Matendelelu 8:8 - O Mikanda Ikola

⁸ Ixi iima tiliku ni sevada, ia mivide ni mifiku ni miẋi ia jilomá; ixi ia midiva ni nzungule ia maji ni uiki;

Matendelelu 8:8 ပူးပေါင်းရင်းမြစ်များ

Dimatekenu 49:11

O bulu iê ia ndumbe u i kuikila ku muvide, o monʼa bulu iê ia mukaji, ku kixina kia beta kuuabha; izuatu iê ua kà i sukula mu vinhu, ni divunga diê mu manhinga ma jiuva.

II Samuuele 4:6

Anga a bokona mʼonzo, kala a-ndu katula tiliku; muene anga a mu ta mukuale mu jimbanji; Lekabe ni phangʼiê Bahana anga a lenga.

I Jisobha 5:11

Solomá hé u bhana ue kua Hilamu makuinhi aiadi a midi ia itutu ia jikolo iezala ni tiliku, phala o huta ia kudikila o dibhata diê, ni makuinhi aiadi a itutu ia jikolo iezala ni maji òbete kiambote. Ima ienhiʼii iene ia bhana jinga Solomá kua Hilamu, muvu ni muvu.

II Jisobha 18:32

Katé bhu ngʼijila mu ku miʼambata ku ixi ia di-fuangana ni ienu-iene; ixi ia tiliku ni uálua; ixi ia mbolo ni vinhu; ixi iezala midívua, ni maji, ni uiki; o kuenhoko mua kà kola muenhu, ki mu-fu, kana; o Ezekiia-phe ki muende ni ku muʼivua; mukonda uandala ku mi balukisa, uixi: Jihova ua-nda ku tu kudila.

Jisálamu 147:14

Muene ua ku bhana o kutululuka katé kua suku o mbambe ié, muene ua ku bhana o kuikuta ni tiliku ia fina.

Jisálamu 81:16

Ngeje ku a disa ni tiliku ianete; o uiki u tunda mu ndanji, ueje ku a kuma.

Izaía 7:23

O luamukuá ue, bhu kizuua kieneʼokio, kia kà bhita kuila ididi ioso, bhuoso bhu kala midi ia mivide, mu suilu ia midi ia itadi ia phalata, ia kà kalé ngoho isasa ia hatu ni misonge.

Jelemiia 2:7

Emiʼeme nga mi bokuesa mu ixi ia idima nda mudie o kibundu kiê ni mbote iê: maji enu-phe ki mua zubha kubokona-mu, oxi iami mua i kasanesa, o undundu uami mua u bhange kima kia ufusa.

Jelemiia 5:17

Ene hinu a kàdia o itula ié, ni mbolo ié ia tokalele anʼé a mala ni anʼè a ahatu; jimbudi jé ni jingombe a kà kudia-ju; a kà dia ue ni muvide ué ni mufiku ué; o jimbonge jé ja makota ji ua dielela a-nda ku ku senguluila-ju kuala o xibhata.

Izekiiele 27:17

Ni Juda ni ixi ia Izalaiele, a kexile ene kiabhu akua ku ku tela o uenji; o ene uâ o uenji ua-ta jinga nʼeie uenhú: Ni tiliku ia Minite, ni panaji, ni uiki, ni maji a kulunga, ni maji a dizumba.

Hozeia 2:22

Oxi ue ia kʼevua hé ia kà bhana o masa ni maluvu ni maji; o iá ue a kʼevua nʼa ka bhakuila Jezelele.

Hozeia 2:8

Mbata muene, ki kia mu tetulukila kuma eme nga mu bhele o masa, ni maluvu a kúnua, ni maji; eme nga mu vudixile o phalata ni ulu, ia zangela kua Baale.

Mikeia 4:4

Maji a kʼèla kiá, muthu uxikama bhoxi dia muvide uê, muthu uxikama bhoxi dia mufiku uê, o u a kuatesa uôma ka moneka, mukonda dikanu dia Jihova dia Ifuẋi diene dia ki tange.

Habakuke 3:17

Kuma né-mbe hanji o mufiku ki u tulula, mba ku kala ibundu ku muvide; o ibundu ia mudiva i kala makutu, o mábhia ue a kamba kubhana idima; o jimbudi joso ja kilunga a jʼambata, anga mu ibhanga ioso mu xalʼé ngó sé jingombe;

Dialuilu 13:23

A tula mu honga ia Xikole, a batula luthangu luala ni kilende kimoxi kia jiúva, anga a ki ta ku mukambu, a ki zenza mala kiiadi; ni ku jilomá ambata, ni ku jifiku.

Nzuá 6:13

Ene anga a tu nona. Anga ezalesa kuinhi dia ngalu ni kiiadi, ni tumbandu tua subhujuka ku mbolo jitanu; o athu oso ekuta kiá.

Nzuá 6:9

Bhabha bhuala kamunzangala uala ni jimbolo jitanu ni mbiji jiiadi; ji soka-hi-phe ku mundu uosʼú?

Matendelelu 32:13

Muene ua mu endesa ku thanduʼa jixi, kala ku kabalu kuala; ua mu dikila ni jimbote jaʼxi, ua mu xibhisa uiki u tunda mu ditadi, ni maji ma tundu ku ditadi dia kolo.

Matendelelu 32:14

Ni matheka ma jivaka ni lete ia ilunga ia jimbudi. Ni banha ia jiseseme, ni ia ilumbe ia jimbudi, jene kudila mu makèla ma Basane, ni ia isutu ia jihombo; ni tiliko ia nete kiambote. Eie ua zuuela jinga o manhinga ma ji-uva, o vinhu ia kambe ku thuthuma kifulu.

Matendelelu 6:3

Ivua-phe kiambote, eie Izalaiele, tata! ta-ku muene muxima u i kumbidile, nda ubhanduluke kiasoko, u sokoloke muene kala kia ku ambela Jihova, Nzambi ia jitata jé, kioso ki ua kà bhiẋila mʼoxi izunzumuka o lete ni uiki.

Matendelelu 8:7

Mukonda Jihova Nzambi ienu uala ku mi bheka ixi iambote, ixi ia jingiji ja menha, ni jithu ji bhana menha ma kunguluka mu jihonga, ja tundu mu kaẋi ka milundu ni makôlo.

Matendelelu 8:9

ixi ia bhingi u dila-mu o mbolo hé i ku kuma, momo ku kalé ni ukambu ua kima; ixi ia bhingi matadi mê ma felu, o ku milundu iê kuene ku mu kanda o ngôndo.