Matendelelu 8:2 - O Mikanda Ikola

² Xinganeka phala u kale mu lembalala njila ioso ia mi bhitisa Jihova Nzambi ienu, mu makuinhi auana a mivu osoʼâ mu kikangalakata, phala a mi bateke, nda a mi lole, mbé o kuijiia kioso kia mi kala ku miẋima moxi, mba mu xikina kutumaka ijiia iê, mba kana.

Matendelelu 8:2 ပူးပေါင်းရင်းမြစ်များ

Dimatekenu 22:1

Kia zubha kubhita imʼiii, Nzambi u lola Mbalahamu, uixi: Mbalahamu; muene-phe uetaia, uixi: Emʼiú.

II Malunda 32:31

Maji-phe, kioso kia mu tumikisa o akunji kuala o ilamba ia akua Babilónia, mu ku mu ibhula muene o madiuanu ma bhiti na-mu mu ixi ieneʼoio, Ngana Nzambi ua mu ehelela, phala ku mu lola hanji, mbé o kuijiia ioso ia mu kexile ku muẋima uê.

II Malunda 33:12

O muene, kia mu iza o kubhindama, ua sambe kiavulu kua Jihova Nzambi iê, anga u di bhomba, u toloka muene kiavulu kua Nzambi ia jitata jê.

II Malunda 33:19

Ni musambu uê ua sambela Nzambi, ni kioso Ngana Nzambi kia mu tambuijila anga u sosoloka mu kutema kuê, ni kituxi kiê kioso ni mulonga uê, ni ididi ioso ia tungile matala anga u i kuna mixitu ni ku ta-mu iteka ia kusonga, kioso hanji sobha kiluua a toloka kua Jihova, tala ima ioso iii a i soneka mu madivulu ma akua kuzambula.

Nehemiia 9:19

eie mu nzungule ia jihenda jé, ku a ehelela mu kikangalakata. Mu muanha dituta dia kilembeketa ki dia a kambele, né o dituta dia túbhia mʼusuku, phala kuia ni ku a muikina, ni ku a edikiza jinga o njila mu endela.

Jobe 33:17

Phala muthu u mu katula ku ioso ia sola kubhanga, ni ku mu bhulula ku ima ia ku di zangeleka,

Jisálamu 103:2

Tanesa, Jihova, muẋima uami, mbote jê joso ki ji ku jimbe.

Jisálamu 106:7

Jitata jetu ka tongolola kiambote, o madiuanu mé, mʼoxi ia Egito; ka xinganeka dingi o nzungule ia jihenda jé, maji a ku kuata phata, bhu ndundu ia kalunga, xi, bhene bhu Kalunga Kakusuka.

Jisálamu 136:16

Uendesa o mundu uê mu kikangalakata; kuma kulenduka kuê ki kuene kúbhua.

Jisálamu 77:11

Ngi tanga o iphata ia bhanga jinga Jihova; ngi kuata ku madiuanu mé ma xahulu.

Jisálamu 81:7

Ki ua dikola mu lamba, nga ku kudila; nga ku itaiela mu kididi kiòsueke mu tunda o inuminu ia jinzaji; nga ku lola o muẋima bhu menha ma Medibah. (Selah.)

Makatukilu 15:25

Muene anga u dikola kua Jihova; Jihova anga u mu idikiza muẋi, o kia u te mu menha, menha mê ala kiá a fema. Bhenhobho bhene bhua a bhela o jingonge ni kijila; anga bhenhobho u a lola hanji.

Makatukilu 16:35

Anʼa Izalaiele anga a dia maná mu makuinhi auana a muvu, katé kia bhiẋila ku ixi ia tungu athu; iá a dia jinga o maná katé kieza mu jimbámbe ja ixi ia Kanana.

Makatukilu 16:4

Jihova bhenhobho anga u ambela Mozé, uixi: Talesa-ze, ngi mi nokesa mbolo i tunda mu diulu; mundu a kale mu tunda izuua ioso mu i nona bhoxi, a fikise ioso ia soko ku i dia kizuua kimoxi, ngʼa lole mba a ẋikina kuendela mu ngonge iami, mba kana.

Makatukilu 20:20

Mozé anga u ambela mundu, uixi: Kana kukala ni uoma; kuma Nzambi ueza ku mi lola, phala uoma uê u kale bhu pholo ienu, phala ki mu te ituxi.

Jisabhu 17:3

Phalata a i tunguila bhu dizunzilu, o ulu a u tunguila bhu mbèmbu; maji Jihova muene mukua kutungula o miẋima ia athu.

Izaía 2:17

O kungangamana, ni kuolama kua muthu, a kà ku tununa; ni ku di zangeleka kua makuenze, a kà ku tululula té bhoxi mu mavu; bhu kumbi diodio Jihova muene ngó, ua kà zangalala.

Jelemiia 2:6

Alembua kuila: Jihova uala kuebhi, ua tu tundisa kʼoxi ia Ijitu? Iú ua tuʼendesa mu ixi ia kisekele, ixi ia manhana ni makungu, mu ixi ia kukuta ia kitombe kia kalunga, oxi kana muthu ua kexi kubhita-mu, mua bhingi monʼa muthu ka tena kutunga-mu?

Izekiiele 20:19

Kuma eme ngi Jihova Nzambi ienu; endelenu mu jingonge jami, muende ni kualuka o mabatuiluʼami, muie ni ku a bhanga.

Amoji 2:10

Moxi ia Ijitu ue Eme-muène nga mi katula-mu; makuinhi a uana a mivu u nga mi endesa mu kikangalakata, phala o ixi ia mamodi ni ngi mi bhane-iu i mi kale ixi ienu.

Dialuilu 14:33

O anʼenu a kala abidi, a nhungana mu kikangalakatʼumu makuinhi auana a muvu, ambata kuxixima kua undumbu uenu, katé ki mua kà jila, imbi ienu ni i xalela mu kikangalakatʼumu.

Luka 18:14

Ngi mi ambela kuma, iú ua kulumuka ni muẋima uazele ku bhata diê, o mukuá, kana! Mukonda uoso u di zangula, a mu tulula; o uoso-phe u di tulula, a mu zangula.

Nzuá 2:25

Ka bhingile kuila muthu u tanga mukuâ, mbata muène uejidile kiambote ioso iala kuxinganeka muthu ni muthu.

Matendelelu 1:3

Anga kibhita kuila, o makuinhi auana a mivu kia tena, kua kambe ngó mbeji imoxi, mu kizuua kia dianga kia mbeji ia kamoxi ku kuinhi, Mozé uzuelesa anʼa Izalaiele, kala kia tumu Jihova ku a tangela.

Matendelelu 1:33

ió ua mi tuamenena mu njila ioso iii, mu ku mi kengela kididi kia kizalu bhu mu zekela; anga uenda ni kuila, o mʼusuku uendela mu kitúbhia, mbé o ku mi muikina mu njila i mua tokala o kuila, o mu muanha-phe, mu dituta kiá.

Matendelelu 13:3

polofeta ió mba ka jinzojiʼó eie ku mu ivue; kuma o Jihova Nzambi ienu, uene ku mi lola nda a mone se kidi kiene Jihova Nzambi ienu mua mu zola muene ni muxima uenu ua muvimba, ni muenhu uenu uoso.

Matendelelu 2:7

Kuma Jihova Nzambi ié ikalakalu ioso ia maku mé ua i zediuisa muene; muene ua kʼijiia kiambote kuila eie u ngenjiʼa-thumba uala kuenda mu kikangalakata kia dikotʼiki; o mu makuinhi auana a mivu oso iá, Jihova Nzambi ié ua ku bande muene, ki kuala kima kia ku kambe.

Matendelelu 29:5

Makuinhi auana a mivu u nga mi endesa mu kikangalakata; izuatu ienu ki ia kukila ku mikutu, ni jisabhatu jenu hanji bhu jasukuê ki ja kukila ku kinama.

Matendelelu 32:7

Uenda ni kulembalala jinga o izuua ia xahulu, Uxinganeka jinga o mivu ia miji ni miji ia kexile-ku iná; se kua kʼijiia, ibhula tatʼenu, muene a ku kundile-mu; se kia ku jimbi ibhula adiakimi, ene a-nda ku ku jimbuila-kiu!

Matendelelu 7:18

Kana, kua a kuatela ngó uoma, Lembalala kioso kia bhange Jihova Nzambi ié kua Falaó ni ku Ijito ioso.

Matendelelu 8:16

Muene ua ku dikila ni maná mu kikangalakata, maná ia kambele adiʼenu ku iʼjiia, phala ku mi tululula ni ku mi lola ni jingongo ja vulu mbé ku dizubhilu a mi bhange o mbote.

Tiiaku 1:3

Kuma mua kʼijiia kuila kia zubha ku mi lola o kuxikana kuenu, ki mi bhangesa dingi kukolokota.

Tiiaku 4:10

Di tolesienu bhu pholo ia Ngana, muène anga u mi zangeleka.

Tiiaku 4:6

Maji o dikuatekesu di tu bhana Nzambi phe, dia beta kota mu ujitu. Mukonda o Mikanda ia Ngana, iexi: Nzambi u zoka ni akua izala, maji oso a batama u a kuatekesa ni kiadi kiê.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.

Afundixi 2:22

a kale, nda ngi lole-nâ o muẋima ua Izalaiele, mba a xikina kukuata njila ia Jihova ni kuendela-mu, kala kia i kuatele o jitata jâ, mba kana.

Afundixi 3:4

Iá a xala, mu kulola-nâ o muẋima ua Izalaiele, phala kuijiia mba a xikina kuívua ijila ia Jihova, ioso ia bhele ku jitata jâ, mu ukunji ua Mozé.