Matendelelu 9:2 - O Mikanda Ikola

² Mua-nda kúvua mundu ua nzungule, athu onéne a lebha kitala, anʼa Anake, enuʼenu-phe mua ejiia, kuma muene ku a evua kiá; mbutu ia mazonda iala kiókio, mukua-hi u ki sesa o kuzangalala bhuemana ene?

Matendelelu 9:2 ပူးပေါင်းရင်းမြစ်များ

Jobe 11:10

Se muene uedi u buidisa, mba u jika, mba u bhongolola, nanhi muene u tena ku mu fudisa?

Makatukilu 9:11

Anga o imbanda ia akua Ijitu a lémbua kuimana bhu pholo ia Mozé, mukonda dia maveve; kuma a fuluka ni ku imbanda ni ku akua Ijito oso.

Daniiele 11:16

O nguma uoso ua-nda kuiza ku mu lua, ua-nda kubhanga muene kioso kia mu tumu o muẋima uê, ki bhua-nda kumoneka muthu utena ku di fikidila bhu pholo iê. Ua kà kala mʼoxi ia uabha kinéne, ia di bhange iene o matunda ma miji ioso, o ima ioso ia kà kala bhu lukuaku luê, katé ni kibuika ki bhobho.

Daniiele 8:4

Nga mono kuila o kilumbe kia kuata kúlua mítue, ki ṗhuṗha mútue ku luiji, o bhabha ki ṗhuṗha mútue ku suku, o bhabha ki ṗhuṗha mútue ku sulu; iama ioso ia lémbua kuimana bhu pholo iê, ki bhuala ue ua tena ku di bhângela ku nguzu iê. O kiene hé kienda ni kubhanga ioso ia mu tumu o muẋima uê, kiia dingi ni ku di-bandekeza mʼunéne uê.

Amoji 2:9

Sumbala kiene, eme o mamodi nga a jikinisa bhu pholo iâ ene, athu a bhingile o kulebha mukuâ ni muẋi ua musédulu ua Libano, o ku nguzu mukuâ ni mukaluvádiu; maji-phe, o ibundu iê ku thandu nga i jimisa, ni jindanji jê bhoxi.

Nahumu 1:6

Nanhi ua kèmana bhu pholo ia njinda iê? Nanhi ua kà kolokota mu kutema kua njinda iê? Kutema kuê kala túbhia tua muzukuta, o matadi moso muene u a lundumuna.

Dialuilu 13:22

Ku mbandu ia Sulu a bhiti-ku, a bhikila mu Hebolone; mua tungu Ahimane, ni Xexai, ni Talamai, anʼa Anake. (Hebolone muene a dianga ku mu tunga, Zouane mu Ijitu ua xala kuema, bhu kaẋi bhua bhiti sambuadi dia muvu.)

Dialuilu 13:28

Maji-phe akuaʼxi a tungu kuenhoko ala ni nguzu iavulu, jimbanza a ji te imbaka, ja makota muene; kua di te dingi ni anʼa Anake tua a sange kuenhoko.

Dialuilu 13:33

Tua mono-ko ni iiala, anʼa Anake, a tokala muiji ua Nefalimi; etu-phe bhu mbandu iâ tua di mono tu mahoho, ni ene uâ kiene kia tu mono.

Matendelelu 1:28

Tuia dingi kuebhi? Phange jetu ene a tu botomokesa o miẋima, exi: Athu ala koko a makota kulebha kuvula etu ndenge, a tu tundu; o jimbonge ue ja makota, imbaka iâ ia tuta muene ku maúlu. Exi dingi: Tua mono-ko ue o anʼa Anake, o mazonda.

Matendelelu 2:21

Kifuẋi kionéne, a kexi nzungule hé alebha o kitala, kala o mazonda anʼa Anake; Jihova phe ua a jikinisa bhu pholo ia akua Amone; ene-phe hé a a muanga anga a bhingana bhu kididi kiâ.

Matendelelu 7:24

Ua-nda ku ku bhakuila ue o jisobha jâ bhu maku mé phala eie u a jime o majina mâ kulu dia mundu. Ki bhua-nda kukala muthu u di ẋokuesa nʼenu katé Ki u abuidisa.

Josuué 11:21

Mu thembu muenhomo, Josuué uejile anga u buikisa ue o ilebha, anʼa Anake, ku milundu ia Hebolone, ni ia Ndebile, ni ia Anabe, ni mu milundu ioso ia Juda, ni mu milundu ioso ia Izalaiele. Josuué anga u a jikinisa muene ni madiembu mâ.

Josuué 11:22

Katé mu ixi ia anʼa Izalaiele ki mua subhukile kilebha, mukuá Anake, né ngó umoxi; a subhukile ngó mu Ngaza, ni mu Ngate ni mu Ajindode.

Josuué 15:14

Kalebe-phe anga u kaia-mu ana kitatu a Anake, enhó: Sesai, ni Ahimane, ni Talamai, a a vuala kuala Anake.