Matendelelu 8:12 - O Mikanda Ikola

¹² Phala o ki mu zubha ki di dikila kiambote hé mu ikuta, ni ki mu zubha kutunga jinzo jambote, ja matunda, anga mu ji bokona muene anga mu kala momo;

Matendelelu 8:12 ပူးပေါင်းရင်းမြစ်များ

Jisabhu 30:9

Nga lengesa kuila o ki ngizala, ni jimbote ja ndumba, nga vula ku ku dituna kiá eie, hé ngiia, ngixi: O Jihova muene nanhi? O ki ngi kala ngi ngadiama ia ngadiádia, ngavula kunhana, kifua nga lebhukisa o dijina dia Nzambi.

Ndongixi 2:4

Anga ngi di iudikila ima ia matunda! Nga di-tungila jinzo; nga didimina mábhia a mivide.

Izekiiele 11:3

Ene akua kuila exi: O kithangana kia kutunga o jinzu, kiluua ki bhixila; o mbanza iii iene o ímbia, etuʼetu tu xitu.

Amoji 5:11

Kala kiki, mukonda dia kuila ngadiama mu mu diota kinama, anga mu mu jijidika ku futa lubhaku lua tiliku, mua kà tunga jinzu ja matadi osete maji ki mua kà kalamu; mua kà phapha mábhia ambote a mivide, maji vinhu iê ki mua kà i nua.

Ajeu 1:4

Kifua thembu iii phala enu kukala mu jinzu jauabha, o inzu iii ni ixale ngundu?

Luka 17:28

Kala ki kia bhitile ue mu izuua ia Lote. Athu oso a di jimbi, a-dia, a-nua, a sumba, a sumbisa, a dima, a tunga.

Matendelelu 28:47

Mbata o Jihova Nzambi ié kua mu bhikila ni vondadi, kua mu bhikila ni kisanngusangu kia muxima, kioso ki uala mu ndumba ia jimbote ja kuvudila.

Matendelelu 31:20

Mbata kioso ki nga-nda ku a tula mʼoxi i nga lokela jitata jâ, oxi i zunzumuka lete ni uiki, kia-nda kúdia, kia-nda kúnua, anga a neta mukonda dia jimbote ji nga-nda ku a bhana a-nda kulungulukila ku jinzambi jengi, anga a ji sedivila, a-nda ku ngi thathamesa, o kikutu kiami ki nga te-nâ a-nda ku ki bula.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

Matendelelu 6:10

Kioso o Jihova Nzambi ie kia ka ku tula mʼoxi ia lokela jitata jenu a Mbalahamu ni Izake ni Jakobo, o ku ku bhana eie, ua kà sanga-mu i-mabhata kʼeie ua itungu iauabha o kuuabha, ia ku tungilʼê kiá!

Matendelelu 8:13

o ki mu mona kuila jingombe ni jimbudi ja di sokolola, o phalata ni ulu ia di bandekeza, anga mbote jé joso ji di lunjika,