Matendelelu 5:5 - O Mikanda Ikola

⁵ Thembu ienhoio eme ngemanene bhuʼaxaxi kenu o kuku Jihova, o koko enu, mbé o kuenda ni ku mi tudila izuelu ia Jihova; mukonda túbhia tua mi kuatele uoma, enu mua lembuele kubanda ku mulundu; o muene-phe, uexi:

Matendelelu 5:5 ပူးပေါင်းရင်းမြစ်များ

Dimatekenu 18:22

Bheniʼobho mala iâ a suluka, a di tela ku Sodoma; Mbalahamu-phe hanji emana bhu pholo ia Jihova.

II Jisobha 18:4

Kuma muenʼiú ua katula o matala oso, o italamu ioso ua i bula-bula, o mixitu ua i kokela bhoxi, o nhoka ia utadi ia bhangele Mozé muene ua i tuetujula; mukonda katé hanji bhu kizuua kieneʼokio, o anʼa Izalele a kexi mu i ohela uasu ua dizumba ni ku ixana, exi: Nehuxtane.

Jisálamu 106:23

Kia mu bhangesa kuila, uixi: Ngʼa buikisa; ua a bhana o muenhu Mozé, muthu uangene, uemana bhu kaẋi ni ku a diondela, katé o njinda iê ua i lungulula iela muengi, iu ua fudisa o ku a buikisa.

Makatukilu 19:16

Anga ki bhita-phe kuila, mu kizuua kia katatu ki kuandeka ngó kúkia, kua kuata kunumina ni kutelaka jinzanji ku mulundu ni dituta dia kitombe (dia bhiti-ku), ni koloneta ia xiki ni dízui dia suina kiavulu. Katé ni mundu ala mu kibangu a kala mu teketa.

Makatukilu 19:21

Jihova anga u ambela Mozé, uixi: Tuluka, u tendelele o mundu, ka bhume ni kusomboka bhu mbámbe, mbé kutalesa Jihova, phala ki bhu kale mundu ua vulu a fua muʼaxaxe kâ.

Makatukilu 19:25

Bhenhobho, Mozé, u tuluka kuala o mundu anga u a tangela imʼiii.

Jelemiia 30:21

Kota diâ dia ngana ua kà tunda momuʼâ, o uoso ua-nda ku a tumina, ua kà tunda mu kaxi kâ muene, nda eme ngi mu zukamesa; o muene nʼa kà bhixila kokuami; kuma muthu nanhi u sota mudiê ku ngi bhixila eme? Jihova uzuelʼó.

Dialuilu 16:48

O muene anga uimana bhu kaẋi ka imbi ni athu a muenhu; o dibhebhu anga di zumbuka kubhita.

Ngalásia 3:19

O Kitumu-phe a ki bhela-hi? Kitumu a ki bandekeza ku pholo kunu, phala kuidikiza o ima ioso iaiibhila Nzambi. Kiene ki nanga ngó katé bhuoso bhu ijila ió a mu bhele polomesa u tunda ku mbutu ia Mbalahamu. Kitumu a ki tumikisina ku ji-anju, ni ku muthu u di bhanga muzumbu uenda na-kiu.

Matendelelu 5:27

Inda bhiẋila kiá eie, uívue ima ioso i zuela Jihova Nzambi ietu; eie phala u tu tudile etu ioso kiá i zuela Jihova Nzambi ietu, etu ue o bhobho tu ku ívua muene, anga o kioso kia tange tu ki bhange.

Jihebeleu 9:24

Kuma Kristu ka bokona mu Kididi-Kikôla kiokalakale ku maku ma athu, ki fikisa ngó mu kidi o Kididi-Kikôla. Maji ua bokona muene ku kidi mu diulu, iú ua tu imanena kindala bhu pholo ia Nzambi mu ku tu diondela.