Matendelelu 6:7 - O Mikanda Ikola

⁷ Anʼé u a longa muene o ku a bhaka ni ku a kumbidila; o ki u xikama mʼonzo ié, banza maka enhá; o ki u kala mu kuenda njila, enda ni maka enhá; o ki u zeka, zeka ni maka enhá; o ki u balumuka ku kilu, kuata maka enhá.

Matendelelu 6:7 ပူးပေါင်းရင်းမြစ်များ

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

Jobe 8:10

Manhi jitata ki ja-nda ku ku longa? A kamba ku ku zuelela? Mu kuijiia kua mixima iâ, ka-nda ku ku tela ue maka eneʼá?

Jisálamu 119:13

Mizumbu iami ia kuata mukumbi ua kutanga o kufundisa kua dikanu dié, kuma kuasokelela kuoso.

Jisálamu 119:46

Ngi tanga jinga o umbangi ué, ni bhu pholo ia jingana, jisonhi ki ji tena ku ngi kuata.

Jisálamu 129:8

Abhite-a-njila ka tena, kuila: Tana-ku! Mba amba, exi: O kizediuise kia Jihova ki kale ku thandu dié. Etu tua mi te o kizediuise mu dijina dia Jihova!

Jisálamu 37:30

Dikanu dia muthu uaiuka di zuela uhete, maka ma kutetuluka ma mu kala bhu dimi.

Jisálamu 71:17

Eie, Ngana Nzambi, ua ngi longo tunde mu undenge; katé bhu ngezʼabha, mukumbi uami u ngene mu tanga, o kukalakala kué kua madiuanu.

Jisabhu 10:21

Mizumbu ia muthu ua iuka, i dikila mundu; o ioua-phe, mukonda dia kukamba kilunji, afua.

Jisabhu 15:2

O dimi dia jíngambi ja kuijiia, di uabhesa o unjimu; maji o dikanu-phe dia maioua, di lundulula ngó uoua mu uoua.

Jisabhu 15:7

O mizumbu ia jinjimu, i lundulula kuijiia; maji o muẋima ua ioua-phe, ki kiene ki u bhanga.

Jisabhu 6:22

O ki uia mu kunhunga, iene i ku endesa; kioso ki u zeka, iene i ku langa; o ki u phaphumuka ku kilu, ienda ni ku ku zuelesa.

Izaía 38:19

Kikale o athu ku muenhu, mukonda athu ku muenhu, ene ngó a ku ximana, kala eme ki ngala kubhanga leluʼiki. O tata, ua kʼejidisa o kidi kié-eie, u Nzambi, ku anʼê.

Malakiia 3:16

Maji kienhiki-phe akua kuxila Jihova enda ni ku di kunda-kiu mudiâ muthu ni mukuá; Jihova anga ua a suua; ua evua; anga u ki soneka mu divulu kuma dilembalelu bhu pholo iê, kua iá akua uoma uê; iá ene mu kuxila Dijina diê.

Matesu 12:35

Muthu uambote, ku dilundilu diê diambote, u tubhula ima iambote. Muthu uaiibha, ku dilundilu diê diaiibha, u tubhula ima iaiibha.

Luka 6:45

Muthu uambote, ku mbote ia mu vudila mu muẋima, u tubhula ima iambote; o kifusa, ku ufusa ua mu vudila mu muẋima, u tubhula ima iaiibha. Mukonda kioso kia vudila ku muẋima, kiene ki tanga o dikanu.

Efezo 4:29

Ki mu tunde ndaka iabolo mu kanu dienu. Maji o kuzuela kuenu ku kale kua kukuatekesa akuenu kukula mu kuxikana ni a mone kioso kia bhindamena, phala kuzuela kuenu ku bhange mbote kua oso evua.

Efezo 6:4

Enu uenu mu jitata, kana kuthathamesa anʼ enu ni ku a kuatesa njinda. Maji mu a sasa ni ku a beta, ni ku a longa kioso kia tumu Ngana.

Matendelelu 11:19

Endenu ni ku a longa anʼenu; mu uzuelelu uenu ki mu xikama mʼonzo, kuatenu maka enhá; o ki mu kala mu kuenda njila, kuatenu maka enhá; o ki u zeka ku kilu, zeka ni maka enhá; o ki u balumuka ku kilu, balumuka ni maka enhá.

Matendelelu 6:2

Mbé u kuate kuxila Jihova Nzambi ié, ni kualuka o jingonge ni ijiia iê ioso, i ngala ku ku tendelela, eie, ni monʼé ni mululu ni mulaulʼé, izuua ié ioso i ukala ni muenhu; o mu ku ki bhanga-phe ua kà laia izuua iavulu.

Kolose 4:6

O kuzuela kuenu ku kale kua ujitu, kuotoue ni môngua, phala uoso ua mʼibhula, mu ijiie ku mu vutuila kiambote ni ujitu.

I Phetele 3:15

Kôlesenu-phe Kristu ku miẋima ienu, kuma muène Ngana ienu. Mu kale polondo kuvutuila muthu uoso ua mʼ ibula o kudielela ku muala na-ku.

Lute 2:12

Jihova a ku futé-kiu kioso ki ua bhange; o kisakidilu kié ki kale kia dikota ki ku bha Jihova, Nzambi ia Izalaiele, ua bhingi moxi a mabhabha-mê muene mu ueza kusota kididi kia kukala.

Lute 2:4

Bhenhobho-phe Bouaji u tunda mu Beleme, anga uiza ku menekena o jingunza jala kumuna, uixi: Ngana a mi kuatekese. Ene ue a mu kumbulula, exi: Eie ue Ngana a ku bhane dibesá.

Lute 4:11

Mundu uoso a xikama bhu muelu ua kimbaka, ni adiakimi, bhenhobho exi: Tu jimbangi muene. O Jihova a bhangese kuila muhatu iú ueza mʼonzo ié a soke ni Lakele ni Liia, a tenene kiiadi kiâ kubhanga o dibhata dia muiji ua Izalaiele. Eie muene ue Bouaji, kala u dikuenze, o Nzambi a ku bhane kuzediua mu Efrata, ni kujinga o dijina mu Beleme.