Matendelelu 7:2 - O Mikanda Ikola

² Anga Jihova Nzambi ié u ku bhakuila-u phala ku a jibha, eie-phe buikisa-u muene, ene oso; kana kuta-nâ kikutu kia ukamba, kana ue ku a kuatela henda;

Matendelelu 7:2 ပူးပေါင်းရင်းမြစ်များ

Dimatekenu 14:20

A tane-ku ue, Nzambi Suke-ku, ua ku thelekala jinguma jé bhu maku mé. Anga u mu bhakuila o dijimu ku imbamba ioso iambata.

II Samuuele 21:2

Muenexi anga u ixana akua Ngibiione, u a zuelesa. Akua Ngibiione-phe ka tokala mu anʼa Izalaiele, mukonda mbutu ia xala ku akua Mamodi. Anʼa Izalaiele a banga-nene-nâ ni ku a lokela kuila ka-nda ku a jibha. Saulo-phe u sota ku a buidisa mukonda dia kusuína kuê mu zokela anʼa Izalaiele ni Juda.

I Jisobha 20:34

Bene-hadade hé u zuela, uixi: Ngi ku vutuila o jisanzala tatʼetu ja tambuile kua tatʼenu, eie anga u bhanga ikoka ié mu Damasku, kala tatʼetu kia i bhangele mu Samádia. Anga Akabe u mu vutuila, uixi: Ki tua bhange kiá o kikutu kiki, ngi kueha kia nda uié. Anga Akabe u bhanga-nê o kikutu kia ukamba, anga u mueha kuiê.

Ejidala 10:3

Kindala-phe muene, tu ta kikutu ni Nzambi ietu, kuila, ahatu oso tu a senga, ni kioso kiòvuale kua ene kala kiambe kaiula ka Jihova, ni ka iá a kuata uoma ua ngonge ia Nzambi ietu, tu bhange kala kiambe o kitumu.

Jisálamu 106:34

Mu kuiza-ku ue, o matumbu ka a buidisa, kala kia a tumine Jihova;

Makatukilu 22:20

Uoso u satela nzambi iengi, ki kua Jihova, kana, ió muthu ua ku mu jibha muene.

Dialuilu 21:2

Izalaiele anga a di hambelela kua Jihova, exi: Se kidi muene u ngi bhana kifuẋi kienhiki bhu maku mami, jimbonge jâ ngi ji buidisa muene.

Dialuilu 31:17

Kala kiki jibhenu ana oso a mala, ni ahatu oso ejiia kiá mala mu kuzeka-nâ.

Dialuilu 33:52

akua-xi momo, mua kà a kaiesa oso bhu pholo ienu, iteka iâ ia matadi mu i bula, iteka iâ ia utadi uóuiẋike mu i bhuisa-bhu, matala mâ ma mahamba mu a sengulula;

Matendelelu 13:8

ditune, kana ku di xikanesa-nê; Kana ku mu ivua; muenhó diesu dié ki di mu kuatele henda mba u mu kondejeka; Kana ue ku mu sueka.

Matendelelu 13:9

Kale u mu jibha muene; eie-muène udianga ku mu ila lukuaku ẋaba, phala ku mu jibha; mundu uoso anga a mu lundama kiua.

Matendelelu 19:13

Kana ku mu kuatela henda; bhanga-kiu muene, kífua ua bhuisa o mulonga ua manhinga ma muthu kala ni kikuma muʼaxaxe ka Izalaiele, nda u tunge u some.

Matendelelu 2:33

O jihova Nzambi ietu bhenhobho hé u tu thelekala-nê, anga tu mu totola ni muene anʼê ni mundu uê uoso.

Matendelelu 2:34

Mu izuua ienhoio, anga tu mu bua o madiembu moso, mabhata mê moso tua ma buikisa, ni mala ni ahatu, ni tuana; ki tua xisa-bhu, né ngó muthu umoxi.

Matendelelu 23:14

Mbata o Jihova Nzambi ié ua-lu nhungina muʼaxaxi ka kibangu kié, phala ku ku kudila, ni ku ku bhakuila o jinguma jé; kibhinga-phe o kibangu kiê kizela; phala ka ku mone ni kima kia ufusa, hé u ku ta dikunda.

Matendelelu 25:12

Muhatu ió mu mu batula o lukuaku; kana ku mu kuatela henda.

Matendelelu 3:3

Jihova Nzambi ietu anga u tu bhana Hoke, sobha ia Basane, ni mundu uê uoso ua tu bhakuila-nê bhu makuʼetu, anga tu mu kuama muene katé ki tua mu jimi mbutu, né ngó muthu umoxi ka mu subhuka-ku.

Matendelelu 31:5

Kioso-phe Jihova kia mi bhana-nâ, ku pholo ienu, mua tokala-phe mua bhanga kala kiambe o ngonge ioso i nga mi tendelela.

Matendelelu 33:27

Nzambi kene mbambe, akale muene o disuamu dié. Bhoxi dié, maku manangenena, ma ku fikidile. Muene a kà kaie Nguma ku pholo ié, nda a ku bhue ku mesu, Muene uila: A buikise muene!

Matendelelu 7:16

Ifuẋi ioso i mi seiela Jihova Nzambi ienu, enu mu i jikinisa muene; ki mua kuatela henda, kana; o mahámba mâ ki mua a bheze, kuma kienhókio ki di bhanga mubhetu phalʼenu.

Matendelelu 9:3

Tumenu-phe ku kʼijiia, kuma lelu muene, Jihova Nzambi ienu, ua kà mi tuamenena ku pholo; muene-phe ua di bhanga túbhia tua muzukuta tu buikisa, ua-nda ku a tolola, enu anga mu a tundisa lusolo ni ku a jima o mbutu kala kia zuela Jihova.

Josuué 10:28

Mu kizuua kienhókio Josuué u tolola Makeda, oso ala-mu u a bhitisa ku mazu a xibhata; sobha ua mu jimisa mbutu, ni muene ni mienhu ioso iakexi-mu; ka xisa-mu kama ka subhuka; o sobha ia Makeda ua mu bhange kala kia bhangele sobha ia Jedikó.

Josuué 10:30

Jihova u mu bhakula ue bhu lukuaku lua Izalaiele, ni diembu ni sobha iê, iu ua mu bhitisa ku mazu a xibhata ni atu oso a kexi-mu; ka xisa-ku kama ka subhuka; o sobha iê ua mu bhange kala kia bhange sobha ia Jedikó.

Josuué 10:32

Jihova anga u bhakula Lakiji bhu lukuaku lua Izalaiele, ki kúkia iú bhu maku, anga, u mu bhitisa kiá ku mazu a mukuale ni muene ni athu oso a kexi-mu; kioso kia bhange mu Libina kiene ue kia mu bhange.

Josuué 10:40

Kala kiki, Josuué oxi iosuʼoio ua i tolola ni mu milundu, ni oxi ioso ia sulu, ni mu iphenza, ni mu jihonga ja menha, ni jisobha jê, buí; ka xisa-ku kima ki subhuka ni muenhu; inda ima ioso ibhuima ua i jikinisa muene, kala kia mu tumu Jihova Nzambi ia Izalaiele.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Josuué 11:8

Jihova anga ua a bhakula bhu lukuaku lua Izalaiele, anga a a kuama muene, aia ni ku a bhesa lusolo katé ku Sidone iònene, ni ku Mijilefote-maine anga a somboluela mu dikôlo dia Mispa, ku mbandu ia thunda. Anga a a jibha-jibha muene katé abhu, ki bhua subhuka muthu.

Josuué 2:14

Mala anga a mu vutuila, exi: Mienhu ietu iene i futa o mienhu ienu, hé muafu, kikale-phe u di xibha na-kiu, kioso kia tu bheka ku ki tange ku muthu. Hinu-phe kuila Jihova ua tu bhana kiá ixi ii, eie tu ku bhanga kiambote ni kidi.

Josuué 21:44

Jihova anga u a bhana o kunhoha, kala kioso kia lokelele ko jitata jâ; mukonda ku jinguma jâ joso ki kua subhuka muthu ua tena kuimana bhu pholo ia ene; Jihova ua a bhana jinguma jâ joso muene bhu maku mi

Josuué 8:24

O kiedi akua Izalaiele a zubha kiá kujibha akua Hai oso ala ku mukáu, ni iá a lengela mu kikangalakata aia ni ku a kaia, katé ene oso a a buidisa muene ku mazu a xibhata, buí; Izalaiele ioso a vutuka mu mbonge ia Hai, oso ala-mu a a buidisa ue ku mazu a xibhata.

Josuué 9:24

Ene-phe a kumbulula Josuué, exi: Etu, o kia tu bhangesa kiki, uoma ua kúfua, mbata kutanga o kidi, tuevu a tu kundu-kiu muene kuma o Jihova Nzambi ié ua tangela Mozé, selevende iê, kuila oxi ioso iii hinu u mi bhana-iu enu, o mundu uoso ua tunga-mu u u jikinisa; tuexi-phe, etu tuafu-ó.

Josuué 9:7

Mala a Izalaiele anga a kumbulula o Mahivi, exi: Sumba-phe mua tungu muʼaxaxi ketu; tuta kiebhi dingi kikutu nʼenu?

Afundixi 1:24

Ala mu londa anga a mona muthu iú tunda mu mbonge, anga a mu ambela, exi: Tua ku diondo, tu idikize bhuoso bhu tu bokuena mu mbonge, eie tu ku bhange mbote.

Afundixi 1:4

Juda anga u banda; Jihova anga u bhakula Makanana ni Mapelezi bhu lukuaku luâ; anga a beta-ku mu Bezeke, kuinhi dia midi dia muthu.

Afundixi 2:2

Enu-phe uenu, kana kuta kikutu ni akuaʼxi ienhiʼii, kalatódio jâ mu ji bula. Enu-phe ki mua ngʼivu dízui diami; mua ki bhangela-hi kienhiki?