Matendelelu 8:19 - O Mikanda Ikola

¹⁹ Maji-phe kia kà kala kiki kuila, se kua kuiza mudiangu anga ulanduka Jihova Nzambi ié, se u bhana mátui ku nzambi jengi anga uhombokela mahamba, ni ku kuata o ku ma tolokela ni ku ma bheza, leluʼidi nga tange kidi kuila mua-nda kujikinina muene.

Matendelelu 8:19 ပူးပေါင်းရင်းမြစ်များ

Jelemiia 25:6

Ki mu kaiele jinzambi ja ngene phala ku ji bhikila ni ku ji bheza, kana ue ku ngi thathamesa ni ikalakalu ia maku menu, phala ki ngi mi bhange kia ibha.

Jelemiia 7:6

Se mu kamba ku talesa hadi ku nzuá-ngiza ni monʼa difundu ni mutudi, mba kuzunza manhinga ma muthu ua kambe kikuma, bhu kididi kiki, mba ku kaiela jinzambi jengi mu ku di bhanga enuʼenu phulu,

Daniiele 9:2

Mu muvu uene uadiangʼó ua utuminu uê, eme ngi Daniiele, mu kutongolola mu madivulu, nga sange kuma mivu ia tanga Jihova, kua polofeta Jelemiia, kuma iene mivu ia tokala kukumbidila o kibuika kia Jeluzaleme; ua i xinda makuinhi sambuadi.

Amoji 3:2

Ku miji ioso mu ngongo enu ngó nga mʼijiia; mukonda dia kienʼiki imbamba ienu ia kutondala kuoso ku mu tondala, nga-nda ku i vutuila phonzo ku thandu dienu.

Sofoniia 1:18

O phalata iâ ni ulu uâ ki itena ku a kudila mu kizuua kia njinda ia Jihova; maji ku túbhia tua njinda iê ixi ioso iii ia kà jikata; mukonda, ni kidi kiene, Muene athu oso a tunga mu ngongo ua-nda ku a buikisa muʼanzanzʼumu né ngó muthu ka kà subhuka-ku.

Sofoniia 3:6

Jihova uixi: Miji ioso nga i bûba, o tuthôndo tuâ tua di leka a tu lundumuina bhoxi, mabhata mâ mua tela jinga o mauenji, ma xala ngùndu, ubhita-bhu ngó ka moneka; o jisanzala jâ jʼòmuange, ni muthu ua subhuka-mu ngó mba utunga-mu dingi ku mu mono.

Malakiia 4:4

Lembalala jinge-nu o ngonge ia Mozé selevende iami, i nga mu tendelela bhu Holebe phala akua Izalaiele oso, kuma iene o itumu ni mabatuilu.

Luka 13:3

Nga mi ambela, kana! Enu uenu se mu kamba-phe kudiela, enuʼ enu oso mua-nduʼ fua kiòmuene.

Luka 13:5

Nga mi ambela, Kana! Enu uenu se mu kamba-phe kudiela, enʼuenu oso mua-nduʼfua kiòmuene.

Matendelelu 11:16

Dimukenu-phe, muxima uenu ki u mi diangule, ni muxie njila, anga mu di kuzula mu kubheza mahamba, ni ku a fukamena;

Matendelelu 31:20

Mbata kioso ki nga-nda ku a tula mʼoxi i nga lokela jitata jâ, oxi i zunzumuka lete ni uiki, kia-nda kúdia, kia-nda kúnua, anga a neta mukonda dia jimbote ji nga-nda ku a bhana a-nda kulungulukila ku jinzambi jengi, anga a ji sedivila, a-nda ku ngi thathamesa, o kikutu kiami ki nga te-nâ a-nda ku ki bula.

Matendelelu 4:26

Eme-phe lelu ni oxi ni diulu, akale jimbangi jami; mukonda, nga tange kidi kuma, mua-nda kutukumuka mua jimi o mbutu, mʼoxiʼomo anga mu bhua-mu, anga mu ila Njolodá mua mu záuka kiua, maji oxi ki mua xialela na-iu, kuma ki mua-nda kunakina-mu; mua-nda kujikinina muene kindala.

Josuué 23:13

tumenu-phe ku kʼijiia, kuma Jihova Nzambi ienu, ka kà mi kaiesela dingi o ifuẋi iii ia mi kala ku mesu; inda ia kà mi kala kiá mubhetu, mukàla, kibetu mu jimbanji jenu, i di bhanga mukua ni mínha mu mesu enu; katé ki mu jima o mbutu, o ixi ia uabha kiki ia mi bhana Jihova Nzambi ienu, anga mu i xa muene.

I Samuuele 12:25

Se mu jijila-phe kubhanga ima ia kubhukumuka, mua kà buika, ni enʼuenu ni sobha ienu.