Matendelelu 9:9 - O Mikanda Ikola

⁹ O ki nga bandele ku mulundu mu kutambula mabaia ma matadi mabaia ma kikutu kia mi bhana Jihova, anga ngi bhanga-ku makuinhi auana a makumbi, ni makuinhi auana a usuku, anga ngi kalaʼmi muene kienhókio ki bhua kudia mbolo, ki bhua kúnua menha.

Matendelelu 9:9 ပူးပေါင်းရင်းမြစ်များ

I Jisobha 19:8

Muene-phe hé u balumuka, anga u dia, anga u nua; bhenhobho ni nguzu ia kudia koko kuadi, uenda makuinhʼauana a izuua ni makuinhʼauana a usuku, hé u bhixila ku Holebe, ku mulundu ua Nzambi.

II Jisobha 6:22

Muene-phe u vutula, uixi: Kuanda ku a jibha, kana. Manhi eie u xikina kujibha athu oso u u kuta, kioso ki uia ni xibhata ié ni mufula ué mu kubhânga? A bhekele jimbolo ni menha phala a die, a nue, a vutukile kua ngana iâ.

Makatukilu 24:12

Jihova anga u ambela Mozé, uixi: banda kunu ko kuami mu mulundu, u kale muenhomo; eme-phe ngi ku bhane ibasakasa ia matadi, ni ngonge ni kitumu, ioso i nga soneka, phala u kale mu ku a longa-iu.

Makatukilu 24:15

Mozé anga u banda mu mulundu. Mulundu uoso-phe a u vungina ku dituta.

Makatukilu 24:18

Mozé anga u bokona mu kaẋi ka dituta, u banda mu mulundu; Mozé anga u kala mu mulundu muenhomo makuinhi auana a izuua ni makuinhi auana a usuku.

Makatukilu 31:18

O kia zubha ku di kunda ku mulundu ua Sinai, muene u bhana kua Mozé ibasakasa iiadi ia umbangi, ibasakasa ia matadi, ósoneke ni mulembu ua Nzambi.

Makatukilu 32:1

O mundu kia mono kuma Mozé ua kokoloka kukulumuka ku mulundu, mundu uoso u di bhongolola kua Alá, a mu ambela, exi: Ndoko, tu iudikile jinzambi ji tu tuamenena ku pholo; kuma Mozé muenhú, o muthu ua tu katula mʼoxi ia Ijitu, ki tua kʼijiia mba kima kiahi kia mu bhiti.

Makatukilu 34:28

Mozé anga u kala kuenhoko ni Jihova, makuinhi auana a izuua ni makuinhi auana a usuku; ka di mbolo, ka nu menha. Jihova anga u soneka ku ibasakasa ia matadi o maka eneʼá a kikutu, o kuinhi dia ijiia.

Matesu 4:2

O kia zubha kujila mu makuinhi auana a izuua ni makuinhi auana a usuku, u kala kiua ni nzala.

Ngalásia 4:24

Imʼ iii-phe ia di bhange kala kifika. Kuma ahatu aiadi enʼiâ, ikutu iiadi: Umoxi u tunda ku mulundu ua Sinai, anʼ ê ua a vualela mu ubhika, kifua abhika, muene-phe Hangale.

Matendelelu 8:3

Muene ua mi bateka, ua mi ehela kukala ni nzala, iu ua mi disa ni maná, enu nuka mua ijidile, né jitata jenu ue ka ijidile; phala ku mʼijidisa kuila muthu ka laiela ngó ku mbolo, maji ku ima ioso i tunda ku dikanu dia Jihova kuene kulaiela o muthu.

Matendelelu 9:11

Kuila makuinhi auana a makumbi ni makuinhi auana a usuku abhu, Jihova kiene kia ngi bhana o mabaia maiadi ma matadi, mabaia ma kikutu.

Matendelelu 9:15

Kienhokio-phe eme nga biluka, anga ngi kulumuka o mulundu; o mulundu-phe iu ufuáfua túbhia; o mabaia maiadi ma kikutu eme-nâ bhu maku mami maiadi.

Matendelelu 9:18

Anga ngi diʼumba bhu pholo ia Jihova, kala ki nga tuamene kiá kubhanga, ngi mukua makuinhi auana a makumbi ni makuinhi auana a usuku, ki bhua kúdia mbolo, ki bhua kúnua menha; dilamba diosoʼidi-phe kia di bheka o mulonga ua kituxi kienu ki mua lokalala na-kiu Jihova, ni ku mu thathamesa.

Jihebeleu 9:4

Muene mua kexi o kalatodio ka ulu, ka fumasa ia dizumba, ni álaka ia kikutu, iene ioso iofolale ulu, o moxi dia álaka mua kexile ni imbia mua bhake o maná, ni mbangala ia Alá ia buingitile mafe, ni matadi ma iadi ma basakasa, kuosoneke o ijila.