Matendelelu 6:5 - O Mikanda Ikola

⁵ Zola-phe Jihova Nzambi ié ni muxima ué uoso, ni muenhu ué uoso, ni nguzu ié ioso.

Matendelelu 6:5 ပူးပေါင်းရင်းမြစ်များ

I Jisobha 3:3

Solomá anga u zola Jihova, u kala mu kuenda mu ijila ia tatʼâ Davidi; inda kima kimoxi ngó; u kala mu satela ku matala, ni kuohela-ku o fumasa ia dizumba.

II Jisobha 23:25

Kioso muene kiluua a kala-ku, ki ku kexile sobha ia di-fu ni muene, ua di-bhakuila kua Jihova ni muẋima uê uoso, ni muenhu uê uoso, ni nguzu jê joso, kala ki kiala mu kitumu kia Mozé; o muene ue kia bhitiʼé kiá, kiluua dingi ku balumuka mukuá a soka-nê.

II Malunda 15:12

Hé a bokona mu kikutu kia kusota Jihova, Nzambi ia jitata jâ, ni muẋima uâ uoso, ni muenhu uâ uoso.

II Malunda 34:31

Sobha, bhu kididi kiê, anga u balumuka, uimana hé u ta kikutu bhu pholo ia Jihova, phala kukaiela jinga Jihova, ni kualuka o ijila iê, ni kubhaka o maumbangi mê, ni jingonge jê ni muẋima uê uoso ni muenhu uê uoso, ni kutumaka o maka moso ma kikutu mʼòsoneke mu divulu dieneʼodio.

Jisálamu 119:2

A lungu ió aiuka o umbangi uê, a mu u sota muene ni muẋima uoso.

Jisálamu 31:24

Kolenu maku, miẋima ienu i kale ni nguzu iobhe, enu oso mua dielela kua Jihova.

Matesu 10:37

Uoso u zola tatʼâ mba mamʼâ, eme ni ngi mu kale ndenge, ió ka ngi tokala eme. Uoso u zola monʼ ê ua diiala mba ua muhatu, eme ni ngi mu kale ndenge, ka ngi tokala eme.

Matesu 22:37

Jezú ua mu vutuila, uixi: Zola Ngana, Nzambi iê, ni muẋima ué uoso, ni muenhu ué uoso, ni kilunji kié kioso.

Marku 12:30

Ngana-phe, Nzambi iê, u mu zola ni muẋima ue uoso, ni muenhu ue uoso, ni kilunji kiê kioso, ni nguzu iê ioso.

Marku 12:33

O ku mu zola ni muẋima uoso, ni kilunji kioso, ni nguzu ioso, ni kuzola mukuetu kala ki tua di zolo etuʼene, kotʼelele, o jisata joso ja ibhaku ia kuoha ni maujitu engi a kubhakuila Nzambi, ndenge.

Luka 10:27

Muéne u vutula, uixi: Zola Ngana Nzambi ié, ni muẋima ué uoso, ni muenhu ué uoso, ni nguzu ié ioso, ni kilunji kié kioso. O mukuenu u mu zola, kala ki ua di zola eiʼmuène.

Matendelelu 10:12

Kiki-phe, eie u Izalaiele, ihi ia ku xindi Jihova Nzambi ié, oko ua ku edi ngó, uixi: Xila Jihova Nzambi ié, enda mu ikoka iê-muène, mu zole, enda jinga ni kusedivila Jihova Nzambi ié ni muxima ué uoso, ni muenhu ué uoso,

Matendelelu 11:1

Zola-phe Jihova Nzambi ié, ukuate kualuka ni muanu o ima ioso ia ku tendelela, ni ijiia iê, ni mabatuilu mê, ni jingonge, ni itumu iê, izuua ioso.

Matendelelu 11:13

Kia kà kala kiki-phe kuila, se mu kuata muanu ua kutumaka ijiia iami i ngala ku mi bhana lelu iii, ia kuzola Jihova Nzambi ienu, ni ku mu sedivila ni muxima uenu uoso ni muenhu uenu uoso,

Matendelelu 13:3

polofeta ió mba ka jinzojiʼó eie ku mu ivue; kuma o Jihova Nzambi ienu, uene ku mi lola nda a mone se kidi kiene Jihova Nzambi ienu mua mu zola muene ni muxima uenu ua muvimba, ni muenhu uenu uoso.

Matendelelu 13:4

Muenda jinga-phe ni kukaiela Jihova Nzambi ienu; mu mu kuatela jinga uoma; ijiia iê mu i aiuka; muenda ni ku ívua jinga o dízui diê; muene ngó mu mu sedivila, anga mu zukama ngó kua muene.

Matendelelu 19:9

(kioso eie ki u kuata kualuka o ijiia iene ioso iii, i ngala ku ku tendelela lelu, phala kuenda ni ku i bhanga—o kuzola Jihova Nzambi ié, ni kuendela jinga mu jinjila jê, izuua ioso) bhenhobho-phe ua kà bandekeza-ku dingi jimbonge jitatu jamukuá, ku thandu dia jitatuʼiji.

Matendelelu 30:10

Maji kikale imʼiii ijiia mu kusuua o dízui dia Jihova Nzambi ié, ni mu kualuka o ijiia iê ni jingonge jê, jòsoneke mu divulu didi dia Kikutu, mu kuila eie uabiluka kiá anga u vutuka dingi kua Jihova Nzambi ié, ni muxima ué uoso ni muenhu ue uoso.

Matendelelu 30:16

Kuma ngala ku ku tendelela lelu, ngixi: Zola Jihova Nzambi ié, endela mu ikoka iê, ijiia iê bhaka-iu kiambote, ni jingonge jê, ni mabatuilu mê; se kiene ki u bhanga, u kala ni muenhu, u di sokolola u kala u munéne; o Jihova Nzambi ié ua-nda ku ku zediuisa mu ixi i ua-nda kubokona mu ku i vua.

Matendelelu 30:20

Kale-phe u zola Jihova Nzambi ié, u bhana mátui ku dízui diê, uenda ni ku mu naminina ngó Muene; mukonda kuala o kulaia kué; kuene kuala o divula dia izuua ié; nda u tene kutunga ni kuxalela mʼoxi ia lokela Jihova ku i bhana jitata jé Mbalahamu, ni Izake, ni Jakobo.

Matendelelu 30:6

Jihova Nzambi ié ua-nda ku ku saia o muxima ué moxi, ni muxima ua mbutu ié ia-nda ku ku kaiela, phala kuzola jinga Jihova Nzambi ié ni muxima uoso, ni muenhu ué uoso, nda u kole muenhu.

Matendelelu 4:29

Kienhokio-phe, kuenhoko ua kà sota Jihova Nzambi ié, anga u mu sanga, se u mu sota ni muxima uê uoso ua muvimba, ni muenhu uê uoso ua muvimba.

Josuué 22:5

Kima kimoxi-phe, kia mi fuama: kuatenu muanu ua kualuka kiambote o ngonge ni kitumu kia mi lekelela Mozé, ngunza ia Jihova; uixi; Zolenu Jihova Nzambi ienu, mu endele jinge mu jinjila jê muene, jingonge jê mu ji lange, mu zuame kua Muene, mu kuate jinge ku mu bhikila ni muẋima uenu uoso ni muenhu uenu uoso.

I Nzuá 5:3

Kuma o henda ia kuzola Nzambi ienhiʼii, o kualuka o ijila iê. O ijila iê-phe ki ia bhonzo ku i aiuka,