Matendelelu 7:16 - O Mikanda Ikola

¹⁶ Ifuẋi ioso i mi seiela Jihova Nzambi ienu, enu mu i jikinisa muene; ki mua kuatela henda, kana; o mahámba mâ ki mua a bheze, kuma kienhókio ki di bhanga mubhetu phalʼenu.

Matendelelu 7:16 ပူးပေါင်းရင်းမြစ်များ

Jisálamu 106:34

Mu kuiza-ku ue, o matumbu ka a buidisa, kala kia a tumine Jihova;

Jisálamu 106:36

A bheza o iteka iâ, ia di bhange mubhetu, anga a fua mu múkala uâ.

Makatukilu 23:33

Ka tunge dingi mʼoxi ienu, phala ka mi tese ituxi kokuami; kuma se mu bheza jinzambi jâ, mu fua muene mu múkala.

Jelemiia 21:7

O ki ki zubha kubhita, eme Jihova, ngiia Zedekiia, sobha ia Juda, ni jiselevende jê, ni mundu, oso a subhuka mu mbongeʼumu ku dibhebhu, ni ku xibhata ni ku nzala, nga a bhakula bhu lukuaku lua Nabukodonozolo, sobha ia Babilonha ni bhu lukuaku lua jinguma jâ, ni bhu lukuaku lua ió oso a mu sota o muenhu uâ; muene ua-nda ku a leleka ku mazu a xibhata; ka-nda ku a fikixila, né ngó ku a lendukila, mba kuila u a kuatela henda.

Dialuilu 33:55

Maji akua-xi-phe, ki mu fula o ku a kaiesa, ku pholo ku muia, oso mua ehela-mu, a kà di bhanga kala minha mu mesu enu, jisongo mu jimbanji, à kʼenda ni ku mi tatesa, mʼoxi i mua tungu.

I Kolindo 15:33

Kana kudinganala! O ku di lunga ni athu aiibha, ku bolesa o ifua iambote.

Matendelelu 13:8

ditune, kana ku di xikanesa-nê; Kana ku mu ivua; muenhó diesu dié ki di mu kuatele henda mba u mu kondejeka; Kana ue ku mu sueka.

Matendelelu 13:9

Kale u mu jibha muene; eie-muène udianga ku mu ila lukuaku ẋaba, phala ku mu jibha; mundu uoso anga a mu lundama kiua.

Matendelelu 19:13

Kana ku mu kuatela henda; bhanga-kiu muene, kífua ua bhuisa o mulonga ua manhinga ma muthu kala ni kikuma muʼaxaxe ka Izalaiele, nda u tunge u some.

Matendelelu 19:21

Kana ku mu kuatela henda; ki kala muene muenhu mu muenhu, diesu mu diesu, diju mu diju, lukuaku mu lukuaku, kinama mu kinama.

Matendelelu 25:12

Muhatu ió mu mu batula o lukuaku; kana ku mu kuatela henda.

Matendelelu 7:2

Anga Jihova Nzambi ié u ku bhakuila-u phala ku a jibha, eie-phe buikisa-u muene, ene oso; kana kuta-nâ kikutu kia ukamba, kana ue ku a kuatela henda;

Matendelelu 7:25

Iteka iâ ia kusonga, ia jinzambi jâ mu i ta mu túbhia; ni phalata ni ulu uoso ua zunzila ku iteka ioio ki i mi kuate luimbi, ki mu i katule ni i mi bhekele kidibukanu ki mi jikinisa; mukonda ima ienhoio kua Jihova Nzambi ienu ufusa!

Josuué 11:20

Mukonda kia tundile kua Jihova kuene, o ku a kolesa muẋima, mbé a solomoke mu kauidila Izalaiele ni mvunda; ia a di bhange-kiu, oso muene buí, sé ngó dingi ku a kuatela henda; mbé o ku a jima mbutu ene oso, kala kia ki tendelela Jihova kua Mozé.

Afundixi 2:12

Jihova, Nzambi ia jitata jâ, ua a katula mʼoxi ia Ijitu, a mu xi; a kaiela jinzambi jengi, o jinzambi ja mundu uamukuá ua a kala mu jimbandu, a kala mu ji fukamena; Jihova anga a mu thathamesa.

Afundixi 2:3

Mukonda dia kiki, eme uami ngambe kuma: Nguami dingi ku a kaia bhu pholo ienu; a xale muene kienhokio, a kale mínha mu jimbanji jenu, jinzambi jâ ji mi kale mubhetu ua ku mi kuata.

Afundixi 3:6

anga a bhenga anʼâ a ahatu mu kala ahatuʼâ, a bhana ue anʼâ a ahatu kua anʼâ-êne a mala, hé a bhikila o jinzambi jâ.

Afundixi 8:27

Ngidiione anga u iudika na-u efodi, u kala na-iu bhu bhata diê, bhu Ofila; Izalaiele ioso anga i sendukila bhu bhata diê bhenhobho; anga ki di bhanga kutondala kua Ngidiione, ni kua dibhata diê.