Matendelelu 7:13 - O Mikanda Ikola

¹³ Muene ua-nda ku ku zola, ua-nda ku ku zediuisa, anga u ku sokolola, katé ni mbutu i tunda mu divumu dié u i bhana ue kuzediua, katé ni mbutu mʼóbhia dié u i ta ue dibesá; ni masa mé ni muvide ni máji mé ni ibhaku ié ia jingombe, ni ilunga ié ia hombo ni mbudi i u kala na-iu mʼoxi ia lokela Jihova kubhana ku jitata jenu.

Matendelelu 7:13 ပူးပေါင်းရင်းမြစ်များ

Nehemiia 9:32

O kiki-phe, eie u Nzambi ietu, eie u Nzambi Ionéne, Nzambi ia kutena, u kuatesa uoma, u bhaka o kikutu ni ufiiele uoso, hé ujiza ni kubhanga o mbote, kumone kutola o dilamba dioso lelu dia tu kuata etu, ni jisobha jetu, ni ilamba ietu, ni jinganga jetu, ni misesedi, ni jitata jetu, ni kifuxi kié kioso, tunde mu izuua ia jisobha ja Asídia, katé mu kizuua kia lelu.

Jobe 1:10

Manhi eie ku mu izalesa ni jimbote, ni muene ni dibhata diê dioso ni ioso iala na-iu? O kikalakalu kia maku mê eie ua ki zediuisa, o ibhaku iê ia sokoloka mu ngongo.

Jobe 42:12

Kienhiki, Ngana ua beta kuzediuisa kikexilu kia Jobe kia sukidila, o kia dianga ndenge; mukonda ua kexile ni kuinhi dia midi ni kiuana ia jimbudi, ni midi jisamanu ja jikamelu, ni midi ia makaza a jingombe, ni midi ia jibulu ja akaji.

Jisálamu 1:3

Muthu ió u kala mukuâ ni muxi uòphaphe bhu mbanduʼa honga ia menha, uenda ni kulukula jinga ibundu bhu thembu iê, o difue diê ki di lela ni di laúka; o kioso kia bhanga, ki tunda ni kubhanduluka.

Jisálamu 107:38

Ku dibesá diê, a di sokolola muene kiavulu; o ibhaku iâ, ki i tebhunuka, lémbue!

Jisálamu 11:7

Kuma Jihova uaiuka, uinda ioso i kala ia kuiuka; oso emana miẋima nzanza, ene ngó a kà monà pholo iê.

Jisálamu 127:3

Iala-ze! O ana, uene undundu u tunda kua Jihova; o ibundu ia divumu ue, muene u ku bhana-iu, kuma jene o jihuuilu.

Jisálamu 146:8

Jihova u jikula o mesu a ifofo; Jihova u bhetula ió a zeka bhoxi; Jihova u zola ió aiuka.

Makatukilu 23:25

Enu-phe mua kà bhikila ngoho Jihova Nzambi ienu, o muene-phe anga u ta o kizediuise kiê ku mbolo ienu, ni ku menha enu; o mahaxi muʼaxaxe kenu ngi a katula-mu.

Jisabhu 10:22

Dibesá dia Ngana diene di muesa jimbongo; o umvuama u tunda kua muene ki u bheka dilamba.

Jisabhu 15:9

Njila ia muthu uabhumu, kua Jihova kisunji; maji muene-phe ua diuabhela ni uoso u kaiela o kuiuka.

Ijila 26:9

Enu-phe ngi mi sakukila muene kuma mesu ami ngi a ta kokuenu, anga ngi mi bhana o ku di vuala, hé ngi mi sokolola muene, anga ngi kolesa o kikutu kiami nʼenu.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Nzuá 14:21

Uoso ua kuata o ijila iami, anga u i aiuka, muène muthu ua ngi zola. Uoso-phe ua ngi zola, Tata iami u mu zola, eme ngi mu zola, ngi di tukulula kua mùene.

Nzuá 15:10

Se mu aiuka o ijila iami, mua-ndu xala ue mu henda iami, kala eme ki ngʼ aiuka o ijila ia Tata iami, eme nga xala mu henda iê.

Nzuá 16:27

Mbata Tata muène ua mi zola, mukonda enu mua ngi zola eme, enu mua ngi xikana kuma eme nga tundu kua Tata.

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 13:17

Enu-phe lukuaku luenu kana dingi kukuata kima kia ufusa ku imbamba ia tokala mu sanzalʼoio mbé ki mu nomone-mu kama, phala njinda ia Jihova isosoloke, nda a ku lendukile nʼa tene ku ku kuatela henda, phala a ku sokolole kala kia lokela o jitata jenu,

Matendelelu 28:1

Eie-phe se uaẋikina kuívua ni muanu uoso o dízui dia Jihova Nzambi ié, anga o jingonge jê joso ji ngala ku ku tendelela lelu, u ji ta muxima, anga u ji kumbidila muene, Jihova Nzambi ié ua-nda ku ku zangeleka, anga ifuẋi ioso mu ngongo i kala ndenge.

Matendelelu 28:11

O jimbote Jihova ua-nda ku ku vudixila-ju kiá, akuenu oso ndenge; u ku bhana-ju ku ibundu ia divumu dié, u ku bhana-ju ku ibundu itunda mu ibhaku ié, u ku bhana-ju ku ibundu ia mavu aʼxi ié, mʼoxi ia lokela Jihova ku i bhana ku jitata jenu.

Matendelelu 30:5

anga Jihova Nzambi ié u ku bheka mʼoxi ia vuile kiá kuala o jitata jé, anga eie ue u ivua; hé u ku bhandulula kiasoko, eie ubeta kusokoloka, o kia sokoluele o jitata jé, ndenge.

Matendelelu 7:7

Ki kuila-phe Jihova kifua ua mi sola mukonda mua uabha mba mukonda ifuẋi ioso mua i tunda mu kuvula, lémbue; kuma eiʼmuène u kasule ka ifuẋi ioso mu kutola.