Matendelelu 9:24 - O Mikanda Ikola

²⁴ Xi! Kífua tunde kiá bhu kizuua ki nga mʼijiia, katé ni lelu, enu Jihova Nzambi mua mu bhukumukina muene kienhiki.

Matendelelu 9:24 ပူးပေါင်းရင်းမြစ်များ

Jisálamu 78:8

Ka soke dingi ni jitata jâ, muiji ua thathamana, ua xibhaka, muiji ua bhengalala o mixima, ku di tuma ni Nzambi a ki tokoka.

Makatukilu 32:22

Alá anga u zuela, uixi: Ngana iami, njinda ié ki i uame kiókio; mundu iú eie-muène ua u ijiié, eneʼâ ngó mu sota kubhanga kiaiibha.

Izaía 48:8

Iene-phe eie kuaʼivua, kua ʼijiia, kana; né ngó o dítui dié ki dia jikukile luua, kuma nga kʼijiia kuila ueje kubhanga ufe, mukonda u muxibhaki, u mutondadi, tundié mu mala.

Jelemiia 4:17

Jihova ua tange, uixi: A-nda ku mu kondoloka mbandu ni mbandu kala alangidi a díbhia; mukonda muene ua ngi balukila.

Izekiiele 20:8

Maji ene a ngi ẋinukina, nguâ ku ngʼivua; o maufusa oso a a uabhelele ku mesuʼâ ki bhu kexile ngó muthu uandalele ku a texi, mba kuxia o iteka ia Ijitu; bhenhobho-phe ngixi o njinda iami ngi i lundulula ku thandu diâ-ene, phala o kutema kuami ni kutenene kua ene mu kaxi ka oxi ia Ijitu.

Dialuilu 14:9

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Dialuilu 17:10

Bhenhobho-phe Jihova uambela Mozé, uixi: Tona dingi ku ta o mbangala ia Alá bhu pholo ia umbangi, phala ku i bhaka, i kale kijimbuete phala o ana a ẋinuka; mu kubhanga kiki ua-nda ku a zubha o makulongolola mâ ene ku ngi longolola na-u, nʼa kambe o kúfua.

Dialuilu 23:21

Ka mono kubhukumuka kua Jakobo; ka mono ikuma kua Izalaiele; Jihova, Nzambi iê, ua tungu-nê, o muʼaxaxe ka uivua-mu nzôngo ia sobha ala ku mu kola.

Dialuilu 32:14

Ua mono-phe, enu mua kudila bhu kididi kia jitata jenu, mu mbutu ia abhukumuki, muandala mu bandekeza dingi, ku njinda ia Jihova ia kuatela Izalaiele.

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

Matendelelu 31:27

Kuma eme o kubhukumuka kuenu nga ku ijiia, ni kuhinana o jixingu ku muene na-ku. Tala, sumbala eme hanji ni muenhu muʼaxaxi kenu, mua zoka, mua zoka kiá ni Jihova; kuambe dingi se ngafu-ami kiá!

Matendelelu 9:4

Kioso-phe kia-nda ku a muanga kuala Jihova Nzambi ienu, enu anga a mi bhua ku mesu, ki muile ni miẋima ienu, muixi: Jihova ua tu mono tu athu ambote, kiene kia tu tudila mʼoxi iii phala i kale ietu, ki kiene; maji o ituxi ia ifuẋi iii, iene-ku ia bhangesa Jihova ku a kaiesa-mu.