Matendelelu 9:1 - O Mikanda Ikola

¹ Ivua, eie Izalaiele, kuma leluʼidi Njolodá mua-nda ku mu zaúka enu mua-nda kúvua ifuẋi ia miji ia mi tundu; o kusuina kuâ kota, o kuenu ndenge; ni jimbonge jamakota, jala mu imbaka iatuta katé ku maúlu.

Matendelelu 9:1 ပူးပေါင်းရင်းမြစ်များ

Dimatekenu 11:4

Exi: Ndokuenu, tu bhange mbonge, tu iudike ni kathôndo ka vula matala, ka tute ku diulu, tu fumane dijina; phala ki tu di muangene mu ngongo ioso.

Makatukilu 32:1

O mundu kia mono kuma Mozé ua kokoloka kukulumuka ku mulundu, mundu uoso u di bhongolola kua Alá, a mu ambela, exi: Ndoko, tu iudikile jinzambi ji tu tuamenena ku pholo; kuma Mozé muenhú, o muthu ua tu katula mʼoxi ia Ijitu, ki tua kʼijiia mba kima kiahi kia mu bhiti.

Daniiele 4:11

Muẋi iú hé ukuata kukula ni ku dizandela kiavulu, katé ki uatuta ku diulu; anga, katé kua suku oxi, athu oso aia ni ku u mona.

Amoji 2:9

Sumbala kiene, eme o mamodi nga a jikinisa bhu pholo iâ ene, athu a bhingile o kulebha mukuâ ni muẋi ua musédulu ua Libano, o ku nguzu mukuâ ni mukaluvádiu; maji-phe, o ibundu iê ku thandu nga i jimisa, ni jindanji jê bhoxi.

Dialuilu 13:22

Ku mbandu ia Sulu a bhiti-ku, a bhikila mu Hebolone; mua tungu Ahimane, ni Xexai, ni Talamai, anʼa Anake. (Hebolone muene a dianga ku mu tunga, Zouane mu Ijitu ua xala kuema, bhu kaẋi bhua bhiti sambuadi dia muvu.)

Dialuilu 33:51

Ambela anʼa Izalaiele, u a tangela, kuma: Kioso ki mu zaúka Njolodá, hé mu bokona mu ixi ia Kanana,

Matendelelu 1:28

Tuia dingi kuebhi? Phange jetu ene a tu botomokesa o miẋima, exi: Athu ala koko a makota kulebha kuvula etu ndenge, a tu tundu; o jimbonge ue ja makota, imbaka iâ ia tuta muene ku maúlu. Exi dingi: Tua mono-ko ue o anʼa Anake, o mazonda.

Matendelelu 11:23

ifuẋi ioso ia miji iii, Jihova ua-nda ku i kaia anga i mi bhua ku mesu, anga múvua ifuẋi ia miji ia mi tundu mu kukula ni mu ku suína.

Matendelelu 11:31

Mbata Njolodá mua-nda ku mu zaúka muene, anga mu bokona mu kúvua oxi ioso i mi bhana Jihova Nzambi ienu; enu mua-nda ku iʼvua muene, muene mu mu tunga.

Matendelelu 27:2

Kioso ki uà zubha ku zaúka Njolodá, anga u diata mu ixi ia-nda ku ku bhana Jihova Nzambi ié, bhenhobho bhetula u imike matadi mònene, u ma kaiala ni hála.

Matendelelu 3:18

Mu thembu ienhoio anga ngi mi tendelela luamukuá, ngixi: Oxi iii, Jihova Nzambi ienu ua mi bhakuila-iu muene, phala enu ku i vua; enu-oso mu mala ma nguzu mua-bhu o uoma, bhakatenu, mu bhite ku pholo ia jiphange jenu, anʼa Izalaiele.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:38

Iú ua kaiesa ifuẋi ia miji ia ku tundu eie mu ku kula ni mu ku suina, oxi ià iu ua i bhakela o ku ku bokuesa-mu eie, ni ku ku lunduisa-iu eie mu ubhinganu kala ki ua-lu ki mona leluʼiki.

Matendelelu 6:10

Kioso o Jihova Nzambi ie kia ka ku tula mʼoxi ia lokela jitata jenu a Mbalahamu ni Izake ni Jakobo, o ku ku bhana eie, ua kà sanga-mu i-mabhata kʼeie ua itungu iauabha o kuuabha, ia ku tungilʼê kiá!

Matendelelu 7:1

Kia kà zubha Jihova Nzambi ié ku ku bokuesa mʼoxi i ua-nda kúvua, anga u ku toluela miji iavulu ia matumbu hé u a kaiesa bhu pholo ié, o sambuadi dia ifuẋi diosoʼidi, akua Mahiti, akua Jijidingaze, akua Mamodi, akua Kanana, akua Mapelezi, akua Mahivi, ni Majebusi, athu a ku tundu mu nguzu ia a ku tundu mu kuvula.

Josuué 1:11

Bhitenu mu kilômbo muambele mundu a iudike huta; kuma izuua ki i tena, mua-ndu zaúka Njolodá muenʼiú, ni mu bokone mu tambula ixi ia mi bhana Jihova Nzambi ienu, nʼi kale ixi ienu.

Josuué 1:15

Katé Jihova kia kà bhana akuenu kunhoha, kala kia mi bha-ku enu, ni a xikame mu jixi jâ, ja a bhana Jihova Nzambi ienu; kiene kiua ki mu vutuka, mu xikame kiambote mu jixi jenu ja mi bhana Mozé, ngunza ia Jihova, ku sámbua kuná dia Njolodá, ku tundila dikumbi.

Josuué 14:12

Kiki-phe, ngi bhane o mulundu iú, uene ua tange Ngana kizuua kienhókio; eie uèvua kizuua kienhókio kia ki tànga, exi: Kuala iiala ia nguzu, anʼa Anake, o jimbonge jâ ja makota, ja bhiti imbaka; imoxi, kuma Jihova ngala-nê bhu mbandu iami, ngi tena ku a kaia, kala kia tànga Jihova.

Josuué 3:14

Anga ki bhita muene, kuma kioso kia katuka kifuẋi mu jifundu jâ, mu kuzaúka Njolodá, o jinganga, ala kuzenza álaka ia kikutu, a tuamenena ku pholo ia kifuẋi;

Josuué 3:16

Bhenhobho menha oso ala kutunda ku thala emana, a di lunjika kala mulundu, anga a di zala ku thala muene, katé mu kuia bhu mbonge ia Adane bhua lulama ni Zeletane; o menha-phe ala kuia ku luiji a batuka ku akuâ, anga aia ni honga katé mu kizanga kia môngua; kifuẋi anga a zaúkila bhabha bhua lulama muene mu Jedikó.

Josuué 3:6

Josuué anga uambela jinganga, uixi: Zangulenu álaka ia kikutu, mu tuamenene kifuẋi ku pholo. Anga a zangula álaka ia kikutu, a suluka ku pholo ia kifuẋi.

Josuué 4:19

Kifuẋi anga a zaúka Njolodá mu kizuua kia kakuinhi ku mbeji ia kamoxi, anga a ta kibangu bhu Jidingale, bhene bhu mbambe ia thunda ia Jedikó.

Josuué 4:5

Josuué anga u a ambela, uixi: Bhitenu, kiosuiki álaka ia Jihova, Nzambi ienu, hanji iemana mu kaẋi ka Njolodá, mu zangule muthu ditadi diê, muthu ditadi diê, a di te bhu kisuxi, kualula o matadi a soka ni miji ia anʼa Izalaiele.