Matendelelu 8:14 - O Mikanda Ikola

¹⁴ kana-phe ku di zangeleka miẋima ienu, ni mu jimbe Jihova Nzambi ienu, ua mi katula kʼoxi ia Ijito, ku dibhata dia ubhika.

Matendelelu 8:14 ပူးပေါင်းရင်းမြစ်များ

II Jisobha 14:10

Ni kidi kiene, eie ua jibha akua Idomo, o muxima ué iú ua di zangeleka, mu kieneʼokio di te nzabala u xikamʼié mʼonzo ié; u di tela-hi mu divuua di ku bhekesa eie kudibhala ni Juda kumoxi?

II Jisobha 17:38

O kikutu-phe ki nga te ni enu kana ku ki jimba; kana ku kala ni uoma ua jinzambi jengi.

II Malunda 26:16

Maji Uziia-phe kia zubha kiá o ku kituka dizonda, o muẋima uê ua di zangeleka katé ki ua zangiua; anga u tondalela Jihova, Nzambi iê, mbata ua bokona muene mʼonzo ia Jihova phala kuoha uasu ua dizumba ku thandu dia kalatódio ka uasu ua dizumba.

II Malunda 32:25

Maji Ezekiia o mbote ia mu bhange ka i tambuijila kala kia tokala, mukonda o muẋima iê ua di zangeleka; anga ki bhekesa njinda ku thandu diê-muene ni ku thandu dia Juda ni Jeluzaleme.

Jisálamu 106:21

Nzambi, Mubhuludi uâ, a mu jimbi; Ió ua bhange o ima ia matunda mu Ijito;

Jisálamu 78:7

Phala a kolokote kudielela kua Nzambi, mbé ka jimbe-ku dingi ku ikalakalu ia Nzambi, ka kambe kukuata ijila iê.

Makatukilu 13:3

Mozé anga u ambela o mundu, uixi: Lembalalenu kizuuʼiki kia lelu, kizuua ki mua tundu mu Ijitu, mu dibhata dia ubhika; kuma Jihova ua mi katula-mu ni nguzu ia lukuaku luê; kana kúdia jimbolo ja felemendo, kizuua kienhiki.

Jelemiia 2:31

Enu muiji ua kime! Suuenu maka ma Jihova: mbé ki ngalʼeki nga di bhange ngi kikangalakata kiahatu kua Izalaiele? inga nga di bhange ngi mukáu ua kitombe kiedi bui? Phalahi phe mundu uami, uila: Etu tua batuka kokué; kokué ki mungu dingi tuiza-ku?

Jelemiia 2:6

Alembua kuila: Jihova uala kuebhi, ua tu tundisa kʼoxi ia Ijitu? Iú ua tuʼendesa mu ixi ia kisekele, ixi ia manhana ni makungu, mu ixi ia kukuta ia kitombe kia kalunga, oxi kana muthu ua kexi kubhita-mu, mua bhingi monʼa muthu ka tena kutunga-mu?

Jelemiia 23:27

A fika kuila mundu uami a u jimbisa dijina diami mukonda dia jinzoji jâ jala mu kuia ni ku di tangela mudiâ, kala jitata jâ ki ja jimbi dijina diami mukonda dia Bahale.

Daniiele 11:12

Mu kuila kifuẋi kiokio ua ki jimisa o mbutu, mu muẋima uê mua kʼèza izala; maji né ua jibha makuinhi a jimidi, o kutolola ka-nda kutena.

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Dialuilu 15:39

ki kale kusangunuka kua kuila ki mu tala-ku mu banza jinga o ijiia ioso ia Jihova, mu i kuata, ki mu kaiele dingi ki mi tuma o muxima uenu, mba ki mu mona ni mesu; kuma kiene ku ki kaiela kiala ku mi bhangesa undumbu.

Matendelelu 13:6

O ki ku funhisa phangʼié, monʼa mamenu, mba monʼé eʼmuène, ua diiala mba ua muhatu, mba-phe mukajiʼé ua kazola muene kiá ua tokala bhuʼhata jé, mba kamba dié ua di kata-nê kala o muenhu ué eʼmuène, anga u ku fuetela, uixi: Tuende, tu bhandulule jinzambi jengi, o jene eie kua jʼijiia, né eie né jitata jé,

Matendelelu 17:20

Kulengesa o kuila muxima uê u kala ni izala, nʼa lungulukila o jiphange jê; phala ka batuke ue ku kijila, nʼa di tele ku kadilu mba ku kiasu; mbé o izuua iê-phe ia kukala ku utuminu iende ni kuvula muene, ni muene ni anʼê muʼaxaxi ka Izalaiele.

Matendelelu 4:9

Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

Matendelelu 5:6

Eme Jihova Nzambi ié, nga ku katula mʼoxi ia Ijito, mu dibhata dia ubhika:

Matendelelu 6:11

Ni jinzo jezala ni jimbote joso; kʼeie-phe ua jʼizalesa mba ku ji funa, ni ixima iòkande kʼeie-phe ua i kande, ni milenga ia mivide ia bhingi eie ua i sange a i phaphe kiá anga eie udia ngó uikuta;

Matendelelu 8:11

Alukenu-phe, ki mu landuke Jihova Nzambi ienu, anga mu takuila o ijiia iê bhoxi, ni mabatuilu mê, ni jingonge jê ji ngala ku mi tendelela leluʼidi.

Matendelelu 8:13

o ki mu mona kuila jingombe ni jimbudi ja di sokolola, o phalata ni ulu ia di bandekeza, anga mbote jé joso ji di lunjika,

Afundixi 3:7

Anʼa Izalaiele anga a bhanga kiaiibha ku mesu a Jihova, kuma Jihova, Nzambi iâ, a mu jimbi hé a bhikila Jibaale ni iteka ia Jitalote.