Matesu 10:25 - O Mikanda Ikola

²⁵ Kienhiki, o xibulu kabasa i sokela ni mesene iê, o mubhika kabasa u sokela ni ngana iê. Kia lembela muène mukua dibhata diê, a mu ixana, exi: Belezebubu, akua mbèle iê, a kà exana kiebhi?

Matesu 10:25 ပူးပေါင်းရင်းမြစ်များ

II Jisobha 1:2

Akaziia anga u sonoka, ua laukila mu mazungu ma inzo ia di leka ia kexile na-iu mu Samádia, anga u kata; anga u tumikisa jiphunga u a tangela, uixi: Ndenu, mua kʼebhule kua Bale-Zebubu, nzambi ia Ekolone, se nga-nda kudisanza ku uhaxi iú mba kana.

Matesu 12:24

Jifalizeu-phe kia kʼivu, exi: Ialʼó kukaia o madimonho, mukonda ua tokala ni Belezububu, dikota dia madimonho.

Matesu 12:27

O ki kala eme ngi kaia madimonho mu nguzu ia Belezebubu, anʼenu ene ku ma kaia mu nguzu ia nanhi? Benhobho ene a mi tetuluile.

Matesu 9:34

Maji o jifalizeu-phe, exi: Madimonho uala ku ma kaia, mukonda o kutena a mu bhana-ku kuala kota dia madimonho.

Marku 10:39

Exi: Tua soko-bho. Kuala Jezú: Kidi! Dikáu di ngi nua eme, mu di nua muene; a mi bhitisa ue o batizu ia ngi batizala eme.

Marku 3:22

O jimesene ja kulonga Kitumuphe, a tundu mu Jeluzaleme, exi: Uala ni Belezebubu, kota dia madimonho. O kota dia madimonho muéne ua mu bhana nguzu ia mu lendesa kutundisa o madimonho.

Luka 11:15

Maji amukuá mudiâ-phe a zuela, exi: Muène ua-lu tundisa madimonho mu nguzu ia Belezebubu, sobha ia madimonho.

Luka 11:18

O utuminu ua Satana-phe, se ua di balukila ni muene Satana, utuminu uê u nanga kiebhi? Mukonda enu muambe kuma nga-lu tundisa o madimonho mu nguzu ia Belezebubu.

Luka 11:19

O ki kala eme nga-lu tundisa o madimonho mu nguzu ia Belezebubu, o maxibulu enu ala ku mi kaiela, a ma tundisa mu nguzu ia nanhi? Kala kiki, o maxibuluʼenu ene a mʼidikisa kuila mu ima ioso i mua zuela, mua di nganala.

Nzuá 10:20

Amukuá, exi: Muène uala ni dimonho! Ua saluka! Phala-hi muala ku mu ívua ioso ia mu zuela.

Nzuá 7:20

Kuala o kifuẋi, exi: Eie uala ni dimonho! Nanhi muène ua-lu sota ku ku jibha?

Nzuá 8:48

Jijudé anga ji mu kumbulula, exi: Manhi ki tu ambe kidi kietu kuma eie u mukua-Samádia, uala ni dimonho?

Nzuá 8:52

Jijudé ji mu ambela, exi: Kiki tuejiia kiá kuma eie uala muene ni dimonho! Mbalahamu ua-fua, jipolofeta ja-fua, eie-phe uixi: Muthu uoso uaiuka o maka mami, kà monʼ ê kalunga!