Matendelelu 8:9 - O Mikanda Ikola

⁹ ixi ia bhingi u dila-mu o mbolo hé i ku kuma, momo ku kalé ni ukambu ua kima; ixi ia bhingi matadi mê ma felu, o ku milundu iê kuene ku mu kanda o ngôndo.

Matendelelu 8:9 ပူးပေါင်းရင်းမြစ်များ

I Malunda 22:14

Talesa-ze, kuma mu hadi ni lamba di nga tale ni kukalakala kuami kuavulu, nga kuata hama ia midi ia jitalendu ja ulu, phala o inzo ia Jihova, ni luku imoxi ia jitalendu ja phalata, ni kobidi ni felu ja bhingi katena ku jʼijiia o kinemenu kiê ki ja neme, mukonda kana muthu utena ku ji pezala, mbé dia kuvula kinéne; ku tahndu diê nga lungu ue ni miẋi ni matadi, iene ioso nga i tenesa; eie-phe, hinu uta-bhu dingi kioso kia kambe-ku.

I Malunda 22:3

Davidi hé usula felu ia nzungule, phala ue ku iudika jipheleku ja kuphaphela ima ku mabhitu ni kukuatesa o masokokelu mê, kala ue kobidi ia nzungule iabhingi mu kuvula kuê, ki i xikina ku i pezala o kinemenu kiê.

Jobe 28:2

O felu a i katula mu mavu; ku ditadi kuene kua zunza o kobidi.

Matendelelu 33:25

Sabhatu ié felu ni utadi; uzonda ué usoke ni izuua ié i u kola muenhu.

Matendelelu 8:10

Kioso ki mua kà dia hé mua kèkuta, mua kà ximana Jihova Nzambi ienu, mukonda dia ixi iambote ia mi bhana.

Matendelelu 8:8

Ixi iima tiliku ni sevada, ia mivide ni mifiku ni miẋi ia jilomá; ixi ia midiva ni nzungule ia maji ni uiki;

Josuué 22:8

hé u a ambela, uixi: Vutukilenu kiá ku jibalaka jenu ni jimbongo javulu, ni jinzungule ja ibhaku, ni phalata, ni ulu, ni utadi ua ngôndo, ni felu ni izuatu iandumba; ene o mabhundile u mua bhundu ku jinguma jenu, uanenu kumoxi ni akuenu.

Afundixi 18:10

O ki muia, mua kà sanga athu kala ni hele ia kima, ixi iene ia kulu muene, Nzambi-phe ua mi bhana-iu enu ku i vua, ixi ia bhingi ima iene ioso iii momo, kana kima kia kambe-mu.