Matendelelu 7:1 - O Mikanda Ikola

¹ Kia kà zubha Jihova Nzambi ié ku ku bokuesa mʼoxi i ua-nda kúvua, anga u ku toluela miji iavulu ia matumbu hé u a kaiesa bhu pholo ié, o sambuadi dia ifuẋi diosoʼidi, akua Mahiti, akua Jijidingaze, akua Mamodi, akua Kanana, akua Mapelezi, akua Mahivi, ni Majebusi, athu a ku tundu mu nguzu ia a ku tundu mu kuvula.

Matendelelu 7:1 ပူးပေါင်းရင်းမြစ်များ

I Jisobha 16:31

Anga ki bhita kuma (kifua ua fika kima kiofele kia bhange, kia kuenda mu ituxi ia ta jinga Jelobouamu, monʼa Nebate) u taku dingi o kusakana hanji ni muhatu a mu ixana Jezabele, monʼa Etibahale, sobha ia akua Sidonha; anga uia mu kubhikila o kiteka kia Bahale, ni ku ki fukamena bhu pholo iê.

I Malunda 1:14

Ni Jijebuzé, ni Ji-amolé ni Jijidingazé,

II Malunda 8:7

Ku mbandu ia kifuẋi kioso kia subhuka ku Mahaiti, ni Mamole, ni ku Mapelezi, ni ku Mahivi, ni Majebuzi ió a kambele kutokala mu muiji ua Izalaiele,

Ejidala 9:1

Kiabhu-phe ima iii, kua ngi sange adiakimi, exi: O kifuxi kia Izalaiele, ni jinganga ni jilevita ka di tungula bhuma ni akua jixi jengi mu ku kasana kua akua Kanana, ni akua Hiti, ni Jipelezé ni Jijebuzé, ni akua Amone ni akua Mouabhi ni akua Ijitu ni Mamole.

Nehemiia 13:23

Anga ngi mona ue mu izuuʼomo, kuma akua Juda a sakanene ni ahatu a akua Asdode, ni akua Amone, ni akua Mouabhe.

Jisálamu 78:55

Akuaʼxi momo ua a kaie bhu pholo iâ, oxi iâ ua a bhana-iu ene mu ibatu-ibatu, o mabhata mâ, Izalaiele muene ua bhingana mu kutunga-mu.

Makatukilu 15:7

Mu kuzangalala kué kuavulu, ua a tolola oso ambe ku ku kitukila; ki ua a tumikisa o njinda ié, ene abhi kala maxinde a kitumba.

Makatukilu 23:28

Ngi tumikisa ue madimbuende ku pholo ienu, ende ni kukaia o Mahivi, ni Makanana, ni Mahiti, bhu pholo ienu.

Makatukilu 23:32

Enu ki mu te-nâ kikutu kia ukamba, né ene, né o jinzambi jâ.

Makatukilu 23:33

Ka tunge dingi mʼoxi ienu, phala ka mi tese ituxi kokuami; kuma se mu bheza jinzambi jâ, mu fua muene mu múkala.

Makatukilu 33:2

Nga-nda kutuma-phe Anju ku ku tuamenena; o Makanana, ni Mamodi, ni Mahiti, ni Mapelezi, ni Mahivi, ni Majebusi, nga-nda ku a kaia-mu;

Makatukilu 6:8

Hinu ngi mi bhiẋidisa mʼoxi i nga lokela Mbalahamu, ni Izake, ni Jakobo, ku a bhana-iu; ngi mi bhana-iu muene mu undundu uenu, mukonda eme Jihova.

Ijila 14:34

Kioso ki mu bhixila mʼoxi ia Kanana, i nga-nda ku mi bhana mu ubhingano, Eme anga ngi tuma dibhebho dia dibhute ku kuata ku inzo, mʼoxi i mua-nda kúvua;

Dialuilu 13:29

Akua-Maleke a tungu ku Sulu; Mahiti, ni Majebuzé, ni akua Amone, a tungu mu milundu; akua Kanana a tungu ku mbanduʼa kalunga, ni mu honga ia Njolodá.

Dialuilu 14:31

Inda tuana tuenu-phe, tu mua tangele, muixi: A di bhange mbole, ene nga kà a bokuesa-mu, a kêjiia ixi i mua tènde, enu mua di tunu-iu.

Jipoxolo 13:19

O kia zubha kubuikisa sambuadi dia ifuẋi mʼ oxi ia Kanana, oxi ua a bhana-iu ku i lundula mu hâma jiuana ja muvu ni makuinhi a tanu.

Matendelelu 11:29

Kioso-phe Jihova Nzambi ié kia kà ku bokuesa mʼoxi i ua-nda kúvua, ua kà tanga dibesá didi ku mulundu ua Ngedizine, anga ua kà jimbula ue Mázui iá ku mulundu ua Ebale.

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Matendelelu 20:16

Maji o madiembu ma ifuẋi iii ia ku bhana Jihova Nzambi ié mu ubhinganu nuka uxa-mu kima kiala ni muenhu kia-lu bhuima.

Matendelelu 31:20

Mbata kioso ki nga-nda ku a tula mʼoxi i nga lokela jitata jâ, oxi i zunzumuka lete ni uiki, kia-nda kúdia, kia-nda kúnua, anga a neta mukonda dia jimbote ji nga-nda ku a bhana a-nda kulungulukila ku jinzambi jengi, anga a ji sedivila, a-nda ku ngi thathamesa, o kikutu kiami ki nga te-nâ a-nda ku ki bula.

Matendelelu 31:3

O Jihova Nzambi ié muene ua-nda ku ku tuamenena ku pholo. O akua jixi jiji, iá muene ua-nda ku ku jikinisina-u, nda eie u vue oxi iâ. Josuué muene u ku kala ku pholo ia ku ku endesa, kala kiambe Jihova.

Matendelelu 4:38

Iú ua kaiesa ifuẋi ia miji ia ku tundu eie mu ku kula ni mu ku suina, oxi ià iu ua i bhakela o ku ku bokuesa-mu eie, ni ku ku lunduisa-iu eie mu ubhinganu kala ki ua-lu ki mona leluʼiki.

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.

Matendelelu 6:10

Kioso o Jihova Nzambi ie kia ka ku tula mʼoxi ia lokela jitata jenu a Mbalahamu ni Izake ni Jakobo, o ku ku bhana eie, ua kà sanga-mu i-mabhata kʼeie ua itungu iauabha o kuuabha, ia ku tungilʼê kiá!

Matendelelu 6:19

Bhene bhua mu tundu o ku kaiesa jinguma, nda ji ku-bhue ku mesu, kala kia ku ambela-kiu Jihova.

Matendelelu 6:23

Bhenhobho Iú ua tu tundisa-ku, mbé o ku tu ambata ni ku tu bhana oxi ia lokela o jitata jetu.

Matendelelu 9:1

Ivua, eie Izalaiele, kuma leluʼidi Njolodá mua-nda ku mu zaúka enu mua-nda kúvua ifuẋi ia miji ia mi tundu; o kusuina kuâ kota, o kuenu ndenge; ni jimbonge jamakota, jala mu imbaka iatuta katé ku maúlu.

Matendelelu 9:3

Tumenu-phe ku kʼijiia, kuma lelu muene, Jihova Nzambi ienu, ua kà mi tuamenena ku pholo; muene-phe ua di bhanga túbhia tua muzukuta tu buikisa, ua-nda ku a tolola, enu anga mu a tundisa lusolo ni ku a jima o mbutu kala kia zuela Jihova.

Matendelelu 9:4

Kioso-phe kia-nda ku a muanga kuala Jihova Nzambi ienu, enu anga a mi bhua ku mesu, ki muile ni miẋima ienu, muixi: Jihova ua tu mono tu athu ambote, kiene kia tu tudila mʼoxi iii phala i kale ietu, ki kiene; maji o ituxi ia ifuẋi iii, iene-ku ia bhangesa Jihova ku a kaiesa-mu.

Josuué 11:3

ni ku Makanana a thunda ni a luiji; ni ku Mamodi, ni Mahiti, ni Mapelezi, ni Majebuzi ku milundu; ni ku Mahivi mu betekete ia Helemone, mʼoxi ia Mispa.

Josuué 24:11

O ki muà zaúka Njolodá enu mueza mu Jedikó, akua-bhata mu Jedikó a lu mvunda nʼenu. Kiene ue kimoxi kia bhange o Mamodi, ni Mapelezi, ni Makanana, ni Mahiti, ni Jijidingaze, ni Mahivi, ni Majebuzi; eme-phe nga a bhakula bhu lukuaku luenu.

Josuué 3:10

Josuué uixi: Kiene ki mu kʼijidila, kuma Nzambi ia muenhu muala-nê muʼaxaxi kenu, mukonda muene sé ngó kufula, ua-ndu kaia bhu pholo ienu akua Kanana, ni Mahiti, ni Mahivi, ni Mapelezi, ni Jijidingaze, ni Mamodi, ni Majebuzi.