Matendelelu 6:23 - O Mikanda Ikola

²³ Bhenhobho Iú ua tu tundisa-ku, mbé o ku tu ambata ni ku tu bhana oxi ia lokela o jitata jetu.

Matendelelu 6:23 ပူးပေါင်းရင်းမြစ်များ

Makatukilu 13:5

Kioso-phe Jihova kia kà mi bheka mʼoxi ia Makanana, ni Mahiti, ni Mamodi, ni Mapelezi, ni Mahivi, ni Majebusi, ixi ia lokela jitata jenu ku mi bhana-iu, ixi i kunguluka lete ni uiki, mua kà kuata ue kijilʼiki, mu mbeji iene i tualʼiii.

Matendelelu 1:35

Ni kidi kiene, o muiji ua isuéia u kala kiki, ki bhu kala dingi muthu u mona oxi iauabha kiókio i nga lokela ku i bhana jitata jenu.

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 6:10

Kioso o Jihova Nzambi ie kia ka ku tula mʼoxi ia lokela jitata jenu a Mbalahamu ni Izake ni Jakobo, o ku ku bhana eie, ua kà sanga-mu i-mabhata kʼeie ua itungu iauabha o kuuabha, ia ku tungilʼê kiá!

Matendelelu 6:18

Ioso iafuama, iauabha ku mesu ma Jihova, Nzambi ienu, iene i u bhanga jinga; nda ukadiê kiambote, ubhanduluke kiavulu, u kutuke mu kúvua oxi ia uabha ioio, ia bhingile mu ku i bhana jitata jé, Jihova ualoka.

Matendelelu 6:22

O Jihova ua bhange isunji ni madiuanu a makota mu Ijitu, kua Falaó ni diembu diê dioso, tua di muena-kiu ni mesuʼetu.

Matendelelu 6:24

O Jihova-phe iú ua tu tendelela kuila tua tokala tu kumbidila jinga o jingonge jiji, ni tu kuata kuxila Jihova Nzambi ietu, phala o kubhanduluka kuetu ku nangenene, nda a tu bhane muenhu, kala ki tuala leluʼiki.