Matendelelu 6:4 - O Mikanda Ikola

⁴ Ivua, Izalaiele, tata! O Jihova, Ngana dia Nzambi ietu, muene Ngana imoxèlele ngó, ka moneka mukuá.

Matendelelu 6:4 ပူးပေါင်းရင်းမြစ်များ

I Jisobha 18:21

Elija bhenhobho u zukama ku kifuẋi kioso hé u ambela, uixi: Kumbi kuxi di mua-ndu lémbua kutenguina bhu kaẋi ka ixinganeku iiadi? O Ngana se muene Nzambi, mu kaiedienu! Maji ki ki kala o Bahale mua mu mono kuma muene ua tokala, mu kaiedienu. Kifuẋi-phe a di xibhʼâ, ka mu vutuila kima.

II Jisobha 19:5

Anga abhika a sobha Ezekiia eza kua Izaia.

I Malunda 29:10

Mukonda dia kiki, Davidi kia mu bhekela kuximana Nzambi bhu pholo ia kionge kioso, uixi: Tana-ku, eie u Jihova Nzambi ia tatʼ etu Jakobo, ku mivu ni minginda!

II Malunda 17:9

Anga a longa mua Juda; o divulu dia kitumu kia Jihova ene a kexile na-diu; anga a nhunga jisanzala joso ja Juda ni kulonga muʼaxaxe ka mundu.

Nehemiia 9:6

Eie Ngana, eie-muène ubheka ué, eie ua bhange o diulu, ni diulu dia madiulu, ni kifuxi kiê kioso; ni oxi ni ima ioso iala-mu; o misanza ia kalunga ni ima ioso iala-mu; eie Ngana anga ene oso u a bhana o muenhu, anga kifuxi kia diulu ki kala mu ku ku bheza.

Jisálamu 78:5

Kuma muene ua xi kijimbuete mua Jakobo, ua bhana kijila mua Izalaiele, kiene kia tendelela o jitata jetu phala ue a i longe jinge ku anʼâ.

Jisálamu 86:10

Mukonda eie, Ngana, u kôla! U mukua kubhanga madiuanu! eie ngó ubheka ué u Nzambi!

Izaía 42:8

Eme ngi Jihova, didi diene o dijina diami; o fuma iami ki ngi i bhana muthu uengi, kana, mba o diximanu dia ngi tokala eme ngi di ehela ku iteka ia kusonga.

Izaía 44:6

Jihova, sobha ia Izalaiele, Mukudi ué, Jihova dia Ifuẋi, uambe kiki: eme-muène nga dianga, eme-muène nga sukidila; bhu nga kambe eme ki bhu kala Nzambi.

Izaía 44:8

Ki mu bhuuame, ki mu kale ni uoma; manhi tundé ku dimatekenu ki nga mʼivisa-kiu kiá, ki nga mi tangela-kiu? mbata enu muala mu jimbangi jami.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Matesu 22:37

Jezú ua mu vutuila, uixi: Zola Ngana, Nzambi iê, ni muẋima ué uoso, ni muenhu ué uoso, ni kilunji kié kioso.

Luka 10:27

Muéne u vutula, uixi: Zola Ngana Nzambi ié, ni muẋima ué uoso, ni muenhu ué uoso, ni nguzu ié ioso, ni kilunji kié kioso. O mukuenu u mu zola, kala ki ua di zola eiʼmuène.

Nzuá 10:30

Mbata eme ni Tata, etuʼ ene umoxi.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Loma 3:30

Kuma o Nzambi imoxi ngó iene ialaku, o ió akua kifua kia kusaia, u a lungisila mu kuxikana; o a kambe kifua kia kusaia, kiene kimoxi, u a lungisila ue mu kuxikana.

Efezo 4:6

Sai-ku Nzambi imoxi ngó, Tata ia etu ene oso, uala Ngana ia ene oso, u kalakala mu ʼaxaxe ka ene oso, iú uala moxi dia ene oso.

Matendelelu 4:39

Ijiia-na-kiu-phe lelu, ni kubanza mu muxima ué, kuma Jihova muene ngó o Nzambi mu diulu, ni mu ngongo bhoxʼabha; ki kuene mukuá.

Matendelelu 5:6

Eme Jihova Nzambi ié, nga ku katula mʼoxi ia Ijito, mu dibhata dia ubhika:

I Timote 2:5

Mukonda sai-ku Nzambi imoxi ngó, ni Mubhangedi umoxi ngó u bhita bhu kaxi ka Nzambi ni athu—muène o muthu Jezú Kristu,

Tiiaku 2:19

Eie ua xikana kuila sai-ku ngó Nzambi imoxi? Kia uabha! Ni madimonho ue a ki xikana, a teketa ni uôma.