Matendelelu 6:2 - O Mikanda Ikola

² Mbé u kuate kuxila Jihova Nzambi ié, ni kualuka o jingonge ni ijiia iê ioso, i ngala ku ku tendelela, eie, ni monʼé ni mululu ni mulaulʼé, izuua ié ioso i ukala ni muenhu; o mu ku ki bhanga-phe ua kà laia izuua iavulu.

Matendelelu 6:2 ပူးပေါင်းရင်းမြစ်များ

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

Dimatekenu 22:12

Uixi: Mona kana ku mu tula lukuaku, kana ku mu bhanga kima kiaiibha; kuma kiki ngʼejiia kuila u mukua uoma ua Nzambi, katé ni monʼé umoxiʼèlele, kua ngʼimina-nê.

I Jisobha 8:40

Ene nda a ku kuatele uoma, izuua ioso i a kala ni muenhu, mu ixi i ua bhana o jitata jâ.

Jobe 28:28

Iú uambela o muthu, uixi: Talesa-ze! O uoma ua Nzambi, uene o unjimu; o kueha kia ibha, kuene o kuijiia.

Jisálamu 111:10

O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.

Jisálamu 128:1

Ua zediua o muthu ió uoso ua kuata uoma ua Jihova, mukua kuenda jinga mu ʼnjila jê.

Jisálamu 91:16

U laia izuua iavulu, i ngi mu bhana, vondadi i mu bhua; eme ngende ni ku mu idikiza ki kala o ubhulukilu uami.

Makatukilu 20:12

Bhana ujitu kua tatʼenu ni mamʼenu, phala izuua ié i vule, mʼoxi i ku bhana Jihova, Nzambi ié.

Makatukilu 20:20

Mozé anga u ambela mundu, uixi: Kana kukala ni uoma; kuma Nzambi ueza ku mi lola, phala uoma uê u kale bhu pholo ienu, phala ki mu te ituxi.

Jisabhu 16:6

Bhuala o henda anga bhu kala ue o kidi, kituxi ki jima; maji athu kuebha o ituxi, ki kale ngó ku uoma ua Jihova.

Jisabhu 3:16

Ku lukuaku luê lua kadilu kuala dibandekezu dia izuua, o ku lukuaku luê lua kiasu maunvama ni kijingu.

Jisabhu 9:11

Mbata ko kuamiʼeme kuene ku ua kà muena o kuvula kua izuua ié, hé a kà ku bandekezela-ku mivu ia muenhu.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Jelemiia 32:39

Anga ngʼa bhana ene oso muẋima umoxi, ni njila imoxi, nʼa ngi kuatela uoma izuua ioso, phala mbote iâ ene ni mbote ia anʼâ, a-nda ku a bhingana.

Izekiiele 20:19

Kuma eme ngi Jihova Nzambi ienu; endelenu mu jingonge jami, muende ni kualuka o mabatuiluʼami, muie ni ku a bhanga.

Luka 12:5

Eme ngi mi londekesa-phe uoso mu mu kuatela uôma: Mu kala ni uôma ua Nzambi, ió kia zubha kujibha o mukutu, u tena ue ku mi takula mu ʼalunga ka túbhia. Xi, nga mi ambela muene: Kalenu ni uôma ua Nzambi! Muenió mu ẋidienu.

Matendelelu 10:20

Endenu-phe ni kuxila Jihova Nzambi ienu, muenda jinga ni ku mu bhikila muene ngó, mu jijidienu muene ngó; o ki muila mu loka, lokelenu mu dijina diê-muène ngó.

Matendelelu 11:9

phala mu kole muenhu mu ixi ia lokela Jihova ku i bhana jitata jenu, ni mbutu iâ; oxi izunzumuka lete ni uiki.

Matendelelu 13:4

Muenda jinga-phe ni kukaiela Jihova Nzambi ienu; mu mu kuatela jinga uoma; ijiia iê mu i aiuka; muenda ni ku ívua jinga o dízui diê; muene ngó mu mu sedivila, anga mu zukama ngó kua muene.

Matendelelu 15:5

Kabasa eie u kalé ngó u muthu ua tumaka kiambote o dízui dia Jihova Nzambi ié ni muanu uoso; anga uenda ni kualuka jinga o ijiia ioso i ngala ku ku tendelela lelu.

Matendelelu 22:7

uambula o màma, anga eie uxala ni tuana, phala u tunge u some, uvule izuua ia kukola o muenhu.

Matendelelu 30:19

Ni diulu ni oxi a ngi kale jimbangi, kuma nga ku tudila lelu o muenhu ni kúfua; nga ku tudila ue o kuzediua, ni kuxixima, sola-phe muenhu, nda u laie, nʼeie ni mbutu ié.

Matendelelu 30:20

Kale-phe u zola Jihova Nzambi ié, u bhana mátui ku dízui diê, uenda ni ku mu naminina ngó Muene; mukonda kuala o kulaia kué; kuene kuala o divula dia izuua ié; nda u tene kutunga ni kuxalela mʼoxi ia lokela Jihova ku i bhana jitata jé Mbalahamu, ni Izake, ni Jakobo.

Matendelelu 4:10

Ku jimbe o kizuua ki uemanene bhu pholo ia Jihova Nzambi ié bhu Holebe, kioso kia ngi tangelele Jihova, uxi: Ngi bhonguelele o mundu iú, nga-nda ku a evisa maka mami, na mʼejiie, mbe o ku ngi xila jinga mu izuua ioso ia muenhu uâ, o bhuoso bhua kà tunga a ka ma longe uê anʼâ.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 4:9

Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

Matendelelu 5:16

Bhana ujitu kua tatʼenu ni mamʼenu, kala kia ku tendelela Jihova Nzambi ié, nda u vule izuua ia kukola muenhu mu ngongo, u tunge usome mʼoxi ia ku bhana Jihova Nzambi ié.

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.

Matendelelu 6:24

O Jihova-phe iú ua tu tendelela kuila tua tokala tu kumbidila jinga o jingonge jiji, ni tu kuata kuxila Jihova Nzambi ietu, phala o kubhanduluka kuetu ku nangenene, nda a tu bhane muenhu, kala ki tuala leluʼiki.

Matendelelu 6:7

Anʼé u a longa muene o ku a bhaka ni ku a kumbidila; o ki u xikama mʼonzo ié, banza maka enhá; o ki u kala mu kuenda njila, enda ni maka enhá; o ki u zeka, zeka ni maka enhá; o ki u balumuka ku kilu, kuata maka enhá.

Josuué 4:24

mbé ifuẋi ioso mu ngongo ejiie kuma lukuaku lua Jihova lu kôla; enu uenu ni mu kale ni uoma ua Jihova, izúua ioso, katé ku hádia ni hádia.

I Phetele 1:17

Se muedi mu hingila Nzambi, kuma Tata, mukua kufundisa oso sé ngó kathômbo ka athu, kala muthu kia tokala mu ikalakalu iê, thembu ioso i muala kunu mu inhunginu, mu enda ni uôma uê.