Matendelelu 7:15 - O Mikanda Ikola

¹⁵ O Jihova u ku saka anga uilukila-ku kiá muene, kuma u kuebhesa ku ma-uhaxi moso; ka ku ehela ku kata uhaxi u difangana ni ma-uhaxi ma akua Ijito, u uejiiʼó; inda ma-uhaxiʼomo ua-nda ku ma tuika oso a ku zembe.

Matendelelu 7:15 ပူးပေါင်းရင်းမြစ်များ

Jisálamu 91:10

Ku fike kuma u takana ni uíndua, ki bhuiza diẋika bhu bhata dié.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 23:25

Enu-phe mua kà bhikila ngoho Jihova Nzambi ienu, o muene-phe anga u ta o kizediuise kiê ku mbolo ienu, ni ku menha enu; o mahaxi muʼaxaxe kenu ngi a katula-mu.

Makatukilu 9:11

Anga o imbanda ia akua Ijitu a lémbua kuimana bhu pholo ia Mozé, mukonda dia maveve; kuma a fuluka ni ku imbanda ni ku akua Ijito oso.

Matendelelu 28:27

Jihova u ku tatesa ni mikôngo ia tokala akua Ijito; anga ku di ta matute ni jihana ni madiazela, ma ku kuatela ku mataku, anga uila o saké, lémbua.

Matendelelu 28:60

Jihova ua kà bhangesa kuila o kikote kioso ni mauhaxi oso a ku kuatele uomʼô, a bhiti na-u akua Ijito, a kà ku vutukila eie, hé a ku naminina muene, anga u di bonga na-u.

Matendelelu 30:7

O Jihova Nzambi ié ua-nda kulundulula o mázui mosoʼama ku thandu dia jinguma jé-eie, ni ku thandu dia oso a ku kuatela luma, oso muene ene ku ku zudidika.