Matendelelu 9:26 - O Mikanda Ikola

²⁶ Eme-phe hé ngi sambela Jihova, ngixi: Ngana Nzambi, Nzambi tata, ku ki bhange kubuikisa o povo ia tokala undundu ué, povo i ua kula ni unéne uoso, Eie ua i jituna ku Ijito, ni lukuaku lua undanda.

Matendelelu 9:26 ပူးပေါင်းရင်းမြစ်များ

II Samuuele 7:23

Mundu uahi ue mu ngongʼumu u soka ni mundu ué ua Izalaiele, ene ngó ubheka uâ ku mundu, a bhingi Nzambi iâ uia ni ku a kudila, ni ku a bhangesa kukala mundu uê uangene, muene, nʼa di bhangela dijina, nʼa mi bhangela ue ima iónene, ni ima i kuatesa uoma mʼoxi ienu, bhu pholo ia mundu ué katé ki ua a kula mu Ijito ku akuaʼxi iengi ni ku nzambi jâ, hé u a bheka dingi ku mukutu uê.

I Jisobha 8:51

Mukonda Izalaiele ene o kifuxi kié ni undundu ué u ua katula mu ixi ia Ijito, muʼaxaxi ka dijiku dia utadi ua felu.

I Jisobha 8:53

Mbata eie ua tungula mu madiembu moso mu ngongo, nda a kale undundu ué, kala ki ua tangele mu ukunji ua ngunza ié Mozé, kumbi di ua katula o jitata jetu mu Ijito, Ngana Jihova, tata!

Nehemiia 1:10

Athu iá-phe ene hanji abhikʼé, ni kifuxi kié ki ua kula mu kutena kué ni lukuaku lué lua nguzu.

Jisálamu 106:23

Kia mu bhangesa kuila, uixi: Ngʼa buikisa; ua a bhana o muenhu Mozé, muthu uangene, uemana bhu kaẋi ni ku a diondela, katé o njinda iê ua i lungulula iela muengi, iu ua fudisa o ku a buikisa.

Jisálamu 107:2

Oso a a kula kuala Jihova, a mu tumbule, ió oso a a kula bhu maku a nguma.

Jisálamu 28:9

Bhulula, Ngana, o mundu ué; undundu ué u kale ni dibesá; kala eʼmuène u mubidi uâ, u a dise izuua ioso.

Jisálamu 57:1

Ngi kuatele henda, Ngana Nzambi, ngi kuatele henda; mukonda o muenhu uami ua suamena ko kué; kiene muene, eme ngi di kondela mu kilembeketa kia mabhabha mé; katé ki zubha kubhita o mavuua osoʼá.

Jisálamu 77:15

Povo ié i ua kula ni lukuaku lué, ene anʼa Jakobo ni Zuze. (Selah.)

Jisálamu 78:35

Kiene kiua kia ki lembalala kuma Nzambi muene ditadi diâ dia kulengela; o Nzambi, Suke-ku, muene o dilemba diâ.

Jisálamu 99:6

Jinganga jê sai, ni Mozé ni Alá, o jipolofeta ue sai, Samuuele: ela jinga a dikola kua Jihova, muene u a evua anga uitaia.

Makatukilu 15:13

Mu kiadi kié uendesa o mundu iú, u ua kula eie-muene (ua di bhange u kilamba kiâ); mu nguzu ié ua ambata Katé bhu kibúta kié kikôla kia kuzela ni kuiuka.

Makatukilu 33:13

Kiki-phe, nga ku diondo, se nga sange ngalasa ku mesu mé, ngʼidikize jinjila jé ja ku di tuma ni athu, phala ngʼijiie uendelu ué, ngi sange ngalasa ku mesu mé; ni u tongolole kuma muiji iú uene o mundu ué.

Makatukilu 34:9

Uixi-phe: Se ni kidi kiene, nga sange ngalasa ku mesu mé, Ngana, nga ku diondo, Eie-muène endela muʼaxaxi ketu; kuma etu tu mundu ua thathamana jixingu. Tu loloke-phe o kubhukumuka kuetu, ni ituxi ietu, nda u tu tambulule mu kukala tu undundu ué.

Izaía 44:23

Enu, maúlu, imbenu ni ngalasa, mbata Jihova muene ua bhange kiki; tanenu-ku, enu mu ididi ia boloka, enu mu milundu te-nu nzongo ia kusanguluka; nʼenu ue mu mixitu, ni mixi ioso iene-mu; mbata Jihova ua kula Jakobo iú ua tambula fuma mu Izalaiele.

Izaía 63:19

Etu tu athuʼê, tuedi-phe kala athu eie kiluua u a tumina, kala athu tundé dia tunde mu dijina dié ka tokalamu.

Jelemiia 14:21

Mukonda dia henda ia dijina dié, kana ku tu di tuna; o kiandu kia ulamba ué, kana ku ki diotela bhoxi; xinganeka, kana ku sangununa o kikutu ki ua ta nʼetu.

Jelemiia 15:1

Jihova-phe ua ngambela, uixi: Né-mbe hanji Mozé ni Samuele emanene bhu pholo iami, o muenhu uami ki ueje ku di bunda ni mundu iú; a kaie, bhu pholo iami a tunde-bhu.

Kuditenda 2:20

Tala Jihova, u tongolole, muthu kuii ua mu bhange kiki! Abha-phe, ahatu mbé adia muene o kibundu kiâ eneʼâ muene, o tuana tuâ tuavuala, tua sase ene bhu jihata jâ? A jibha o nganga ni polofeta monzo ié iangene bhu dibhezelu dia Jihova?

Mikeia 6:4

Eme, ni kidi kiene, nga ku tombola mu ixi ia Ijitu; mu inzu ia ubhika mu ua kexile, nga ku kulamu; Eme nga katula Mozé, ni Alá, ni Midiiana, ià u nga tumine ku ku tuamenena o njila.

Matendelelu 13:5

O Polofetʼoio-phe, mba ka-jinzojʼó mu mu jibha, mukonda ua tange ima ia kubhumina Jihova Nzambi ienu, ua mi katula mʼoxi ia Ijitu, iú ua mi kula mu dibhata dia ubhika mu mua kexi; muene iú ualu sota ku mi katula mu njila ia mi xindila Jihova Nzambi ienu. Mu kubhanga kiki, mua katula o ku-ibha muʼaxaxe kenu.

Matendelelu 15:15

Uxinganeka jinga, ulembalale kuma eie ue ua kexi u mubhika mʼoxi ia Ijito, maji Jihova Nzambi ié muene ua ku kula. Eie ue nga ku tumu kubhanga jinga kienhiki.

Matendelelu 21:8

Uila kiki-phe, eie Jihova, o mundu ué ua Izalaiele luuluka-nâ, Eie-muène ua a kula, kana ku a xina ku thandu diâ o mulonga ua manhinga ma muthu iú ua kambe kikuma. Kuabhu-phe, o manhinga momo a ma katula kiá ku konda iâ, ene anga a di zela.

Matendelelu 32:9

Mbata dikânda dia Jihova o povo iê iii; Jakobo muene dijikita dia undundu uê.

Matendelelu 7:8

Jihova muene-ku ua mi te muxima kuma ua mi zola, mu ku kumbidila o muloko uê ua lokela jitata jenu; Jihova iu ua mi katula ni lukuaku luê lua suina, iu ua mi kula ku dibhata dia ubhika ku mua kexile, bhu lukuaku lua Falaó, sobha ia Ijito.

Matendelelu 9:12

Bhenhobho Jihova, anga u ngʼambela, uixi: Balumuka, kulumuka muene lusolo, mbata o mundu ué u ua katula ku Ijito, a dianguka kiá; o njila i nga a xindile ka nange-mu, a i xi kiá kindala kienhiki; a di iudikila kiteka kia kuzunza.

Matendelelu 9:27

Xinganeka u lembalale Mbalahamu, ni Izake ni Jakobo o jiselevende jé; o povo i kola muxima kiki ku i landukile, o phekalu iâ kana ku i ta muxima, kana kusuua o mulonga ua kituxi kia ku te.

Matendelelu 9:29

Suke kiene, ene-phe hanji ene o povo ié, ene undundu ué u ua katula ni undanda ua lukuaku lué lua suína.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 9:12

Kioso-phe Kristu ki eza, ua bokona ngó lumoxi kuabhu, mu Kididi-Kikôla-Kinéne, muène kambatele manhinga ma jihombo, mba ma anʼ a jingombe phala kubhakula kala sata. Maji ua bhana o manhinga mê muène, iú ua zubha o ku tu kula, ki kua bhingi dingi ku ki tona.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.

I Samuuele 7:9

Samuuele anga u kuata kambudi hanji kala mu kuámua, u ka bhana mu sata ia muvimba ia kuoha kua Jihova; Samuuele anga udikola ubhingila Izalaiele kua Jihova; Jihova anga u itaia.