Matendelelu 7:17 - O Mikanda Ikola

¹⁷ Eie-phe, Izalaiele, o ki uila ma muxima ué uixi: O ifuẋi iii ia ngi tunda kiki mu kuvula, nga-nda ku i kaia kiebhi?

Matendelelu 7:17 ပူးပေါင်းရင်းမြစ်များ

Izaía 14:13

Eie uambele mu muẋima ué, uixi: Nga-nda kubanda katé mu diulu, kiandu kiami ngi ki tudika kulu dia jithéthembua ja Nzambi, nga kà xikama muene ku mulundu ua kionge, ngi kexila ku mbandu ia suku.

Izaía 47:8

Kiki-phe, ivua-kiu, eie ua kodiua ni ima ia uabha, ua tunga ua soma, eie uene mu kuila mu muẋima ué, uixi: Eme-muène ngó, kana-ku ua soko ni eme; ki nga-nda ku kala ngi mutudi, ki nga-nda kuijiia ue dilamba dia kufunda ana.

Izaía 49:21

Eie-phe ua-nda kuila ni muẋima ué, uixi: O kiki, ana enhá mukuahi ua ngi vualela-u? eme nga kexile sé ana, uhukunhi uvula; ngele ku ubhika, eme nga tundu-ku; o iá-phe mukuahi ua ngi sasela-nâ? Talesa, ua kʼèla: eme nga subhukile ubheka; o iá-phe a kexe kuebhi?

Jelemiia 13:22

Kioso-phe ki ua kèla mu muẋima ué: Mukonda diahi, ima ienhiʼii ia ngiza? Mukonda dia nzungule ia ikuma ié kiene kia bhangesa o ku ku zakula o izuatu ié ia moxi, ni tusende tué tu tuala kutala hadi iavulu.

Dialuilu 13:32

Ixi iele mu kulonda, a kuata ku i bha fuma iaiibha ku anʼa Izalaiele, exi: Ixi i tuele kulonda ixi iaiibha, iala mu kúdia mienhu ia athu a tungu momo; akuaʼxi momo akua kitala kialebha.

Dialuilu 21:34

Jihova anga u ambela Mozé, uixi: Ku mu kale ni uoma, kuma nga mu bhana bhu maku mé, ni mundu uê uoso, ni ixi iê; u mu bhanga kala ki ua bhange Sihone, sobha ia Mamodi, ni mbanza iê ia Hexebone.

Dialuilu 33:53

ixi mu i bua muene, mu tunge momo; kuma eme muene nga mi bhana-iu ku i vua.

Luka 9:47

Jezú-phe, kia mono o kudiodia kuâ, u kuata kamona ka ndenge, anga u ka bhaka bhu mbandu iê.

Matendelelu 1:28

Tuia dingi kuebhi? Phange jetu ene a tu botomokesa o miẋima, exi: Athu ala koko a makota kulebha kuvula etu ndenge, a tu tundu; o jimbonge ue ja makota, imbaka iâ ia tuta muene ku maúlu. Exi dingi: Tua mono-ko ue o anʼa Anake, o mazonda.

Matendelelu 15:9

Aluka-phe, kuehele Kadiaphemba ku ku fuetela mu muxima ué, kuamba: O muvu ua kasambuadi, ua ufuôlo, iú zukama; anga diesu dié di kitukila phangʼié uala ngadiama, uixi ki ngi mu bhana kima, kuma kiendelela; o muene-phe na di tende kua Jihova, eie-phe momué mua-nda kukala kituxi.

Matendelelu 18:21

O ki uzuela mu muxima ué, uixi: Tu kʼijiia kiebhi kuila o kizuelu kiki ki kia tundu kua Jihova?

Matendelelu 8:17

Sumba muà kela mu miẋima ienu muixi: Mu nguzu ietu ni kusuina kua maku metu, muene mu ejiia o umvuama uoso uenhú.

Josuué 23:3

Enu-phe mua di muena kiá o ima ioso-lolo Jihova Nzambi ienu ia bhange ku ifuẋi iii, mu ku mi banda enu; mbata Jihova Nzambi ienu, muene ua mi luila o ita.