Matendelelu 9:21 - O Mikanda Ikola

²¹ Nga zangula o kikalakalu kia kituxi kienu, o kangombe ku mua iudikile, nga ka jikatesa mu túbhia, nga ka tuzala katé ki ka kituka fufuta; o fufuta iê eme nga i texe mu kahonga ka tundu ku mulundu.

Matendelelu 9:21 ပူးပေါင်းရင်းမြစ်များ

I Jisobha 15:13

Anga u balakala muene katé ni mamʼâ, Mahaka, phala a lémbue kukala muene Na Mvale, mukonda dia kiteka kia bhangele ki kuatesa uoma, kia kexe mu kuixana exi Asela; Aza u bula ue o kiteka kienhiki, anga u ki ohela ku mbanduʼa kangiji ka Kedolone.

II Malunda 34:7

O kia zubha kubula o jikalatódio joso ni mixitu, ni iteka ia kusonga katé kia i kitula fufutila, ni kia zubha o kubatujula o iteka ioso ia dikumbi mʼoxi ioso ia Izalaiele, u vutuka kiua mu Jeluzaleme.

Makatukilu 32:20

Anga u kuata ndumbe ia ngombe ia iudika, u i oha mu túbhia, u i huha ni matadi, o fufutila ié u i kuua mu menha, anʼa Izalaiele anga u a nuisa menha enhó.

Izaía 30:22

Divunga dia iteka ié ia phalata, dianda ku ku iibhila kiá, o divunga dia iteka ié ia ulu ua kuzunza, eie ua-nda ku di kita dixidilu; ua-nda ku di texe kala ditele, ua-nda ku i tangela mu kimoxi-kimoxi, kuila: Tu-nda bhabha.

Izaía 31:7

Kuma mu kizuua kiókio kala muthu ua kà texe mahamba mê ma phalata, ni mahamba mê ma ulu, ma mi iudikila o maku menu phala muende ni kuta ituxi.

Hozeia 8:11

Mukonda Ifalaíme ua vudisile jikalatódio, jikalatódio ngó ja kutela ituxi.

Mikeia 1:7

Iteka iê ioso iobhange ni maku a ka i bukujula, ni itadi ioso i a mu futu ku maufusa mê a kà ioha mu túbhia, mahamba mê moso nga kà ma bhuisa-ku mukonda ua a sumbu ni kitadi kia undumbu ué, mʼa kà biluka mukuâ ni futu ia muhetu ua kidianzunga.

Matendelelu 9:20

Anga Jihova u lungulukila ue Alá phala ku mu buikisa, kuma ua mu thathamesa ue, maji Alá ue nga mu bhela musambu bhenhobho.