Matendelelu 7:10 - O Mikanda Ikola

¹⁰ Muene ue mukua kubhana futu pholo ni pholo kua ió oso a mu zemba, anga u a bhangesa kujimuka muene nzaká! Ió uoso uzemba Nzambi, muene ue ulenguluka ku mu bhana futu iê; ka muehela, kana.

Matendelelu 7:10 ပူးပေါင်းရင်းမြစ်များ

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Makatukilu 34:7

Jihenda jê ji nangenena ku jimidi ja miji, hé u loloka o kubhukumuka, ni kuxibhaka, ni ituxi, maji ka ẋikina-phe kueha muedi ni ku mu ila ualungu, o kubhukumuka kua jitata, ku bhiẋika kuxixima ku ana ni alaula, katé ku muiji ua katatu ni ua kauana.

Jisabhu 11:31

Se muthu uaiuka u mona phaxi ni lamba mu ngongo, kuambe dingi o mukua-phulu ni mukua-ituxi.

Izaía 59:18

Kioso kia tokala mu ikalakalu iâ, kiene kia kà a vutuila muene, … ulundulula ngânji kua iá a mu kuatela luma, u bhana futu ku jinguma jê; o ikolo ua kà i bhana ue o futu iâ.

Jelemiia 32:18

Eie jihenda jé uene muji kuatela jimidi ja vulu, anga u vutuila phonzo ia jitata bhu nzemba ia anʼâ anda ku a bhingana ene; Kutende! Nzambi ia kutena! Ua bhingi dijina diê muene Jihova dia Ilombo Ieta.

Nahumu 1:2

O Ngana, uene Nzambi ia difuba, mukua kuvutula phonzo; o Ngana u kaxtikala, uezala ni njinda; O Ngana u vutula phonzo ku oso a mu kuatela luma; o jinguma jê u a bhakela njinda ka a kuatela henda.

Dialuilu 10:35

Kioso-phe ki katuka álaka, Mozé u zuela, uixi: Zanguka, u Jihova, jinguma jé, u ji muanganese; oso a ku zembe ua bhese lusolo.

Dialuilu 14:18

Jihova u kokoloka ku njinda, u vudila henda, u loloka ikuma ni itondalu; ka ẋikina-phe kueha muedi, ikuma ia jitata i bhiẋika kuxixima ku ana ni alaula, katé ku muiji ua katatu ni ua kauana.

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

Matendelelu 32:25

Anga mu ila: ku kanga xibhata i ídia, dia, moxi kimbuua kijeja. Ki kala o munzangala ua diiala, ki kala o mona-kilumba kiluua ejiia diiala; ki kala o mona bhu maku, ki kala o velu mukua jinvi,

Matendelelu 32:35

Phonzo ia ngi tokala eme, eme-muène ngi futa bhu kizuua kiê; sai bhuoso mungu bhua kà ẋangumukina o dikanda diâ; mbata o kizuua kiâ kia kusenguluka kiazukama. O ima-phe ia-nda kubhita-na-iu kindala ia-nda kuiza muene, ki i kokoloka.

Matendelelu 32:41

Se ngedi ngi zuika o mukuale uami, uedi léko, ni ngi te lukuaku luami mu kubatula o milonga, ngi tata phonzo ku thandu dia jinguma jami, oso a ngi zemba ngʼa bhana o futu iâ.

Matendelelu 5:9

Kana ku i fukamena, kana ku i bheza; kuma eme Jihova, Nzambi ié, ngene ngi Nzambi ia difuba, ana ngʼa bhesa kaxtiku mu ituxi ia jitata jâ, katé ku mululu ni ku mulaúla ua iá a ngi zemba,

Matendelelu 7:11

Aluka-phe, ijilʼiii ni jingonge ni mabatuilu moso u ngala ku ku lekelela lelu, ngixi, kumbidila-nâ.

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.