Matendelelu 6:18 - O Mikanda Ikola

¹⁸ Ioso iafuama, iauabha ku mesu ma Jihova, Nzambi ienu, iene i u bhanga jinga; nda ukadiê kiambote, ubhanduluke kiavulu, u kutuke mu kúvua oxi ia uabha ioio, ia bhingile mu ku i bhana jitata jé, Jihova ualoka.

Matendelelu 6:18 ပူးပေါင်းရင်းမြစ်များ

Jisálamu 19:11

Mene ma dimuna selevende ié, o kia kuata ku a aiuka kubhanduluka kuê ku vula.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Izaía 3:10

Athu a iuka a tangedienu, kuma alunguʼâ; mbata ku ibundu ia ikalakalu iâ, a-nda kua kà dia-ku.

Izaía 38:3

anga uila, uixi: Uà, Jihova, tata! lembalala, nga ku diondo, kuma eme ngʼende muene bhu pholo ié mu kidi, ni muẋima uatenena; nga bhange muene ioso ia fuama ku mesu mé. Ezekiia anga u ẋikujuka kiavulu ni kudila.

Izekiiele 18:19

Maji enu muexi: Mukonda diahi o mona kʼambata o ikuma ia tatʼâ? Mukonda o mona ua bhange iaiuka, uejiia o kubatula kidi, iu uaiuka o jingonge jami ni ku ji bhanga, kala kiki u laia muene.

Izekiiele 18:21

Maji o mukua phulu-phe, se u diela o ituxi iê ioso ia-te, hé uaiuka o jingonge jami ni kubhanga iaiuka ni kubatula o kidi, o muthu ió ni kidi muene u laia, ka tena kúfua.

Izekiiele 18:27

Maji o mukua phulu kia diela ku phulu iê ia bhange, hé u bhanga ima ia kuiuka ni kubatula mu kidi, ió o muenhu uê ua sakuka.

Izekiiele 18:5

Kuma o muthu se ua iuka, nʼende ni kubhanga ima ia kilunji ni kufundisa mu kidi,

Izekiiele 33:14

Kioso eme ue ki ngiia o mukua phulu, ngixi: Ni kidi kiene ua-nda kufua; o muene hé u diela o kituxi kiê, anga u bhanga mabatuilu a kidi ni kuiuka,

Izekiiele 33:16

Ku ituxi iê iosololo ia bhanga jinga, ki kua kà kala ku mu xinganekena-ku ima ia ibha ia ku mu bhanga phulu; kuma kindala ua bhange ia iuka iú ua batula kiambote, ni kidi muene ua kà laia.

Izekiiele 33:19

O mukua phulu, kia diela ku phulu iê, hé u fundisa kiambote ni kubhanga ia iuka, mu ienhiʼii ia bhange muene mua kà kolela o muenhu uê.

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

Nzuá 8:29

Uoso ua ngi tumu, uala ni eme. Muène ka ngi xisa kʼ ubheka, mukonda eme ngi bhanga jinga ioso ia mu uabhela muène.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

Matendelelu 12:25

Ku a dié-ze; bhanga muene kioso kiaiuka ku mesu ma Jihova, nda ubonge ujitu, ukale ni kuzediua nʼeie ni anʼé oso a-nda ku ku bhingana kioso eie ki u bhanga kiaiuka bhu pholo ia Jihova.

Matendelelu 12:28

O ki ngala kuzuelʼiki ivenu-kiu muene kiambote, mu ki lunde ku muxima, phala mu bonge ujitu, mu kale ni kuzediua nʼenu ni anʼenu oso ʼa-nda ku mi bhingana katé ku hádia ni hádia, kioso ki mu kuata kubhanga ima iaiuka ku mesu ma Jihova Nzambi ienu.

Matendelelu 13:18

kioso eie ki u tumaka kiambote o dízui dia Jihova Nzambi ié, anga ukuata o kualuka ijla iê i ngala ku ku tendelela leluʼiii, ni uende ni kubhanga kioso kiaiukila ku mesu ma Jihova Nzambi ié.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 5:29

Uaué, taté! tamanu akala ni muxima uenhó, ua ku ngi xila, nu kuate kualuka o ijiia iami ioso, ku makumbi moso! phala a tunge a some, a mone mbote ni ene ni anʼâ, ku mivu ni mivu ki iene kúbhua!

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Matendelelu 6:10

Kioso o Jihova Nzambi ie kia ka ku tula mʼoxi ia lokela jitata jenu a Mbalahamu ni Izake ni Jakobo, o ku ku bhana eie, ua kà sanga-mu i-mabhata kʼeie ua itungu iauabha o kuuabha, ia ku tungilʼê kiá!

Matendelelu 6:19

Bhene bhua mu tundu o ku kaiesa jinguma, nda ji ku-bhue ku mesu, kala kia ku ambela-kiu Jihova.

Matendelelu 8:11

Alukenu-phe, ki mu landuke Jihova Nzambi ienu, anga mu takuila o ijiia iê bhoxi, ni mabatuilu mê, ni jingonge jê ji ngala ku mi tendelela leluʼidi.