunu ku a jituna phala a fukunukine muenhu uengi ua beta ujitu.

Tiiaku 4:12

Sai-phe umoxi ngó u bhana o Kitumu, u batula o milonga,—muène Nzambi. Muenhó, muène u tena kubhulula, muène u tena kufuisa. Eie-phe ua di fika eie nanhi, u êlesa phangʼié mua Kristu?

I Phetele 3:14

Se enu mua tale hadi-phe mukonda dia kuiuka, mua zediua! Ki mu kale ni uôma ua muthu, ki mu tandanganhe.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.