Matendelelu 9:5 - O Mikanda Ikola

⁵ Ka ki bhangela mukonda dia kuuabha kuenu, mba mukonda ua mi mono ni muxima ualùngu kua muene; kana. Maji o ituxi ia ifuẋi iii, iene-ku iabhangesa Jihova Nzambi ienu ku mi kaiela-u; mbé o kuxikika o kikutu kia lokela Jihova Nzambi ienu ku jitata jenu, a Mbalahamu, ni Izake ni Jakobo.

Matendelelu 9:5 ပူးပေါင်းရင်းမြစ်များ

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 13:15

Mukonda o ixi ioso i ua mono iii, eie muene hino ngi ku bhana-iu, ni mbutu ié phala kutungenena momo, katé ku hádia ni hádia.

Dimatekenu 15:16

O ku muiji ua kauana-phe kiá, kiene kia kà bhongoloka dingi mʼoxi mumu, kuma o kizongelu kia kubhukumuka kua Mamodi kiluua ki tenena.

Dimatekenu 15:7

Anga u mu ambela dingi, uixi: Eme Jihova, nga ku katula mu ixi ia Ule ua Jikaldeu, phala ku ku bhana, o ixi iii ni i kale undundu ué.

Dimatekenu 17:8

Ngi ku bhana eie muene, ni mbutu ié hinu i ku bhingana, o ixi ienhiʼii ia inhunginu ié, ixi ioso ia Kanana, i kala undundu ué katé ku hádia ni hádia sè dizubhilu; eme ngà kala ngi Nzambi iâ.

Dimatekenu 19:29

Anga ki bhita-phe kuila, Nzambi kia zubha ku buikisa o jimbonge joso mu ngânga, Nzambi ua xinganeka Mbalahamu, anga u katula Lote mu kaẋi ka kibuika kia jimisa o jimbonge mua tungile Lote.

Dimatekenu 26:4

ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Makatukilu 32:13

Xinganeka Mbalahamu, ni Izake ni Izalaiele, abhiké kioso ki ua a lokela mu dijina dié Eʼmuene, Eie ua a ambela, uixi: Ngi mi sokoluela o mbutu ienu, a vula kala théthembua ku diulu, ni ixi ioso i nga mi tangela, nga i bhana mbutu ienu, a kà i lundula mu mivu sé mbambe.

Izekiiele 20:14

O ki nga bhange-phe, nga ki bhangela ngoho o henda i nga kuatela o dijina diami, phala ka di sebulule ku mesu a miji ioso a mono kioso eme ki nga a tundisa mu Ijitu.

Izekiiele 36:22

Kala kiki-phe, o dibhata dia Izalaiele tangela-diu, uixi: O Jihova Nzambi uambe kiki: Ki mukonda dienuʼenu, ki nga mu bhangela kiki, enu mu muiji ua Izalaiele, tata, maji mukonda dia dijina diami di kôla, di mua sembamesa mu kaxi ka akua jixi, mu mua di tela enu.

Izekiiele 36:32

Jihova Nzambi ua ki tange, uixi: Ijiienu-na-kiu muene kiambote, kuila o kiki ki nga mu ki bhangela mukonda dia henda ienuʼenu, kana! Sonhi ji mi kuate muene, mu tandanganhe mukonda dia jinjila jenu, enu mu muiji ua Izalaiele, tata!

Ijila 18:24

Ki bhu kale kima ku iima iii ki mi sekalesa; kuma o ifuẋi i ngala kukaiesa bhu pholo ienu nʼa mi bhue ku mesu, o ima ioso ienhiʼii iene ia di sekalesa na-iu.

Ijila 18:25

Kiene kia sekalela oxi; Eme ue o kituxi kia kusekala kua oxʼiii hádia ngi kʼibhula, oxi-phe hé ia kà lusa oso a tungu-mu.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Jipoxolo 3:25

O jipolomesa joso ja bhele Nzambi mu kanu dia jipolofeta jê ia mi tokala enu. O mu kikutu kia ta Nzambi ni jitata jenu mu xahulu, enu muene mu muala, kioso ki ambelele Mbalahamu, uixi: Ku mbutu ié, kuene kua kà zediuila o miji ioso mu ngongo.

Loma 11:28

Jijudé a di tunu o Njimbu Iambote, iá a di bhange jinguma ja Nzambi mukonda dienu-enu. Maji o ku mbandu ia ku a tungula kuala Nzambi, a di bhange makamba mê mukonda dia jitata.

Loma 15:8

Kuma eme nga mi ambela kuila Kristu ua di bhangele mukunji ua Jijudé phala kuidikiza kuila Nzambi kene mu kualuluka, mbé o izuelu ioso ia bhele Nzambi ku Jitata a i kumbidile.

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 12:31

Jihova Nzambi ienu ki mu mu bhange kiókio, kana; xinganekenu kuma ima ioso ia ufusa ia ibhila Jihova, ia di zemba na-iu muene, iene ia bhanga jinga ene kioso kia bheza jinga o jinzambi jâ. Katé ni tuana tuâ tua mala, ni tuana tuâ tua ahatu akexe ku tuoha mu túbhia, mu kusatela jinzambi jâ.

Matendelelu 18:12

Mukonda uoso ubhanga ima kala iii, kua Jihova muenhó mukua-phulu; oko akua-jixi mukonda dia phulu iâ ienhiʼii, kiene Jihova Nzambi ié kia a kaiela kuengi nʼa mi bhue ku mesu.

Matendelelu 18:9

Kioso ki u bhixila hé u bokona mʼoxi ia-nda ku ku bhana Jihova Nzambi ié, kana kua kà fikisa maufusa ma akua-jixi enhó!

Matendelelu 20:18

Kuma avula ku mi longesa kufikisa o ima iâ, ia ufusa ni kubhuma, iene kubhanga ene ku jinzambi jâ ja mahamba; anga a mi tesa kituxi kua Jihova Nzambi ienu.

Tito 3:5

Muène o ku tu bhulula, ki kia kaiela mu imbamba ia kuiuka kuetu i tua bhange etu, maji mu kulenduka kuê muène. O ku dibônzo diê, iú ua tu zelesa ni Nzumbi iê Ikôla mu ku tu vualulula dingi ni ku tu bhana muenhu ua ubhe.