Matesu 1:22 - O Mikanda Ikola

²² Kiene kiosuʼiki kiabhiti, o maka ma Ngana ni matenene, ma tangele kua polofeta, uixi:

Matesu 1:22 ပူးပေါင်းရင်းမြစ်များ

I Jisobha 8:15

Muene uixi: A tane-ku Jihova, Nzambi ia Izalaiele, ua zuelele ni dikanu diê kua tatʼetu Davidi, kʼi kia tenesena bhu lukuaku luê, uixi;

I Jisobha 8:24

Ua tenesa kioso ki ua tangelele tatʼetu Davidi ngunza ié; mukonda ua ki zuelele ni dikanu dié eie, ua ki tenesa ni lukuaku lué, kala ki kia moneka mu kizuua kiki kia lelu.

Ejidala 1:1

Mu muvu ua dianga ua Silu, sobha ia Pélesa phala kizuelu kia Jihova ki tenene kia tange ku dikanu dia Jele miia, Jihova ua tonesa nzumbi ia Silu, sobha ia Pélesa, muene iú ua xikisa ngonge mu ixi ioso ia utuminu uê, ni ku ki soneka mu mikanda, kuila:

Matesu 12:17

phala ni ki tenene kia tangele polofeta Izaia, uixi:

Matesu 13:21

Maji moxi diê-phe ua kambe lundanji, u nanga ngó kithangana. O ki moneka phaxi, mba ku kala ku mu zukutisa mukonda dia maka, kindala ua di bhale.

Matesu 13:35

phala ni ki bhite kia tangele polofeta, uixi: Dikanu diami ngi di jikuila mu ifika, ngi tanga ima iósueke tunde ku dimatekenu dia ixi.

Matesu 2:15

Kuene kiá kua kexile katé bhu ufuilu ua Helode. Kiki kia bhiti, phala ni ki tenene, kia tangele Ngana kua polofeta, uixi: Mu Ejitu muene mu ngexana monʼami.

Matesu 2:23

Hé uiza, u tunga mu sanzala a ʼixana Nazalé phala ki bhite kia tangele polofeta, kuila a ka mu ixana kuma mukua Nazalé.

Matesu 5:17

Ki mu fike kuma eme ngeza mu bhuisa-ku o Kitumu kia Mozé mba o ulongelu ua misèsedi. Eme ki ngeza mu i bhuisa, maji ngeza mu ku i tenesa.

Matesu 8:17

Jezú ua bhange kiki, phala ki bhite kia tangele Izaia, polofeta, kuila: Muène ua tambula kukata kuetu, uambata mahaxi metu.

Luka 21:22

Kuma ioio iandu kala Izuua ia Kaxtiku. Mu izuʼomo muene mua-nda kubhitisa ima ioso iòsoneke mu Mikanda Ikôla.

Luka 24:44

Anga ua ambela, uixi: Ene o makʼ ami u nga mi ambelele ki nga kexile hanji ni enu, kuma ima ioso ia bhingi i bhita, iòsoneke mu Kitumu kia Mozé, ni mu madivulu a Jipolofeta, ni mu Jisalamu, ia ngi tokala eme.

Nzuá 10:35

Etu tuejiia kuila o Madivulu ma Nzambi ene mù zuela kidi; kuma Nzambi ua exana jinzambi enhó oso evile o maka-mê.

Nzuá 15:25

Oko a ki bhange-phe mu kubhitisa o maka mòsoneke mu Kitumu kiâ, ma kuila: Ene a ngi zembe sé kikuma.

Nzuá 17:12

Kioso ki nga kexile-nâ mu ngongo, nga a bhakele mu kutena kua dijina dié. Nga engi, oso ua ngi bhana-nâ, ki bhu texika muthu, kikale iuná ngó o kilalu kia mona, ua texika-bhu, mu kubhitisa o maka mòsoneke mu Mikanda Ikôla.

Nzuá 18:9

(Muène uazuela kiki, mu kubhitisa o maka-mê ma tangele, uixi: Tata iami! Oso u ua ngi bhana-nâ, ki bhu ngi texika muthu.)

Jipoxolo 3:18

Maji o Nzambi ima ioso-phe ia tanga mu kanu dia jipolofeta mʼ okulu, kuila o Kristu iê ua kà mona jiphaxi, muène ua i bhitisa kienʼiki.

Loma 1:2

O Njimbu Iambote ia polometela Nzambi tunde ukulu, mu kanu dia Jipolofeta jê, iá a i soneka mu Mikanda Ikôla.

Dijingunuinu 17:17

Kuma o Nzambi ua a te-kiu mu miẋima iâ, o kubhanga kia mu kala mu kilunji kiê, phala ene oso a sunge kilunji kimoxi, kia kubhana kiama o utuminu uâ, katé bhua kà zubhila kubhita o maka ma Nzambi.