Matendelelu 7:7 - O Mikanda Ikola

⁷ Ki kuila-phe Jihova kifua ua mi sola mukonda mua uabha mba mukonda ifuẋi ioso mua i tunda mu kuvula, lémbue; kuma eiʼmuène u kasule ka ifuẋi ioso mu kutola.

Matendelelu 7:7 ပူးပေါင်းရင်းမြစ်များ

I Malunda 16:19

Ki muedi enu mua tolo hanji mu ku mi alula, mu mala ofele ngoho, mu jinzuangiza mʼoxiʼomo.

Jisálamu 105:12

Kiosuʼokio o mala a muiji uâ kʼa kidi luua; xi, a tolo muene, ala ngó jinzuángiza mʼoxi muenhomo.

Jisálamu 105:6

Enu, mu alulu a Mbalahamu, selevende iê, enu mu anʼa Jakobo, a mi sola.

Jisálamu 115:1

Etʼuetu kana, u Jihova, etʼuetu kana; eie-ku a ku tumbula o dijina ni fuma, mukonda dia henda ié ni kidi kié.

Jisálamu 44:3

Kuma ixi ka i tambula ni xibhata iâ ene, lukuaku luâ ene ki luene kua a bhana o uzonda; maji o lukuaku lué, ni nguzu ié, ni kubenha kua pholo ié, mukonda eie ua a kala ni kiadi.

Izaía 51:2

Talenu Mbalahamu, dia tatʼenu, ni Sala, ua mi vuala; kuma kia kexi ubhekʼélele uê, eme nga mu ixana, nga mu zediuisa, eme nga mu sokolola.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Izekiiele 20:5

ua ambela kuma: O Jihova Nzambi uambe kiki: Mu kizuua ki nga solele Izalaiele, nga zanguile o lukuaku luami ku luvualu lua Jakobo, eme nga di-tukuluila kua ene mu ixi ia Ijitu, hé ngi leka o lukuaku luami kua ene, ngixi: Eme Jihova Nzambi ienu.

Izekiiele 36:22

Kala kiki-phe, o dibhata dia Izalaiele tangela-diu, uixi: O Jihova Nzambi uambe kiki: Ki mukonda dienuʼenu, ki nga mu bhangela kiki, enu mu muiji ua Izalaiele, tata, maji mukonda dia dijina diami di kôla, di mua sembamesa mu kaxi ka akua jixi, mu mua di tela enu.

Matesu 7:14

O kadibhitu-phe katolo, ni kanjila kòfele, kaia ku muenhu; athu kʼa kidi a ka sanga.

Luka 12:32

Jezú uixi dingi: Ki mu kale ni uôma, kakilunga kófele! Mukonda Tata ienu kia mu uabhela muène o ku mi bhana o Ungana.

Loma 11:6

Kuma o kusola kuê kua tundu ku kiadi, ki ku tundu ku ikalakalu i bhanga athu. Mukonda se o kusola kua Nzambi, kua tundile ku ikalakalu ia athu, o kiadi kiê ki ki eji kukala kia kidi.

Loma 9:18

Uila kiki, Nzambi u lendukila uoso ua mu andala, o ka mu andala u mu kolesa o muẋima.

Loma 9:21

Manhi o mumbiʼó kala ni kidi kiê, kia kuata utuma ni kubhanga kioso kiandala? Muene mu mbumbi imoxi u katula-mu kitutu kimoxi kia beta ujitu, ni kitutu kiamukuá kioso-kioso.

Matendelelu 1:10

Jihova Nzambi ienu ua mi sokolola kiá; xinganekenu kuma leluʼidi mua vulu kiá, muedi kiá kala mu jithéthembua bhulu.

Matendelelu 10:22

Jitata jenu kia kulumukine mu Ijito akexi ngó makuinhi sambuadi a muthu; o kiki-phe Jihova Nzambi ienu ua mi sokolola, kala mu jithéthembua ja diulu, mu kuvula.

Matendelelu 14:2

Mbata eie u kifuẋi kiangene kia Jihova Nzambi ienu; o Jihova phe ua mi tungula ku ifuẋi ioso ia dizale bhoxiʼabha, phala mu mu kale mu mundu uê ua mu tokala.

Matendelelu 4:37

Mukonda muene ua zola adié, iu ua sola o mbutu iâ, iú ua i tungula kioso ene kia zubha kúfua, muene ua ku katula eie mʼoxi ia Ijito ni undanda ua nguzu iê.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

I Nzuá 4:10

Muenhumu mua kala o henda, mu kuila: Etu ki etu tua zola Nzambi, maji muène-ku ua tu zola, iú ua tumikisa Monʼê mu kukala kiluuluilu kia ku tu lolokesa o ituxi ietu.