Matesu 1:16 - O Mikanda Ikola

¹⁶ Jakobo u vuala Zuze munumeʼa Madiia u vuala Jezú, a mu ixana Kristu.

Matesu 1:16 ပူးပေါင်းရင်းမြစ်များ

Matesu 1:15

Elihude u vuala Eliiezale; Eliiezale u vuala Matana; Matana u vuala Jakobo.

Matesu 16:16

Kuala Ximá Phetele: Eie u Kristu, Monʼa Nzambi ia muenhu.

Matesu 16:20

Behnhobho Jezú anga u tendelela jixibulu kuila ki ji tangele muthu kuamba Jezú muene Kristu.

Matesu 2:13

O Jinganga kia zubhile kuia, talesa, mukunji ua Ngana utukulukila kua Zuze, ku nzoji, uixi: Balumuka, u katule kamona ni mamʼâ, u lengele ku Ejitu; ua kale koko katé bhuoso bhu ngi ku ixanena. Mukonda Helode ua-ndu sota o Kamona, phala ku ka jibha.

Matesu 27:17

Kioso-phe mundu kia bhongolokʼiki, Pilatu ua ambela, uixi: Nanhi mua mu solo ngi mi jituina-nê? Jezú dia Balaba, inga Jezú a mu ixana Kristu?

Matesu 27:22

Kuala Pilatu: O Jezú-phe, a mu ixana Kristu, ngi mu bhanga kiebhi? Ene oso exi: A mu phaphele ku dikulusu!

Marku 6:3

Manhi ki muene musongi a mabaiʼu, monʼa Madiia, phange ia Tiiaku ni Zuze ni Juda, ni Ximá? Ni jiphange je ja ahatu, ki etu-nâ mu ʼaxaxe kʼetu? Anga a mu lebhula.

Luka 1:27

Mukunji uambata njimbu phala ku i tula kua monʼa muhatu, a mu lembe kiá kuala diiala dia mukua muiji ua sobha Davidi, dijina diê Zuze. O muzeletete iú dijina diê Madiia.

Luka 2:48

O kia mu mono, adiʼê a diuana! Manhʼâ anga u mu ambela, uixi: Mona, tata, ua tu bhangela-hi kiki? Talesa, ni tatʼenu ni eme, tua kexi ku ku sota ni mukondo!

Luka 2:7

Anga u vuala monʼê ua dianga, anga u mu futa mu milele, hé u mu zekesa mu kidilu kia ibhku, kuma mu kijima ka muene-mu kididi.

Luka 3:23

Jezú muène, kia mateka kulonga, kífua kala uala mu makuinhi-a-tatu a mivu. O muène, kia fika athu, monʼa Zuze; Zuze dia Heli;

Luka 4:22

Ene oso anga a kala mu ku mu tumbula kiambote, a diuana maka ma uabha ma-la kutunda ku dikanu diê, exi: Manhi ki muenhú monʼa Zuze?

Nzuá 4:25

Muhatu ua mu ambela, uixi: Ngejiia kuma Mexiia ió a mu ixana Kristu, ua-ndu kuiza; hinu se ueza, Mùene u tu jimbuila ima ioso.