Matendelelu 9:6 - O Mikanda Ikola

⁶ Tuma-phe ku kʼijiia kuma ixi ia iuka kiki, o ku mi bhana-iu, Jihova Nzambi ienu ka ki bhangela ku mi mona kuuabha, kuma enuʼenu mua huku, mua ngangamana jixingu.

Matendelelu 9:6 ပူးပေါင်းရင်းမြစ်များ

II Malunda 30:8

o kiki-phe kana ku tundisa kakunda kenu, kala o jitata jenu; tolokenu kua Jihova, muize bhu kididi kiê kikôla, kia kolesa muene katé ku hádia, nda mu bhikile Jihova, Nzambi ienu, phala o kutêma kua njinda iê ki ku mi tule enu.

II Malunda 36:13

O kia di te-ku dingi, ua bhukumukina sobha Nabukodonozolo, ua mu lokesele kua Nzambi; maji ua thathamana o xingu iê; anga muẋima uê u huka kinéne katé ua lémbua o kudiela phala kulungulukila kua Jihova, Nzambi ia Izalaiele.

Jisálamu 78:8

Ka soke dingi ni jitata jâ, muiji ua thathamana, ua xibhaka, muiji ua bhengalala o mixima, ku di tuma ni Nzambi a ki tokoka.

Makatukilu 32:9

Jihova anga u ambela dingi Mozé, uixi: Mundu iú nga u mono kiá, ua thathamana jixingu.

Makatukilu 33:3

bandenu-phe muie mu ixi i kunguluka lete ni uiki; maji eme-muène-phe ki ngende dingi muʼaxaxi kenu, kuma enu muala mu mundu ua thathamana jixingu, sumba ngi mi buidisila mu njila.

Makatukilu 34:9

Uixi-phe: Se ni kidi kiene, nga sange ngalasa ku mesu mé, Ngana, nga ku diondo, Eie-muène endela muʼaxaxi ketu; kuma etu tu mundu ua thathamana jixingu. Tu loloke-phe o kubhukumuka kuetu, ni ituxi ietu, nda u tu tambulule mu kukala tu undundu ué.

Izekiiele 2:4

O anʼâ a thathamana jipholo, ia a huku miẋima; eme-phe ngi ku tuma kua ene, ua ambela kiki: O Jihova, Nzambi, uambe kiki:

Izekiiele 20:44

Hé kia kà mʼindukila kiua, kuila emiʼeme ngi Jihova, kioso ki ngi mi tekujula ni henda mukonda dia dijina diami, anga ngi fula o ku mi bhanga kala kia fuama mu jinjila jenu jaiibha, ni ibhangelu ienu ia phulu, eie u dibhata dia Izalaiele, tata! Jihova ua ki tange.

Izekiiele 36:22

Kala kiki-phe, o dibhata dia Izalaiele tangela-diu, uixi: O Jihova Nzambi uambe kiki: Ki mukonda dienuʼenu, ki nga mu bhangela kiki, enu mu muiji ua Izalaiele, tata, maji mukonda dia dijina diami di kôla, di mua sembamesa mu kaxi ka akua jixi, mu mua di tela enu.

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

Matendelelu 10:16

Saienu-phe o mabôlo ma miẋima ienu, phala ki mu kale dingi muʼathu mua bhukumuka ilunji.

Matendelelu 3:18

Mu thembu ienhoio anga ngi mi tendelela luamukuá, ngixi: Oxi iii, Jihova Nzambi ienu ua mi bhakuila-iu muene, phala enu ku i vua; enu-oso mu mala ma nguzu mua-bhu o uoma, bhakatenu, mu bhite ku pholo ia jiphange jenu, anʼa Izalaiele.

Matendelelu 31:27

Kuma eme o kubhukumuka kuenu nga ku ijiia, ni kuhinana o jixingu ku muene na-ku. Tala, sumbala eme hanji ni muenhu muʼaxaxi kenu, mua zoka, mua zoka kiá ni Jihova; kuambe dingi se ngafu-ami kiá!

Matendelelu 9:13

Jihova anga u ngʼambela dingi, uixi: Talesa, o kifuẋi kiki, nga a mono kuila kifuẋi kia bhukumuka, a thathamana jixingu.

Matendelelu 9:24

Xi! Kífua tunde kiá bhu kizuua ki nga mʼijiia, katé ni lelu, enu Jihova Nzambi mua mu bhukumukina muene kienhiki.