Matendelelu 7:25 - O Mikanda Ikola

²⁵ Iteka iâ ia kusonga, ia jinzambi jâ mu i ta mu túbhia; ni phalata ni ulu uoso ua zunzila ku iteka ioio ki i mi kuate luimbi, ki mu i katule ni i mi bhekele kidibukanu ki mi jikinisa; mukonda ima ienhoio kua Jihova Nzambi ienu ufusa!

Matendelelu 7:25 ပူးပေါင်းရင်းမြစ်များ

II Jisobha 23:14

Jipholela joso ue ua ji bula-bula kiòmuene, o mixitu ua i kokela bhoxi, bhu kididi kiê iu uezalesa-bhu ni ifuba ia athu.

I Malunda 14:12

Bhenhobho bhene bhua xisa jifilisteu o jinzambi ja iteka iâ; Davidi anga utuma ku i oha mu túbhia.

Makatukilu 20:17

Kana kukala ni luimbi lua inzo ia mukuenu, kana kukala ni luimbi lua muhatu a mukuenu, né mukalakadi uê ua diiala mba ua muhatu, né ngombe iê mba bulu iê, né kima kioso-kioso kiangene kia mukuenu.

Makatukilu 32:20

Anga u kuata ndumbe ia ngombe ia iudika, u i oha mu túbhia, u i huha ni matadi, o fufutila ié u i kuua mu menha, anʼa Izalaiele anga u a nuisa menha enhó.

Makatukilu 8:26

Mozé-phe, uixi: Ki kiene kia tokala kubhanga; kuma jisata jetu ji tu satela Jihova, Nzambi ietu, kisunji ku akua Ijitu; kifua ku sata kisunji bhu mesu ma akua Ijitu, ene ka-nda ku tu bûba ni matadi?

Izaía 30:22

Divunga dia iteka ié ia phalata, dianda ku ku iibhila kiá, o divunga dia iteka ié ia ulu ua kuzunza, eie ua-nda ku di kita dixidilu; ua-nda ku di texe kala ditele, ua-nda ku i tangela mu kimoxi-kimoxi, kuila: Tu-nda bhabha.

Izaía 41:24

Talesenu-phe, enu ki mualʼokio, ki mu kima, kana; o kikalakalu kienu, kingoho kialʼé kota; uoso u mi sola enu, u diuana kisunji.

Ijila 13:52

kizuatu kiókio, mba o jidinhʼojo jóleke, mba thanga ia kindemba kia mbudi, mba ia linho, mba ufunu ua iibha jikatesenu-iu mu túbhia, mbata dibhute dia kajeja dia I kuata; iene ioso mu ioha, mukonda kúbhua kuê túbhia.

Ijila 19:4

Kana kulunga jipholo jenu ku mahamba, kana ku di ludikila jinzambi ja utadi ua kuzunza. Kuma Eme-eme ngi Jihova, Nzambi ienu.

Sofoniia 1:3

Nga kà jikinisa muene ni athu ni iama, nga kà jima jinjila ji bhita bhulu ni jimbiji mu kalunga, nga kà jimunaku o idibhukanu ioso kumoxi ni iá abhukumuka; Jihova uixi: Nga kà muanga athu oso, kulu dia mundu anga abhua-ku.

Matendelelu 12:3

misônga iâ mu i lundumuna bhoxi, iteka iâ ia kusonga mu i bula-bula, o mixitu iâ (iene mu bhezela) mu i ta mu túbhia, nzambi jâ joso mu ji sengulula muene, o dijina diâ mu di jima muene anga moxiʼomo dibhua-mu.

Matendelelu 13:16

Anga mu bhongolola o umonhi uoso u mua sange-mu anga mu u tula mu kaẋi ka dikanga; anga mu ila ni sanzala iene ni umvuama uê uoso mu u ximika mu túbhia, ki ku subhuka kima. Sanzalʼoio ikala kiá ngoho dixita di nangenena, ki bhuà kala dingi, muthu utunga-mu.

Matendelelu 17:1

Kana kusatela Jihova Nzambi ié ngombe mba kibhaku kioso kiofele, se kiala ni kisemu mba unema uoso-uoso; kienhókio Jihova Nzambi ié kia mu iibhila.

Matendelelu 23:18

Kioso ki uiza mu kumbidila hasa ié mʼonzo ia Jihova Nzambi ié, kana kubheka-mu kitadi kia lumbula kidianzunga mu uuaia, mba suilu iatundu ku uenji ua imbua i ua sumbisa. Mbata ima iiadi ienhiʼii Jihova Nzambi ié ua di zemba na-iu, kuma ufusa.

Matendelelu 27:15

Lamba dia ió uoso u iudika kiteka, kia kusonga, mba kia kuzunza, kia di zemba na-kiu Jihova, ufunu ua hete, anga u ki tula bhu hota mu kasuekele. Mundu uoso-phe a kà tambuijila ni kuila: Amén!

Matendelelu 7:16

Ifuẋi ioso i mi seiela Jihova Nzambi ienu, enu mu i jikinisa muene; ki mua kuatela henda, kana; o mahámba mâ ki mua a bheze, kuma kienhókio ki di bhanga mubhetu phalʼenu.

Matendelelu 7:5

Inda mu a bhanga kiki: Kalatódio jâ mu ji bula-bula, jiphonena jâ mu ji bukujula, o mixitu iâ ikôla mu i koka, o iteka iâ ia kusonga mu i oha mu túbhia.

Josuué 7:1

Anʼa Izalaiele-phe anga a tondala mu somboka kijila kia ima iókidike; kuma Akane, monʼa Kami, monʼa Zabedi, monʼa Zelahe, mukua muiji ua Juda, ku ima ia kidika ua katula-ku; njinda ia Jihova anga i uama ku thandu dia anʼa Izalaiele.

Josuué 7:21

kioso ki nga mono ku madibongela kapote ka Babilónha ka uabha kiavulu, ni hama jiiadi ja xikuli ja phalata, ni mutàdi ua ulu u pezala makuinhi atanu a xikulu, luimbi lua ngi kuata, eme nga i katula iene ioso nga i kandeia bhoxi, eme nga i sueka mu balaka iami, ni kitadi kiene-ze kí bhobho.

Dijingunuinu 17:5

O bhu dibhomo diê bhuòsoneke dijina, o dijimbuluilu diê dia kasuèkele, exi: Babilónia ia dikota, mama u vuala idianzunga ioso ni oso a bhanga isunji mu ngongo.