Matendelelu 8:10 - O Mikanda Ikola

¹⁰ Kioso ki mua kà dia hé mua kèkuta, mua kà ximana Jihova Nzambi ienu, mukonda dia ixi iambote ia mi bhana.

Matendelelu 8:10 ပူးပေါင်းရင်းမြစ်များ

I Malunda 29:14

Mukonda eme-eme nanhi, o mundu uami ue à nanhi, ni tu kale ni kutena kua ku ku bhana ni vondadi o ima ia difu kiki? Mukonda o ima ioso i tunda kokué, etu ue tua i bhana bhu lukuaku luê.

Jisálamu 103:2

Tanesa, Jihova, muẋima uami, mbote jê joso ki ji ku jimbe.

Jisabhu 3:9

Jihova mu jingise ni ima ioso i uala na-iu; mu bhane ku jisamba-tènde ja ima ioso ia kumona kué.

Izaía 5:1

Kiki kiá ngʼimbila kazola kami, o mukumbi ua hate iami, bhu kaẋi ni díbhia dia muvide uê. Kazola kami uene ni díbhia dia muvide uê, bhu kalundu ka mavu a bhana idima.

Jouele 2:26

Hé mua kà dia ima ia ndumba anga muikuta, ni mu kale mù ximana dijina dia Jihova Nzambi ienu, ua mi bhangela ima ia madiuanu kala iii; kieneʼokio mundu uami ka kà kala dingi ni sonhi.

Matesu 14:19

Muène anga u tuma mundu kuxikama bhu iangu. Hé u katula o mbolo jitanu, ni mbiji jiiadi, u tala ku diulu, u sakidila Nzambi, anga u kuata kubhasujula o jimbolo ni ku ji bhana jixibulu, ene hé a kala mu ji uanena o mundu.

Nzuá 6:23

sumbala ki kuákie kuejile jibáluku jamukuá ja tundu mu Tibeliiade, anga ji bhixila bhu kididi bha dile o jimbolo, kia zubha Ngana kusakidila

Loma 14:6

Uoso u xila o kizuua, kuma ua ki mono kia beta kota, Ngana muène a mu ẋidila-kiu. O ió udia ima ioso, ua dila Ngana, kuma ua sakidila Nzambi ua mu bhana o kudia. O ua kambe kudia ima imoxi-mu, ua ki bhangela o kubhana ujitu kua Ngana, anga u sakidila Nzambi.

I Kolindo 10:31

Uila kiki, kixi mu kudia, kixi mu kunua, mba mu kubhanga kima kiosokioso, iene ioso i kale ia kuximanesa Nzambi.

Matendelelu 31:20

Mbata kioso ki nga-nda ku a tula mʼoxi i nga lokela jitata jâ, oxi i zunzumuka lete ni uiki, kia-nda kúdia, kia-nda kúnua, anga a neta mukonda dia jimbote ji nga-nda ku a bhana a-nda kulungulukila ku jinzambi jengi, anga a ji sedivila, a-nda ku ngi thathamesa, o kikutu kiami ki nga te-nâ a-nda ku ki bula.

Matendelelu 8:9

ixi ia bhingi u dila-mu o mbolo hé i ku kuma, momo ku kalé ni ukambu ua kima; ixi ia bhingi matadi mê ma felu, o ku milundu iê kuene ku mu kanda o ngôndo.

I Tesalonika 5:18

Sakidilenu Nzambi mu ima ioso; kuma iene o vondadi ia mi kala na-iu muène, mua Kristu Jezú.